1 SAMUEL 26:8 - Allah Wene Fano Wene Hupla Inane

⁸ A'nogo nogogunem he Abisai nen Daud oba ikhi logolik he, ”Allah nen he o yogondak hup yiba hat haselei mene a'nogo henggiba arat fikhe yi. Enggere an nen we nenggi pireba lek oba nen he nenggi misigamat onggwarek arige ariba ebe talogo kweang inom hun feiyogen he, io hilingisin iluk in o,” iluk yagatikhe.

1 SAMUEL 26:8 Referans Kwoze

1 SAMUEL 24:4

Lagaukwasik he, at Saul a'nogo kwe esanggoma wam domba awi ekhe miren hakhogo wuri'mo andoma asi lagaikhe. Lagaikhesik he andem oumo ekhe were'ma at Saul a'nogo amisema andoma kwigin iluk kwi lagaikhe. Nen ebe asuak he, at Daud agoromi inom omanogo re oumo andi elema a'lima hinago were'ma, Saul a'nogo kwi lagaikhe.

1 SAMUEL 26:23

We Tuhan nenat ap higithogo hilingitarek mene inom, it furogo hilingitarek mene inom fanot fisikhi logogin, yogondak yi sambul Tuhan nen hat neisena hebe an hamingmingengge nenggimo fikheba nen he, an hamingmingengge nen neisena raja hebe Tuhan nen wenagaisogo menhobagaikhe mene hoba weak mene ekhe hilingisigin lek iluk anggigi o.

1 SAMUEL 23:14

A'nogo lagaikhesik at Daud a'nogore Tom oba o Sif leimo helep elema andoma welagaikhe. At ebe Saul en sirok-murok nikhi lagaikheba nen he Allah nen raja andi enggiba fikhi lagaikhe lek.

HAKIM–HAKIM 1:4

Yehuda mene inom, mangorogo lagaukwasik weim sineli lagaukwama re, Tuhan nen ap Kanaan mene inom Feris mene inom omanogo it inenggiba fesikhemo mabenet fisasukwa. Nen ap tentara it inaselei mene andoma re inebe sepuluh ribu nen o Bezek andoma inoatukwama wa'lagaukwa.

YOSUA 21:44

A'nogo hilingitukwama re Tuhan nen it inambu-inomba inoba wene warisasikhe mene higithogo kweang andiba re At Tuhan nen omame a'ma ferinarek were'ma re inailo legengge inambong serogo welagaukwa. It inaselei mene misik iluk ogo it inom weim kagalasu hak mene ekhe hilingiti lagaukwa mondok lek, andi re Tuhan nen it inoba inalonget fisasikhemo a'luk hilingiti lagaukwa.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

ROMA 11:32

At Allah nenat he, afuni weak hilingitunem inenggi hele hobuk fikhaluogeluk warogo fisagarek andi hak, afuni inebe mondogat endawirinabigiluk he, inebe mondogat aren at ane hologo hilingiti'legen honggole'ma fisasikhe andi.

NAHUM 1:9

Iren Tuhan inom weim palek aple nek yi'nogo hilingisugun iluk agarek mene andoma re, ambisangma higithogo hilinglagarek lek. At Tuhan nen he afuni At aselei mene inoba a'mage fikherek mene andoma re enggi pireba inoasigin lek.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

1 SAMUEL 26:7

A'nogo isukwasik hup a'nogo sambul he Daud inom Abisai inom he inebe linglong o sabu sale'ma a'nogo kwi lagaukwasik kwelakhugunemen he, at Saul ebere fem tulem nogogunem he arige kabelek a'nogo unggul higithogo aremnogo kweangma taunghogo welagaikhe. Nen, Abner inom agoromi tentara omanogo inom he abel fena-fena nogokhi lagaukwa.

1 SAMUEL 26:9

Oba nen he Daud en ikhi logolik, ”Haren at oba yi'nogo ti'nogo ekhe hilingfou fuk! Afuni nen ap raja Tuhan nen wenagaisogo menfikhe meneba weak mene hilingfisugu halok he Tuhan nen unggum wogisikherek enggere.

2 SAMUEL 16:9

A'nogo wenagetikhemo, ap Zeruya amlogo Abisai Yoab agot andi nen he, Daud mel yagatikhe: ”Noe. Ap obabut wam obabut hangge mene ari, hat hebe weagerogo homan hobagagu kwelek alelogo herakfiki lagen andi nenahalok? An nen alonggop tekhogo wasigen yaganom o!,” iluk yagatikhe.

YEREMIA 40:15

Andi nen at Yohanan nen linglong Gedalya ba yagati logolik, ”An nen hun Ismael andi wasi lagain fano, andi faget he sa nen hilingite iluk afuni nen ekhe inelu asugun lego. Nen aren hat hoasuageluk andoma re nenahalok herakfegendik welagen nogo? A'nogo asigin andiba re afuni Yehuda mene yoma kabogeta mene inom hat inom nekhengge nalek-falek asugun o, nen afuni Yehuda mene fena ineluk werek mene oma weaget inabigin mene faget hilingiri'lagwi o,” iluk yagatikhe.

1 SAMUEL 24:5

A'nogo kwi lagaikhemo at Daud agoromi omanogo nen inoeba yagati logolik he, ”Tuhan nen hat yagaheti logolik, Hat haselei mene re ninoe henggiba wokhesumo hat hendaimo at oba hilingisigin anggagain higithogo hilingi'no iluk, yagahete lek nogo? iluk yagahetikhe hilingi'mo yogondak yi re i aple at andiba hilingisuageluk werek enggere, nineisena haren hilingisino!” iluk yagatukwa. A'nogo yagatukwama re at Daud a'nogo linglong Saul were'ma aremnogo asi lagaikhesik he, ane legengge at Saul asu jubah a'nogo wurepma endebat ekhe tiliphogo wanhikhe.