1 SAMUEL 18:1 - Allah Wene Fano Wene Hupla Inane

^1-2 At Saul inom Daud inom, emberek wenenggak a'nogo ikhi lagaukwasigen he, at Daud ebe Saul were'ma mondok-mondok logouwagaluk fakfesikhe. A'nogo fakfesikhesik, Daud hobuk yagati logolik, ”Hambotkwe heisena oba laga logou fuk,” iluk komoratikhe. At Saul amlogo Yonatan nen, Saul inom Daud inom emberek wenenggak isukwa mene andi esanggo holhikhesik he, endawinggen Daud oba liok isikhesik, onggwarek ebe endawinggen hundik welagarek hanggeat, endawiratikhe.

1 SAMUEL 18:1 Referans Kwoze

AMSAL 18:24

It ekhe re inagaila'lak inom higithogo hilingiti'lek weagarinafarek mene werek, oba nen it ekhe re inagaila'lak inamep mene higit inendawinggen hundik hilingitarek mene werek.

1 SAMUEL 20:17

A'nogo yagatikhemo, at Yonatan nen Daud wene wareti logolik he, ”An nonggwarek nebe nendawinggen hundik welagirek andi hak, hat hebe nendawinggen hundik logogin andi nen, haren, an hat nendawinggen hundik logogin o, iluk wene attak wa'neten hak hobuk ogo wa'nom aro,” iluk yagatikhe.

2 SAMUEL 1:26

Eige Yonatan nare e, Hat hebe heluk were'ma an ninom nendawinggen hundik welagi mene o, Nendawimo hokhorogoat weak aga o. Hemi nen inendawirinafarek mene andi, we endep hangge o, Haren hendawit nafendek mene andi re mondogat esin hangge o.

1 SAMUEL 18:3

A'nogo anggasikhesik nogo nen he, Daud mel yagatikhe: ”Nagailak nemberek hundik mondok logouwogo,” iluk hombuk palhikhe.

KOLOSE 2:2

Hit hinendawinggen ago warogo logolik, hit-hit hinom hundik nendawi-hendawirogo logobagaigeluk a'nogo hilingiti lagio. Hit a'nogo logolik he: ”Wene andi eberogoat,” iluk, futfuluk menenei mondok ebeti'lek logolik, wene Allah endawimo hinago welagaikhe wene andi furogo hinelu asuguno. Wene andi re, Kristus ebe aro.

KEJADIAN 44:30

At Yehuda nen Yusuf yagati logolik, A'nogo higimo re noe, nineisena ebe mondogat yaman agasik endawinggen he, amlogo ari oba himbirik were'ma, niren at endawimo weaget fogoin andi oba re ebe wa'lasigin. Nen, an nagot faget neisenaba yagati logolik, at wene oba agu halok an nen elok hilingisigin iluk neisena yaga'luk wagimo re, abo ari legengge nirenek nineisena ambit logoin halok he, nit nineisena eberogoat wa'lasigin o.

ULANGAN 13:6

A'nogo were'ma, hinerugwi hinagaila'lagen he a, hinagainafuri aben he a, helime yenggerugwi nen he a, hinagagwi hinendawi mene nen he a, afuni ekhe hinom hundik mene nen he a, hinendawimo kagalogo, afuni inaiba horokhogo welagaikharek mene inom, yatma welagaikharek mene inom, it inandugwi kembu fogeratarek mene andi, hit hinonggorat, nen hit hinombawi inonggorat meneat he, hiren ekhe fogerasuageluk hinendawimo kagalhu halok he,

1 TAWARIKH 12:17

Ambit lagaukwama re at Daud it inom ambi agaukwasik yagaisikhi logolik he mel yagaisasikhe, ”Hit he nit ninagaila'lak mene an lebetneogoin iluk wagep halok he, nit ninom sebesi we'ni. Niren he hit ninendawimo ninagaiyek oba wokhinafi lago. Oba nen he, hiren ambi an lalogo it naselei mene inenggim nobagagun iluk nanggomo kagalogo wagep halok he, an nen hit hinoba iluk ogo weak hilingiti lek aple andi re At Allah nit nineisugwi nen fogerati lagaukwa mene a'nogo nen ogo mondok elurek ma re, Aren hit hinoba wene fagain o,” iluk yagaisasikhe.

1 SAMUEL 19:2

andi nen, Daud mel yagatikhe: ”An neisena nen hat hebe hoasigiluk ili'lago o. Ma re, hat hafe hebelogo nikhi logoino. Ohealek hubet siakhogo o obalik hinagoma ekhe hina'lasi lambik andoma hinago logoino o.

HAKIM–HAKIM 20:11

Andi isukwasik it Israel inaben inebe misik agaukwasik Gibea inap a'nogo inoasi lagaukwa.

MAZMUR 86:11

Tuhan neisena, Hat hendawimo hagaiyek anggikhi lagen mene andoma an nen tiphogo hilingiti logogin nen he Haren yanggulnabin o, nen an nendawi abirengge nen Hat hawene melalek a'nogo futfuluk hilingiti logouwageluk hilingnobagakhi logoino o.

1 SAMUEL 14:45

A'nogo meneat he, it afuni omanogo nen Saul mel yagatukwa: ”At Yonatan nen ap Filistin mene inoatemo ninomame ago meneat he, at ebe wasuageluk wene oba fogoin nogo? Mondok elo'lego. Weim yogondak he, nineisena Tuhan nen Yonatan omame wogotemo, at omame aga andi nen he, at ebe watik, oba endebat ekhe weaget figik, ugun mondok lek u hak he, esi ungguloa'ma misigat halok ekhe longgot fogoin mondok lego, iluk nineisena Tuhan enu hombuk palogo ogo o,” iluk yagatukwa. At Yonatan wene oba fuluk wa'lep mene, it afuni nen a'nogo telhukwa andi.

1 SAMUEL 19:1

At Saul en he, ”An Daud wasigiluk ikhi lagi,” iluk weim abok amlogo Yonatan inom, agoromi mondogat inom yagaisasikhe. A'nogo meneat he, Yonatan nen at Daud ebe endawinggen hundik mondok welagaikhe,

1 SAMUEL 20:8

Nit nemberek hundik fano logouwok, iluk nineisena Tuhan eilhanem wene wat-wat isugu andi nen he, an faget lebetniikhi logoinogoluk yagaheti o. An weak ekhe hilingitimo halok, harenat an nebe noasigin meneat he, heisena nen noasuageluk at enggiba nobagagun o,” iluk yagatikhe.

1 SAMUEL 22:8

Andiba re hit hinebe at hinom sebe'luk he an noba nane sagalogo fuluk, ap misik ekhe nen ogo, an namlogoba nen ogo, at Daud ikhi lagep mene a'nogo ebikhit aga iluk mel yaganeti lagep lek andi a? Hit ya welagep mene oma re, ap misigen iluk ogo an nobaget wenggel nea lek mene nek welagep! At Daud an nonggwarek namingmingengge a'nogo nen an nebe ninggini'mo nen wasigin iluk eil wo'nabik nugu kwelek inom, nen an namlogo Yonatan a'nogo nen ogore at Daud oba yi'nogo hilingi'no iluk endawimo kagalik nugu kwelek oba nen mene ogore yaganeti'legat hilingiti lagep andi ri!” iluk yagaisasikhe.

1 SAMUEL 23:18

A'nogo hilingitukwasik he at Yonatan inom, Daud inom, ninom hundik logolik nagailak-hagailakhogo logogun iluk Tuhan eilhanem wene sikhiphogo isukwa. A'nogo hilingitukwasik he at Yonatan a'nogo aiba lagu kwelek, at Daud enek he o Hores welagaikhe.