1 SAMUEL 2:8 - Allah Wene Fano Wene Hupla Inane

⁸ Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

1 SAMUEL 2:8 Referans Kwoze

DANIEL 2:48

A'nogo yagatikhesik, Daniel ebe kain enu lego logouwagaluk menfesikhe. A'nogo menfesikhesik, yi mene ti mene mondok fano mene hokhorogo wogotik, it ap inendawinggen kagalek mene at enupogot aiba welagaukwa mene inoe logouwagaluk menfigik, o propinsi Babel oba andoma gubernur logouwagaluk menfigik, isikhe.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

DANIEL 6:3

A'nogo menfisilik lagaikhesik, it ap gubernur andi nen, at raja faget hilingiti'lek alomarogo logoinogo iluk, it ineabu wokfuluk raja yagasi waga logouwagaluk, at Daniel inom, ap inebe pire mene ekhe inom, inebe henagan mene andem menfisasikhe.

WAHYU 1:6

A'nogo fikhalninafikhesik, nit at eisena faget hilingiti logouwageluk, ninebe kain Allah eisewerek menninobagasikhemo welago. A'nogo menninobagasikhemo logolik ninendawimo nen he, ”At Yesus Kristus andi, omame hokho werek,” iluk nit at ebe eberogoat fogeratu mondok logouwogo, iluk, u hak, ”Amin,” igi andi.

1 SAMUEL 15:17

A'nogo yagatikhemo, at Samuel en he, ”Hat honggwarek hendawimo nen he, An elo'lek iluk anggugu kwelek meneat he, afuni Israel mene inunggulenu lombok inoe kain raja logoinogen iluk nineisena Tuhan nen wenagaisogo hobagasikhemo, it inoe hilinglagendik ferinarek welagen lek nogo a?

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.

WAHYU 5:10

It andi inonggo palogo fisasigindik, Nineisena Allah faget hilingiti logouwageluk, Inunggulenu, Allah eisewerek, salhigin, Inebe kainat menfisasiginmo, Iren afuni kweangma mene, Inawe a'ma fisaluk ferinarek logogun,” iluk endawi watunem isigi.

2 SAMUEL 7:8

Andi nen he, An Tuhan yi mene ti mene hilingisu hagenek mene a'nogo nen he, namingmingengge Daud yaga'nogen iluk yagahesigin mene yi, mel ikhe iluk yaga'no: Hat hanggo domba konhi logolik o leimo were'ma wokhafigisik, nagainafuri Israel mene inoe raja logoinogeluk menhobagasigi andi.

WAHYU 3:21

An arat nomame agagimo, neisena kain welagarek mene obulu'mo nemberek welago yi hak, sa nen omame asigin halok, an kain welagirek nobulu'mo nemberek logouwogeluk menfagain o,

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

MAZMUR 104:5

Kweang tik warogo ninghogo fesiginmo werek mene andi re, mondok-mondok andoma abolok igi'lek, etok mondok logogin.

MAZMUR 102:25

A'nogo hilingfikhemo an nen ikhi logolik he, ”Neisena Allah, an nebe neluk horok tulem were'ma arem, nagaime lisogo wo'nabu fugo,” igi. Tuhan Hat he heluk mondok-mondok logogin,

MAZMUR 24:2

Aren kweang elalhi logolik, i laut uan yenggele'ma, tik ninghogo warogo fesikhemo werek.

KEJADIAN 41:14

A'nogo yagatikhemo, at raja nen it ekhe nen Yusuf wani loageluk lakfisasikhemo, lagaukwasik, o inenggi hele warek fisagarek oba nen weak-weagat wulakfei wagaukwa. Wulakfei wagaukwama, at Yusuf ambemosi palhik, asu laberigik, isikhesik he, raja Firaun oba wagaikhe.

AYUB 2:8

A'nogo fesikhemo re, at Ayub ebe yi mene ti mene hugisa lagaikharek oba wea'ma omanogo hurek logolik, piring serelek meneba ebene kibilhi logolik welagaikhe.

KEJADIAN 41:40

Halok, an nen hat hebe gubernur logouwageluk menhobagagunem afuni mondogat haren, yi'nogo hilingi'no, ti'nogo hilingi'no, iluk yagaisugunem hane hologo hilingiti logogun o. We, an namunek he, hat endebat manggwe maya higit werek kwelek an ponggwe hak logolik, o yoma nenupogot an logogin o,” iluk yagatikhe.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

1RAJA-RAJA 16:2

Attak he haren yi'nogo ti'nogo ekhe hilingiten lek oba nen he, An nen hat hebe it nagainafuri Israel mene inobaget inoe kain logoinogeluk menhobagagi. Nen, yogondak he Yerobeam en hilingiti lagaikhe hakhogo re haren weak mondok hilingiti lagen andiba An na'mage kwelabi'lagwi.

2 RAJA-RAJA 9:6

A'nogo yagatikhemo it inebe pire aremnogo oloba kwisukwasik, at nabi alege mene a'nogo nen he e zaitun amusu a'nogo at Yehu unggul oba pelak fikhi logolik he yi'nogo isikhe, ”Afuni Israel mene ineisena Tuhan Allah a'nogo nen ikhi logolik he, An nen hat hebe it afuni Israel mene andi inobaget raja logoinogen iluk menhobagagi o,” iluk ikhe.

AYUB 1:21

”An nagaisa alabutmo nen yi mene ti mene ekhe waluk ta'lagagi lek andi hak, nebe wa'lasimbik ogore nangge yi mene ti mene ekhe waluk lagain legaro. Neisena Tuhan nen wo'netendik hobuk Tuhan honggwarek hambotkwe helegen andi re, fano. Andi nen he, Tuhan henu nek lego mondok logouwak,” iluk fogeratikhe.

MAZMUR 75:3

At Allah nen ikhi logolik he, ”An nen nenggi wenagaisogo fagain oba higit asi wesigin oba re, An nen inawene fanorogo pilingisogo nen katokhogo ayo paligin.

MAZMUR 75:7

Afuni inawene pilingisogo ayo wurinafu mene andi re abel timur fikhiren ogo barat fikhiren ogo, selatan fikhiren ogo wesigin lek enggere.

MAZMUR 107:41

A'nogo meneat he, it afuni inangge lek mene re, it weak were'ma telinafi lagaikhesik, inanggo sik-pikhogo wogisikhi lagaikhe hak, inebe ogo hokho pokhorogo hilingfisikhi lagaikhe.

YESAYA 22:23

Ap hele su leratu mene leget pak waganek meneba omamerogo kelharek andi hak At eabu omame hambuk lele warek mene wogosigin. At oba nen he eisok erokwe mene mondogat legeisogo fisikhi logogin.

MAZMUR 75:4

Kweang inom afuni kweang amboloba werek mene mondogat inom leigesigin, oba nen he, timuk warogo liabek mene andi re An nenat omamet fikhi logogin, ikhe.