1 SAMUEL 2:3 - Allah Wene Fano Wene Hupla Inane

³ at ege ebe were'ma yagasu hak, mel isikhe: ”Hat nege nen heranen weneat honggwarek fogerakhigik, sewirakhigik ikhi logolik, yaganesigin mondok lego. Nineisena Tuhan yi mene ti mene faget futfikherek enek hilingi'mo re, afuni inobabut hilingitarek lombok mondogat higithogo nek wene inoba figik, kotik, ikherek andi nen, hat heranen wene an nabok piliphogo pela'nafi lagen mene andi re elugun warogo hane tonggok in o.

1 SAMUEL 2:3 Referans Kwoze

AMSAL 8:13

Tuhan ebe inailorogo welagaikharek andi re, weak hilingitarek mene inabit welagaikharek andi aro. Inonggwaregen fogerakhagarek andi inom, ”It ekhe elo'lek, an enek he, esin,” iluk anggagarek andi inom, inobabut weak hilingitarek andi inom, ineranhogo wene lalinafarek andi inom, an mondok nabit isigirego.

1RAJA-RAJA 8:39

Hat hebe pogoroba welagen oba andoma logolik inane hesanggo holfuluk he, weak hilingisugun mene sagalogo legetfisigik, yi mene ti mene leberisigik, ikhi logoino o, neisena. Hat hamunek he, afuni inendawimo anggagarek mene andi helu welagendek andi nen he, hagainafuri o nit ninombalak wogisasigin oba yoma logolik, Hat hebe inailorogo hane hologo hilingitu mondok logouwagen, inebe lombok, weak hilingitik, fano hilingitik, hilingisugun higithogoat wene inoba figik, kotik, ikhi logoino o, neisena.

AMSAL 24:12

Telinabigiluk haren yi'nogo ino.” Wene andi an nen hilingisuageluk werek fuk!” iluk igin. Oba nen he At Allah nen hat hoba eilenggen logolik, Aren hat wenggelhen mene andi re higithogo lebetheagain. Nen Arenat it hilingisugun onggo wene inoba fagainat.

IBRANI 4:12

At Allah ane ikherek andi re, karok enggat abel fena-fena mago andi hangge re, lego. We, at ane andi re, eluk mene omame hokho enggat mondok melangsek logolik, inoak enggalim elema kwigik, inamonggok elema kwigik, u hak he, inendawimo inendawinggen oba fakha lagaresik he, inendawimo anggagarek mene inom, inendawinggen en inamolo anggagarek mene inom, eilenggen elok peneterek.

AMSAL 16:2

Ap inebe lombok inobabut hilingitarek mene andi re inonggwaregen kumut hikhi logolik an fano hilingiti lagi iluk anggagarek, oba nen he Tuhan nenat inendawimo anggili'lagwi mene a'nogo futfisikherek.

YESAYA 37:23

Nen haren he andi saba hilingiti lagi iluk halapsiri watik, sebelogo figik, ikhi lagen nogo? An he Israel mene ineisena Allah a'nogo aro, nen Allah namu tegelek welagi mene a'nogo noba hilingiti lagen.

MAZMUR 147:5

Nit nineisena Tuhan andi re Mondok Hokho agun logolik elalin hilingiterek mene werek, At endawi wenggelek mene andi re huli warogo fou re elo'lek.

MAZMUR 94:4

Iren he inaneba mondok weak mene nek wulabi wagik, nen iren weak hilingiri'lagwi mene a'nogo faget foget fakhigik hilingitu werek.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

AYUB 31:6

An hilingiti lagi mene andoma we At Allah nen enek kilo eberogo meneba walhoago. A'nogo walhambik he, At weak oba le'maat, iluk andi re elu asigin o.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

MALEAKHI 3:13

Tuhan nen ikhi logolik, ”Hit hinane ikhi lagep mene andomaba re, eberogo nenat An sebelogo nobagakhi lagebo. Oba nen he, hiren heinok wo'niikhi logolik, ’Hat hobaget niren ninggi'nogo ekhe ogo nogo?’ iluk ikhi lagep,

DANIEL 5:27

Nen, enggin walhigik iluk palek andi re, noe haren hilingiti lagen mene faget wil-wal hikhe mene re haren hilingiti lagen mene andoma re mondok elo'lekhogo nek were'ma hikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YESAYA 26:7

Ap higithogo hilingiri'lagwi mene inanggwe lagukwe re Tuhan Haren halogo fisugunem he kwe higithogo lagu meneba lili'lagwi.

MAZMUR 17:10

It inebe re inendawirinafarek mene andi re mondogat inonggot, nen inane ogore foget fakhikhi logolik mondok agarek inap omanogo nen,

MAZMUR 31:18

Tuhan neisena, an nen Hat hoba henu hombuk palhu mondok welagimo re, an nenggali asuageluk hera'nobagagun o. We it ap weak hilingiri'lagwi mene andoma nek he inenggali hoago, nen it inebere linglongengge afuni wa'la'luk lagaikharek oba andoma pi lambik, inane tonggok uago.

MAZMUR 75:5

Afuni inane nen lalogo agaugerik lagaikharek mene inoba re, ekhe inom agaugerik lanogoluk he An nane ikhi lagi andi o.

YOSUA 22:22

At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!

HAKIM–HAKIM 9:38

A'nogo isikhemo at Zebul en Gaal oba ikhi logolik, ”Hat hane hokho a'nogo yogondak koma fegendik? Attak he haren ikhi logolik nenahalok niren Abimelekh a'ma sebe ugun iluk isigin engge a'nogo re, ap haren li'not inafigin mene omanogo weri'lagwi omare agwi, yogondak hinom weim yabi lan o,” iluk isikhe.

YEHEZKIEL 35:13

Yago, hinunggulenu Edom mene yoma sani, hit he hinambele hokhorek logolik, An noba hinane wonoget fakhikhi logolik ikhi lagagip anggigi. A'nogo ikhi lagagip mene andoma hinane mondogat An nesanggo holhigi nego.