Matyu 22:39 - Imbongu

³⁹ Talo tipe ungu manemu tendeku tipe mele. Akumu i tepa: Eno te te ningoni enongano konopu mondoko kondo kolko nokoromele mele aku tekola imboma kondo kolko konopu mondoko nokoko molaio, (WKP 19:18) nimbe peremo.

Matyu 22:39 Referans Kwoze

Gotenga Ungu Tukumemu 12:31

Ungu talo tipemu i tepa, Nunge nunu konopu mondorono mele imbo wema aku teko konopu mondowi. (Lo 6:4-5 WKP 19:18) Imunga we Goteni teaio nimu unguma i ungu talonga maindo oromo,” nimu.

Galesia 5:14

mane ungu palima pinyewe pange tenderemo mane ungumu i tepa, nu nunu kondo kolko kele torono mele imbo palima aku teko kondo kolko kele towi nimbe peremo.

Matyu 19:19

aminyeli lanieli kinye teko kondoko ungu ninge mele pilko liko teko molangei nimbe, eno te te ningoni enongano konopu mondoko kondo kolko nokoromele mele aku tekola imboma konopu mondoko nokoko molangei nimbe, ungu mane akuma tirimu,” nimu.

Poloni Rom Imboma Pipia Topa Mundurumu Ungumu 15:2

Lino te te nimboni Kraistinga imboma Kraist yu paimbo ningo ipuki tirimele mele tiye naa kolko yu enge ningo ambolangei nimbo eno lipo tapondomilindo enoni konopu tirimele uluma teamili.

Jems 2:8

Gotenga bukuna ungu mane te tirimu paa olandopa moromo aku ungu manemu pilko liko tenge tiko tenge lemo paa. Aku ungu manemuni nimbei, enongano yu mele mele konopu mondoko, enonga kangima enongano kondo kolko nokoromele mele aku tekola imbo wema konopu mondoko nokoko molangei nimbe moromo ungu mane akumu pilko liko teaio.

Galesia 6:10

I imboma manda tapomolo lipo manjipolio wali linoni imbo palimando ulu pengama teamili. Aku uluma temolomu linonga Kraist ipuki tirimele imbomando paa teamili.

Matyu 22:38

Aku ungu manemu yu paa enge nili kiyendomu.

Poloni Rom Imboma Pipia Topa Mundurumu Ungumu 13:8

Eno nendo yando imboma kinye pundu anjikolio we pepa kau naa pumbe aku punduma welea pora nipili ningo nondoko pundu taio. Pundu mele tendekumu kau anjikolio tekolio pora naa nipili nengei. Akumu i tepa: Nendo yando imbo eno enongano kinye konopu mondoko kondo kolko mololiko pangei. Aku tenge imboma aku teko Gotenga ungu manema pali pungo ara tinge.