1 SAMUEL 3:11 - Allah Wene Fano Wene Hupla Inane

¹¹ A'nogo yagatikhemo, At nineisena Tuhan nen he, mel yagatikhe: ”An nen afuni Israel mene faget inailo mene ekhe hilingisigin o. A'nogo hilingitunem afuni inesanggo holugun mene inebe lombok inobakheindok palasugun.

1 SAMUEL 3:11 Referans Kwoze

HABAKUK 1:5

A'nogo yagatimo, At Tuhan nen he, againafuri yagaisoageluk, wene mel yaganete: ”Afuni inunggulenu lombok o hit hinera'lukwe ekhema-ekhema welagaikharek mene andoma, yogondak An nen ekhe hilingisigin enggere, hineilenggen logolik fogerasugun o. Andi re tindelhunem ogo hiren eberogo iluk anggogoin lek mene ekhe o horok hit welagep yaba hilingitunem hambik he, hinendawinggen youk imbik, eigi nailo e,” iluk fogerasugun mene welagebo.

YEREMIA 19:3

An nen wene andi menfikhi logolik he yi'nogo ino ikhe, ”Yago, hit ap raja o Yehuda ba welagep mene inom, nen afuni Yerusalem oba welagep mene inom yoma sani! Hit he An hineisena Tuhan Nomame Mondok Hokho mene, Israel mene ineisena Allah a'nogo nen nane ikhi lagi mene andi holini o. An nen enggin-fenggin mondok elo'lek mene o kweang yiba lakfei wesumo afuni inesanggo holimbik he youk logoin o.

2 RAJA-RAJA 21:12

Andiba re, An nebe Tuhan Allah afuni Israel mene nen fogetnafarek mene a'nogo nen enggin hokho mene it afuni Israel mene inom Yehuda mene inom inoba lakfei wesumo, it afuni inebe lombogen andi faget inesanggo holhambik he youk weak logoin o.

LUKAS 21:26

Nen, pogoroba inomame hokho mene inabologet hikhi logoumo, afuni o yi awi ti awi welagaikharek mene nen he: Yi'nogo hilinglagik, ti'nogo hilinglagik, igin a'nogo arat hilinglasigin higi, iluk inailo nen inendawinggen mondok legasigin o.

YESAYA 29:14

Andiba re it An nen yei ekhe inom inoatu nen youk logoin. Ap inendawinggen wenggelek mene andoma re kembu mene asugun, nen it inelu mene andoma re hilingisu elo'lek mene asugun o,” ikhe.

YESAYA 28:19

Hit hinoba weak mene andi asi wagu mondok were'ma re, hiren hinenggi hundik-hundik, hubet inom hubanggo inom enggin-fenggin hugu mondok logogun. Nen, Allah nen yi'nogo hilingi'no iluk ikhe mene andi hit hinesanggo holhaluk he hinailo nen hinoak leigeti logogun.

1 SAMUEL 3:10

Wagaikhesik were'ma, At nineisena Tuhan wagaikhesik, andoma mendek logolik, Samuel woletikheat: ”Samuel, Samuel,” iluk woletikhemo, at Samuel en he, ”Neisena. Hamingmingegge nesanggo holek welagi o, yaganom,” iluk yagatikhe.

1 SAMUEL 4:10

A'nogo isukwasik, it ap Filistin mene a'nogo weim mondok aninirogo yafi logolik, ap tentara Israel mene mabenet fisasukwasik inoatukwa. A'nogo inoatukwama, ap Israel mene heise inawi tenda wurikwe lombok wagaukwa. Weim andi yafi logolik, ap tentara Israel mene mondok mabenet fisasukwasik, inebe mondok hokhorogo 30.000 nen inoatukwa.

AYUB 41:9

It afuni inebe lombogen, buaya Lewiatan andi nineilenggen hogoin iluk lagaikharek meneat he, ineilenggen haluk inoilo nen inebe talorogo ineil furuk fagarek.