1 SAMUEL 17:4 - Allah Wene Fano Wene Hupla Inane

⁴ A'nogo hilingik kwelek ap misik ekhe aiba kota Gad mene, weim ailo'lek yaferek mene enu Goliat, ap Filistin mene inawi tenda wuri'mo nen ap tentara Israel mene inoasigiluk wulibi wagaikhesik ane asegen wogisikhi lagaikhe. At oagese re, mondok uan 3 meter hangge.

1 SAMUEL 17:4 Referans Kwoze

YOSUA 11:22

It inunggulenu Enak inap andi menere ap misik ekhe ogo it Israel mene were'ma andoma welagaukwa mondok lek, we inebe miren hakhogo o Gazaba inom, Gat oba inom, Asdod oba inom welagaukwa.

1 SAMUEL 17:23

Lagaikhesik, ogogwi inom wenenggak ugunem, ap Goliat a'nogo inelokhoma higit wagaikhesik he, hundik-handik ane asegen wogisikhi lagaikhe hagat wogisugunem at Daud esanggo holhikhe.

1 TAWARIKH 11:23

Aren he ap Mesir agun obakhe mondok hokho agun misik ekhe watikhe. Hun andi oak huse welagaikhe mene re 2 meter eil ambolkweat welagaikhe. Nen, ap andi re arige kabelek obakhe mondok hokho mene waluk nikhi lagaikhe, oba nen he at Benaya re tomuk senogo aiba lagaikhesik wasi lagaikhe andi. Ap Mesir agun andi arige enggim senek welagaikhe mene a'nogo telogo wanhikhesik he oak waganogo onggwarek ebe pinggi watikhe.

1 SAMUEL 27:4

A'nogo lagaukwasik were'ma, at Saul esanggo hulhunemen he Daud a'nogo o Gad andoma wulibi lagasik werek ugunem holhikhesik he aren senesigin iluk mu'luk murok laga lageikhe mene a'nogo herakfisasikhe.

ULANGAN 3:11

(Hun raja Og andire it afuni Refaim mene omanogo wurep kobokhogo re hun andi welagaikhe. At ebe wa'lagaikhemo re ebe kwelafu mene peti re helep mene wurep uanhogo 4 meter en, nen elonggo wogologo re 2 meter ilirengge waleti logogun iluk werek meneba waletukwa. At ebe warek kwelafukwa mene andi re yogondak huli nen o Raba it afuni Amon mene inaiba andoma were'ma ineil hili'lagwi.)

AMOS 2:9

A'nogo meneat he hit An nagainafuri yi, afuni Amori mene inebe e sin hakhogo inoakhuse uandek inap, nen e batie hangge inomame hokho inap omanogo re hit hinobaget An nen inebe mondogat legetfisasigi andi.

1 SAMUEL 17:3

A'nogo hilingiti logolik it Filistin inap he punu elikwe meneba mendek welagaukwa, nen it Israel mene re punu yikwe meneba mendek welagaukwa. Nen it fena-fena mendek were'ma tulem andoma re tonggo misik ekhe welagaikhe.

1 SAMUEL 17:5

At unggulasu re tembaga mene sebelogo, nen, sing isu hak he asu tembaga mene enggin hokho mene 57 kilo hangge laberek welagaikhe.