Matyu 4:4 - Imbongu

⁴ Nalo yuni topondopa nimbei “Gotenga bukumuni nimbei, Langimani kau imboma koinjo mololi ulu pulumu naa tirimo. Goteni ungu nimoma pali pilko liko teko molonge kinye koinjo mololi ulu pulumu linge, (Lo 8:3) nimbe moromo,” nimu.

Matyu 4:4 Referans Kwoze

Lukuni Ungu Tukumemu Topa Panjirimumu 4:4

Nalo yuni topondopa nimbei, “Gotenga Bukuna ungu nimbe peremo mele i tepa: Imboma kere langi kau nongo molonge ulumuni eno manda tepa koinjo naa mondombalo, (Lo 8:3) nimbe peremo kanomu,” nimu.

Ungu Tukumemu Jononi Torumu 6:63

Mini Kake Telimuni koinjo molko kau puli ulu pulumu tirimo; kangimuni koinjo molko punge ulure naa tirimo. Nanga nio ungumu Mini Kake Teli tirimo kani aku ungumuni eno koinjo molko kau puli ulu pulumu tirimo.

Poloni Rom Imboma Pipia Topa Mundurumu Ungumu 15:4

Oi Gotenga bukuna ungu toko panjiringi aku ungumani pali lino mane timbeindo moromo. Linonga konopu enge pepili tiye naa kolopo Kraist ambolopolio Goteni lino lipe tapondombalo walimu paimbo ombalo ningo enge ningo ipuki tiko nokoko molangei nimbe Goteni aku unguma pilengei kani bukuna tangei nimuna toringi ungumu moromo.

Efesus 6:17

Goteni imboma ulu kerimanga wendo ltimu. Aku konopumu wainye kapani telimu mele liko pakaio. Mini Kake Telimunga opa teli bainet liko ambolaio. Bainet akumu Gotenga ungu tukumemu.

Lukuni Ungu Tukumemu Topa Panjirimumu 4:8

Kano kinye Jisasini yundo nimbei, “Gotenga Bukuna ungu nimbe peremo mele i tepa: Gote enonga Awilimu kau popo toko imbi ola lindiko, yunge kongonomu kau teko molangei, (Lo 6:13) nimbe peremo kanomu,” nimu.

Matyu 4:10

Kano kinye Jisasini yundo nimbei, “Satan, nu wendo pa! Gotenga bukumuni nimbei, Gote enonga Awilimu kau kapi ningo imbi liko ola munduko, yunge kongonoma kau tendeko molangei, (Lo 6:13) nimbe moromo,” nimu.

Matyu 4:7

Jisasini yundo nimbei, “Gotenga imbomando ungu te peya nimbe moromola. Akumu i tepa, Gote enonga Awilimuni tembo nimo mele paimbo nimonje molo kolo toromonje kanamili ningo enoni yu manda manjiko naa teangei, (Lo 6:16) nimbe moromo,” nimu.

Lukuni Ungu Tukumemu Topa Panjirimumu 4:12

Jisasini yundo topondopalie nimbei, “Gotenga imbomando ungu te peya nimbe peremola. Akumu i tepa: Gote enonga Awilimu enoni yu manda manjiko naa kanaio, (Lo 6:16) nimbe peremo kanomu,” nimu.

Matyu 15:11

Imbomanga kangina tawendo lepalie kerena pumbe olona tuku purumo melteni Gote manda popo tonge aulkemu pipi timbei kalaro te manda naa mondoromo. Imbomanga konopuna tukundo pepalie wendo oromo ulumani kau imboma tepa kalaro mondoromo,” nimu.

Gotenga Ungu Tukumemu 7:20

Aku ungu nilipe pumbelie nimbei, “Imbo tenga konopuna tukundo lepalie wendo oromo akumani yu tepa kalaro mondoromo.

Ungu Tukumemu Jononi Torumu 15:26

Ara kinye Lipe Tapondolimu kinye morombelena pumbolio enonga tapopilimu tipo mundumbo akumu ombalie nimbelomuni, nanga ulu tero mele eno nimbe timbelo. Eno Lipe Tapondolimu yu Paimbo Ungu Nimo Mini Kake Telimu, yu Ara kinye molopalie oromo Minimu.