Matyu 25:10 - Imbongu

¹⁰ Pame teko lingeindo puringi wali ambo limbelo iyemu orumu. Kano kinye iye ambo limbelomunga langi akuna nongeindo maku toringi imboma, lipe manjili pepili moloringi ambo wenepoma peya ulkena tuku puringi. Kano kinye ulke nambu tiko ingi tiko langi nongo moloringi.

Matyu 25:10 Referans Kwoze

Lukuni Ungu Tukumemu Topa Panjirimumu 13:25

Kano ulke Goteni ola angilipe nambu timbelo kinye eno pena molkolio, kune gaungau tikolio waliko pilkolio ningei, ‘Awilimu, lino nu kinye peya molamili wamili kani linonga ulke nambu tondowi,’ ninge kinye yuni enondo nimbei, ‘Tena molkolio oromeleya? Eno imbo tekai marenje naa lipo manjiro,’ nimbelo.

1 Pita 1:13

Akumunga enonga konopuma kongono enge nimbe tepili ningo liko tumbi tindiko, ulu tengema wamongo pilko kondoko teko, Jisas Kraist altopa omba mona angilimbelo wali Goteni eno paimbo we kondo kolopalie tepa limbelo ningo ipuki tiko nokoko molaio.

Matyu 24:44

Aku teko eno nokoko molaio. Iyemunga Malo ombalo waimu naa liko manjirimele kani yu paimbo ombalo ningo aku teko nokoko molaio,” nimu.

Nimbe Para Tilimu 22:20

I uluma wendo ombalo nimbe tirimo iyemuni nimbei, “Paimbo. Na nondopo omboi tero,” nimo. Paa aku tepili! Awili Jisas, paa wani!

Matyu 25:6

Kano kinye amburume tuku iye te alako topa nimbei, ‘Ambo limbelo iyemu oromo kani! Aulkena liengei waio!’ nimu.

2 Timoti 4:8

Aku tepo molorumunga kinye, ulu tendekumu kau we peremo. Owena kamukumu oromunga na mele pengamu noipe moromo, aku mele pengamu Awilimu, kot tumbi tipe pimo iyemuni nando nu iye tumbi nilimu nimbelie timbelo. Na kau molola. Yuni imbomanga kot pilipe moke tembalo walimunga na kinye yu ombalo mele paa kanamboa ningo nokoko moromele imboma kinye peya aku mele pengamu timbelo.

Nimbe Para Tilimu 1:7

Kanaio! Yu kupena molopa ombai tepa moromo. Ombalo wali imbomani pali enonga mongoni kanonge. Yu toloni toringi imbomani kanongela. Yu ombalo wali mai kombuna moromele imboma pali kola pupu tonge. Paimbo aku tepa wendo ombalo. I paa.

Matyu 7:21

Imbomani nando Awilimu, Awilimu nimele imboma pali Goteni nokoromo mulu kombuna tuku naa punge ningo pileio. Ara mulu kombuna moromomunga unguma tenge tinge imboma kau akuna punge.

Matyu 24:42

Akumunga enonga Awilimu ombalo walimu paa naa liko manjirimele kani Yu ombalo ningo kanoko molaio.

Matyu 24:43

Eno i ungumu konopu liko munduko pileio. Ulke pulu iyemuni ipu leli wapu noli iye te yunge ulkemu omba alumbiye tepa melema wapu limbelo mele pilkanje wapu noli iyemu ombalo nimbe nokopa molka kinye wapu noli iyemu yu manda tuku naa olka.

Lukuni Ungu Tukumemu Topa Panjirimumu 12:35

“Enoni Awilimu kinye ombalonje ningo maminye pakoko, kako toko, kiye kandoko molangei!

Nimbe Para Tilimu 19:7

Sipsip Walomu ambo limbei waimu kamukumu wendo oromo. Yu ambo limbelomu Yu omba limbelo nimbe nokopa moromomunga lino konopu penga pepili konopu tipo paimbo terimu nimbo imbi lipo ola mundemili!