1 SAMUEL 26:10 - Allah Wene Fano Wene Hupla Inane

¹⁰ Neisena Tuhan eluk werek mene enuba hilingi'mo re at ebe wa'lasigin oba horok asigin halok ogo, nen weim yafunemen weim ambisangma asigin halok ogo nineisena Tuhan onggwaregen enek Saul ebe wasigin andi re an nelu o.

1 SAMUEL 26:10 Referans Kwoze

ULANGAN 31:14

A'nogo yagaisasikhemo, hobuk At nineisena Tuhan nen wene Musa yi'nogo yagatikhe: ”Hat henggi ekhe inom heluk logogin lego. Ma re, An nen at Yosua nen hilingiti logogin mene yanggulesigen he, at ebe wolesimbik, An nawi su mene wuri'mo waluk we'no o,” iluk yagatikhe. A'nogo yagatikhemo, Musa nen Yosua woletikhesik waluk, o Tuhan awi sabu wuri'mo omanogo lagaikhe.

KEJADIAN 47:29

Ebe a'nogo welagaikhesik, arat wa'lasu hak agaikhemo, amlogo Yusuf a'nogo wolhasikhesik mel yagatikhe: ”Henggi nambulok fena honggolek fena honggolek kwelakfein o. Kwelakfembik hombuk yi'nogo palin: Haren he, an nebe wa'lagunem he, hebe warek o Mesir yoma salhabigin mondok lego.

ROMA 12:19

Nerugwi nagaila'lak. Hinebe nendawi e. Afuni ekhe nen hit weagethinafu halok, hinonggwaregen onggo fugubo. We, Allah a'mage lagaluk, aren hilingisuagen he, at enggiba fikhi logoino. Wene a'nogo hilingiti logogun, iluk lisu yi'nogo palek werek: ”Wurep oba an nen inoatik, onggo an nen figik, igin o, iluk Nineisena Tuhan nen ikherek,” iluk lisu palogo fesukwa.

MAZMUR 37:13

A'nogo hilingitarek meneat he, At Tuhan nen elugun oba hilinginabigin mene horogat asi waga andi nen he, it inaendo hokhorogo yaginaferek.

1 SAMUEL 31:6

O misik sambul at Saul ebe inom, againafuri inebe henagan aremnogo inom, agoromi tentara mene ekhe inebe mondogat inom, agot alage mene ekhe inom, inoatukwa re a'nogo andi.

1 SAMUEL 25:38

Andi nen linggene 10 nen hakhogo welagaikhesigen he at Tuhan nen hun Nabal a'nogoba endawinggen ma ou mene fesikhemo ebe wa'lagaikhe.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.

ULANGAN 32:35

Iren hilingita onggo, wene inoba fembik, inebe inoasigin, Inenggi welagi'lek, inebe alomat lasugun, it weagarinabigin oba, horogat asi waga.

WAHYU 18:8

A'nogo anggikherek andi nen he, an Allah nomame Hokho welagimo re, misigam fagerat sumburu ouwak inom, ou hokho mene inom wogosimbik, ebe endumo nolfisugunem afuni ekhe endawimo weak a'luk le aga logogun andi,” iluk pogoroba nen ugunem nesanggo holhi.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

PENGKHOTBAH 3:2

At Allah nen he, At ebe o ti sambul ta'lasuwak, nen, ti sambul wa'lasuwak, anggigik. Nen, yi mene ti mene, o ti sambul awi yasuwak, nen, ti sambul ero henogo wulakfisoak anggigik,

MAZMUR 94:23

Aren he ap weak hilingiterek mene re it inaweak hilingitarek mene higithogo unggum wogisikherek. Nen it inaweak andiba re Aren enek it inebe weagerinaferek. Nen nineisena Tuhan Allah andi nenat it inebe leget fisagain.

MAZMUR 37:10

It afuni inobabut weak hilingitarek mene andi, inebe weak-weagat legasumo, heraginabugun mene re inebe isogoin mondok lek.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 14:5

Afuni inebe lombok umur inenggi yi huli logogun, iluk andi re Haren wenagaisogo fesiginmo werek, tugi huli taba foleligin iluk andi re tukhumhogo fesiginat, ap misigen iluk ogo huli warek mene andi taganhogo ineluk ekhe inom logogun mondok lego.

AYUB 7:1

Nit afuni andi re afuni inomameba hilingi'ni, iluk yagaisugunem hilingitarek hakhogo wiik-weakhogo welago. Nit nineluk welagorek mene andi re ap ekhe onggo helagain iluk yabu nek hilingitu mondok welagarek higit welago.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.

IBRANI 10:30

”Unggulmo an nen inoatik, onggo an nen figik, igin o,” iluk isikhe andi, sa nen isikhe nogo. Allah nenat isikhe ninelu o. Nen, wene ekhe mel isikhe: ”An ineisena noba lombogen nagainafuri wene inoba figik, kotik, igin o,” iluk isikheat.

1 SAMUEL 24:12

Neisena, yogondak he hat hasu sogoi su ari mene libilik an nenggim fisogo welagi yi heilenggen yethame. Eberogoat an nen hat hebe hoasu meneat he, hasu sogoi su wurep endebat enek palhimo yi o. A'nogo hilingiti andiba nen, hat weagethafik, an kain logogiluk hat hoasigiluk igik, ikhi lagi lek, iluk enegat aga andi hegen a? An nen hat weak ekhe hilinghafi'lek meneat he, haren an nebe noasigiluk mu'narek mondok nikhi lagen andiri!

1 SAMUEL 25:39

Nen, at Daud esanggo holhunemen he at Nabal a'nogo wa'laga ugunem holhikhesik, aren ikhi logolik he, ”At Tuhan enek fogerasuok! Aren at Nabal en an mabenet nobagakhi logolik nenu weagerogo nobagaikhe mene a'nogo onggo watfikhi logolik he Aren enek an amingming engge yi nen kwanirek mene ekhe hilingisinogo iluk kwe pal nobagaikhe andi. At Nabal he weak onggo re Tuhan en unggum oba fikhe andi,” iluk isikhe. A'nogo isikhesik he at Daud en he Abigail nagweab eragain iluk ap ekhe he a'nogo aiba lakfisasikhe.

1 SAMUEL 31:4

A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.