1 SAMUEL 1:9 - Allah Wene Fano Wene Hupla Inane

^9-10 Inenggi ekhe sambul he, at Elkana againafuri inom, wam inom, yi mene ti mene inom, o Silo Tuhan awi wuri'mo omanogo nen nasukwasik he, nasukwaba aremnogo nen at Hana a'nogo siakhogo menlagaikhesik, endawimo mondok weak agaikhesik endawi ane tuk-tuk le aga logolik he eisena Tuhan oba samban isikhe. Andi sambul he, ap Eli Allah eisewerek mene andi ebe nineisena Tuhan awi kweba horokhogo aremnogo kursi ba hurek welagaikhe.

1 SAMUEL 1:9 Referans Kwoze

1 SAMUEL 3:3

Nen, at Samuel he, nineisena Tuhan awi su mene wuri'mo obalik mondok hore'ma a'nogo Peti Wene Warogo Allah nen wo'ninafikhe mene era'lu horokhogo omanogo nogokhi lagaikheat. A'nogo nogo ugu kwelek, o hil oan mogolhi'le'ma, nen, lampu oan ibilik werek kwelek,

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 5:7

Hat he afuni ineranhogo wene lalinabi'lagwi mene andoma re mondogat leget fisikhi lagen, Nen, afuni lalinafarek mene inom, inebe pinggi inoatarek mene inom andoma inoba re Haren sebel fisikhi lagen.

2 SAMUEL 7:2

A'nogo logolik, ap Natan Allah ane yagaisikhi lagaikhe mene a'nogoba mel yagatikhe: ”Yethan, Allah nen Peti Wene Warogo wo'ninafikhe iluk hilingik mene a'nogo re we o tenda wuri'mo andoma figimo werek kwelek oba nen he, an enek he nawi istana e laik o Libanon alima agayoba nek wuri'mo welagingge yi!” iluk yagatikhe.

1 SAMUEL 3:15

A'nogo yagatikhemo, at Samuel hobuk nogo isikhesik, o wei isikhemo eluk agaikhesik he, Tuhan awi wuri'mo a'nogo kwe mondogat hurik lagaikhe. A'nogo hurik lagaikhe meneat he, wene esanggo holhikhe mene omanogo ap Eli yagasu ailo agaikhemo re, kamo isikhe.

MAZMUR 29:9

Tuhan ane nen he no rusa eak a'marek mene tatik, nen yi engga ti engga enggakwe wilibik mene omanogo lologo pelafik ikherek. A'nogo hilingitu kwelek At Tuhan againafuri mene re, At awi wuri'mo omanogo nen inane ikhi logolik, ”Tuhan andiat fogerasuogo!” iluk agarek.

KELUARAN 21:6

at eisena a'nogo nen ap wene kabogetunem omanogo waluk lagain. Andoma nen amingmingengge a'nogo o wene kabogetuba a'nogo kwe sou oba ogo, nen e lang oak telik meneba ogo, menlasin iluk yagasimbik, eisena andi nen amingmingengge a'nogo esanggomangge fo'lokhogo wat fagain. A'nogo hilingfoumore at amingmingengge andi ebe eluk logogin oba re eisena a'nogo amingmingengge mondok-mondok asigin.

1 SAMUEL 4:13

A'nogo hilingitu kwelek he, at Eli re oba mondok lebelek agaikhesik,” Eige, Peti Wene Warogo Allah nen wo'ninafikhe iluk hilingik mene waluk lagaikha a'nogo fano waluk wesugun a? Athe, ninggi'nogo hilingfuluk wesugun e,” iluk he, kwe esanggoma kursi ba hurek logolik menenei ebeti lagaikhe. Nen, at a'nogo ebetu kwelek ap wagaikhe mene a'nogo nen it Israel mene inebe mondogat mul inoatukwama re, inalong lek agaukwa mene a'nogo tindeli wagaikhemo re, afuni o silikwe werek mene omanogo mondogat lenggu fesukwa.