1 SAMUEL 12:2 - Allah Wene Fano Wene Hupla Inane

² Yethani, an nebe alageba nen pikhit yogondak huli fethinarek logolik, nagainafuri taginafi mene arat inalue agaikhasik hinom welagep yi. Andi nen he, an yogondak arat yaman agarik, nesi helel mondogat wulife andi, o yogondak huli nen he, ap an nen menfigi mene yi nen fethinarek logogin o.

1 SAMUEL 12:2 Referans Kwoze

1 SAMUEL 8:5

A'nogo wagaukwasik he, mel yagatukwa: ”Hesanggo holin o, nineisena hat hebe arat yaman agen, nen hagainafuri inobabut he, hat hilingitendek hanggere lek. Andi nen he, afuni inunggulenu hunogoat mene inogogwi raja logolik higithogo ferinarek welagaikharek andi hak, nit ogo ninoe raja ekhe logolik fetninarek logouwagen he, ap ekhe heragaisogo menfeinogo, nineisena,” iluk yagatukwa.

1 SAMUEL 8:20

Nit he, afuni inunggulenu hunogoat mene inogowi raja were'ma welagaikharek andi hangge logogun ninamolo. Nit ninoe raja andi menfoumo, aren nit fetninarek logolik, weim yafunem wo'ninarek nikhi logogin ninamolo o,” iluk yagatukwa.

1 SAMUEL 8:1

At Samuel arat yaman agaikhesik he, amlogomi at obulu'mo afuni Israel mene inogogwi logolik, wene inoba figik, kotik, ikhi logouwagaluk menfisasikhe.

1 SAMUEL 8:3

A'nogo meneat he, it inobabut he, ineisena obabut higithogo hilingiti lagaikhe hak hilingiti lagaukwa lek. We, inonggwarek faget saburikhi logogun mene nek hilingiti lagaukwa. A'nogo hilingiti logolik, afuni weak hilingitarek mene nen he, at Samuel againafuri it werekwe asuagaluk uang inoba waluk wagunem helikhi logolik, wene afuni inoba higithogo figik, kotik, ikhi lagaukwa lek.

BILANGAN 27:17

It weim yafi logolik, at andi it inoe kain kabelek mene hilinglasimbik logogin namolo nen yagaheti o. Hat hagainafuri yi, wam domba afuni konharek mene le'ma welagarek andi hak herakfisagun o, neisena,” iluk yagatikhe.

2 TIMOTIUS 4:6

Afuni nen an nebe Allah faget namep wulagaisogo noasugun oba arat horogasi waga o. A'nogo noasumo, an nebe neisena oba lagain higirat agama welagi o.

MAZMUR 71:18

Neisena Allah, Hat homame hilingik welagen mene faget inom, Hat hanggiluk welagen aple faget inom, an nen it hobuk ta'lasugun mene inoba fakhogo yagaisikhi logogin enggere, an nebe yaman asimbik, nesi helel wilife halok ogo, neisena Haren oboget nealuk la fugo.

1 SAMUEL 3:16

A'nogo kamo isikhe meneat he, at Eli nen Samuel woleti logolik, ”Samuel namlogo e,” iluk woletikhemo, aren he, ”Wui, neisena,” iluk yagatikhe.

1 SAMUEL 3:13

An nen attagat Eli yagati logolik he, hat hagainafuri An nenu weagarogo weak mondok hilingiri'lagwi andi nen, mondo'-mondok weak asuagaluk wene inoba fagain, iluk yagatigimo, at Eli nen at againafuri nen weak hilingiri'lagwi mene andi elu meneat he, aren he, hit a'nogo hilingisugun mondok lego, iluk palfouwageluk oba harorogo wenagisigi'lek herakfisili'lago andi.

1 SAMUEL 2:29

A'nogo meneat he, An nen he, wam a'nogo warogo nolneti logogun, iluk yagahisasigi higithogoat nagainafuri nen wam warogo nolnetarek mene andi ebe lombok nolnetunem, hagainafuri nen inalabut faget, fano mondok mene ari nit wo'nisani iluk ugu kwelek, haren, inoba lombok, iluk herakfisikhi lagen andi nenahalok? Eli, hat hobabut he, nailo e. An endebat hangge agaugwetnafi logolik, hagainafuri nek he, hokhorogo agaugwerinafi lagen andi ri!

1 SAMUEL 2:22

A'nogo alue agu kwelek, at Eli ebe mondok yaman agaikhesik were'ma, againafuri nen afuni Israel mene mondok wiik-weakhogo hilingisogo fisugunem, inabok holhi lagaikhe. Nen ekhe re, hemi o Tuhan awi At ebe weinam asi wagarek oba ebekhalem andoma kagalek logolik Allah eabu hilingiti lagaukwa mene inom nogo ikhi lagaukwa mene inabok holhikheat.

1 SAMUEL 3:10

Wagaikhesik were'ma, At nineisena Tuhan wagaikhesik, andoma mendek logolik, Samuel woletikheat: ”Samuel, Samuel,” iluk woletikhemo, at Samuel en he, ”Neisena. Hamingmingegge nesanggo holek welagi o, yaganom,” iluk yagatikhe.

YOSUA 23:1

Lingge aninurogo omanogo Tuhan afuni Israel mene ineisena a'nogo nen fano liokhogo ferinarek were'ma re, inaselei mene nen ekhe weagerinafi'legengge werek kwelek enek welagaukwa. Andem sambul he Yosua ebe arat yaman agaikhe.

YOSUA 23:2

A'nogo hilinglagaikhesik he at Yosua nen afuni Israel mene mondogat inom, it inogogwi kaindek inom, it melalinaferek mene inom, inawene katukhogo pilingitarek mene inom, ap sikhe fisogo mene inogogwi perwira inom, wolinafikhesik ikhi logolik mel isikhe, ”An yogondak he mondogat yaman agi o.