Nimbe Para Tilimu 5:6 - Imbongu

⁶ Kanoru wali Kongi Sipsip Walo te angilerimu. Yu kongi sipsip toko kondoko noirimele mele yu aku tepa molopa, yu iye nomi king polona awi tuku tingina angilerimu. Mele koinjo mololi kite kinye iye nomi 24 kinye yu liko tukundo munduko eno molko makai teringi. Yunge pinyewena ola kongi kao geromano kite yupoko pakera wendo omba angilipe, mongo kite yupoko pakera angilerimu, kano mongoma Gote yunge mini kake yupoko pakera yuni mai kombumanga pali lipe mundurumu akuma.

Nimbe Para Tilimu 5:6 Referans Kwoze

Nimbe Para Tilimu 5:12

Aku enselemani enge ningolio ningei, “Sipusipu Walo oi toko kondoringimundo imbomani pali Yu imboma nokombalo engemu kinye yu kamako molombalo melema kinye, lipe manjilimu kinye engemu kinye yu kinye pepa manda tepa, yunge imbimu paa ola molopa, enge pa telimu yu kinye peremo ningo yu paa tereno ningo kapi ninge wali paa nengei,” ningi.

Ungu Tukumemu Jononi Torumu 1:29

Otilikondo Jon molorumuna Jisas ombai orumu ulu kanopalie nimumuni, imbomando nimbei, “Kanaio! Gotenga Kongi sipsip Walomu oromo. Yu imbomanga pali ulu pulu keri teremelema kulu tondombalo iyemu oromo,” nimu.

Nimbe Para Tilimu 13:8

Maina imboma oi Goteni mulu mai talo naa tepili Sipsip Walo toko kondoringimunga waliwalima molopa kau puli bukuna imbi naa mololi imbomani pali mele takeramu lino nokoromo gote ningo kapi ningo imbi liko ola mundundunge.

Ungu Tukumemu Jononi Torumu 1:36

Aku wali Jisas omba purumu ulu kanopalie nimbei, “Kanaio! Gotenga Kongi Sipsip Walomu omba purumu,” nimu.

Nimbe Para Tilimu 1:4

Eno kombu Esia provins Kraistinga imbo talape kite yupoko pakera moromelena na Jononi i pipiamu topo tiro. Oi molorumu, kinye moromo, altopa ombalo Goteni Jisas kinye konopu noirimo mele eno kinye konopu noipelie enonga konopu ame tondopili! Kano iyemu molopa kombuma nokoromo polomunga mai ondoromondo mini kite yupoko pakerani aku ulu pulu talo tengeila!

Aposel 8:32

Gotenga ungumu iyemuni kanorumu mele i tepa, Kongi sipsip waloma meko pungo toko kondoromele mele yu aku teko meli pungo toringi. Aku kinye kongi sipsip indi porongeindo amboromele kinye ungu naa nimbe we tendepa ltemo mele yu tongei teringi kinye aku tepa ungu naa nimbe molorumu.

Nimbe Para Tilimu 22:3

Goteni maina umbuni tirimu mele umbuni paa tendekure kape aku kombuna naa lembalo. Gote kinye Sipsip Walomu talonga iye nomi king polomu aku kombuna lembalo, Gotenga kongono tendeli imbo kendemandemani yu popo toko kapi ninge.

Nimbe Para Tilimu 22:1

Kano kinye enselemuni molopa kondopa kau puli ulu pulumu peremo no omba purumumu na lipe ondorumu, akumu kariapa mele pa terimu. Gote kinye Sipsip Walomu kinye elonga iye nomi king polomunga no akumu wendo omba,

Nimbe Para Tilimu 21:23

Gotenga pa enge nilimuni kombumu pa tenderemo, Sipsip Walomu kombumunga tipe lam mele molorumumunga ena kape oli kape teni akuna pa naa tenderemo.

Nimbe Para Tilimu 17:14

Eno Sipsip Walomu kinye opa tenge, nalo Sipsip Walomuni eno topa mainye mundumbelo. Yu iye awilimanga iye awili olandopamu, yu iye nomi kingimanga king olandopamu moromo. Yuni oi imbi topa Nanga imboma molangei waio nimuna yunge nimo unguma ipuki tiko lombili purumele imboma yu kinye kopu teko pungolio king kanoma toko maindo mundunge,” nimu.

Nimbe Para Tilimu 12:11

Kongi Sipsip Walomuni meme ondorumumu kinye Gotenga ungumu ningo para tilko andoringimu kinye aku ulu taloni linonga angenupilima enge ningo opa pulemu toko munduringi. Eno maina molopo kondamili konopu naa leko, opa pulemani toko kondonge lemo manda ningo liko manjiringimunga aku tepa engemu perimu wali aku ulu teringi.

Nimbe Para Tilimu 6:16

mai pangima kinye kou awilima kinye akumando alako tokolio ningei, “Iye nomi king polona moromo iyemuni lino naa kanopa, Sipsip Walomuni lino kinye mumindili kolopa mindili timbelo ulumu wendo naa opili kani lino moromolona ongo aku taio!

Lukuni Ungu Tukumemu Topa Panjirimumu 1:69

Gote yuni yunge kendemande linonga Iye Nomi King Devitini kalopa ltimu imbomanga iye enge peli te lino tepa lipili nimbe timo.

Nimbe Para Tilimu 4:8

Koinjo mololi mele kite aku poko enonga te te nimbe kongo kite talo pakera nimbe angilipe mongo paa awini kangimanga angilipe, kongomanga olando mainyendo kape waye angilerimu. Ipu leli tangoli eno mulu naa liko wali wali ningei, “Gote Olandopa Molopa Enge Nilimu yu paa kake telimu, yu paa kake telimu, yu paa kake telimu. Oi molorumu, kinye moromo, altopa ombalo,” ningo kau moromele.

Nimbe Para Tilimu 5:11

Altopo kanopolio kinye ensel paa pulumu ungu ningi unguma pileru. Eno kambu tolemalanje tausen kelepa olandopa tausen nimbo, milion kelepa olandopa milion nilimala. Akuma iye nomi king polomu kinye mele koinjo mololi kite kinye iye nomi 24 kinye liko makai tendeko tukundo munduko angileringi.

Nimbe Para Tilimu 5:13

Kano kinye mulu kombuna moromele melema kape, maina moromele melema kape, maina tukundo moromele melema kape, nomu kutana moromele melema kape, kombumanga pali moromele melemani ningi ungu pileru. Enoni ningei: “Iye nomi king polona moromo iyemu kinye Sipsip Walomu kinye elo molko kondangili nimbo waliwalima kapi nimbo imbimu paa olandopa molopa, enge pa telimu kinye imboma nokombalo engemu kinye kamukumu elo kinye pepa kau purumo,” ningo kunana aku teko ningi.

Nimbe Para Tilimu 5:14

Aku ungu ningi wali mele koinjo mololi kiteni ningei, “Paa aku tepa wendo opili!” ningi. Iye nomi 24 akumani mainye pungo tamalu peko kapi ningo elonga imbi liko ola munduringi.

Nimbe Para Tilimu 14:1

Altopo kanoru kinye Kongi Sipsip Walomu mulu Saion ola angilipe, mai mongona yunge imbimu kinye yunge Lapanga imbimu kinye mai mongona Goteni torumuna molorumu imbo 144,000 yu kinye peya angileringi.

Nimbe Para Tilimu 21:22

Ulke kombu awilina tukundo Gote molorumuna ongo popo tonge ulke tempel te angilerimuna naa kanoru. Aku ambe telka, Gote Awili Enge Nilimu kinye Sipsip Walomu talo elo elongalo ulke tempel mele moloringili.