Matyu 13:25 - Imbongu

²⁵ Nalo imboma uru peringi kinye yunge opa pule iye te omba wit none teli era kerimanga mongoma wit poinyena tanda tipelie purumu.

Matyu 13:25 Referans Kwoze

1 Pita 5:8

Laion engele kolopalie kongi te topa nombaindo andoromo mele aku tepa enonga opa pule kuromanga nomi Sataneni na imboma ambolopo tepo kenjembo nimbe aku tembaindo andopa moromo kani eno imbo konopu pepili molko, waliwalima kanoko kondoko molaio.

2 Pita 2:1

Paimbo oi iye mareni Gotenga ungu kere ltingima kau pilkolio imboma tumbi tiko ningo tiringi nalo mareni Gotenga unguma naa pilko we kolo toko imboma ningo tiringila. Kinye aku tepala eno moromelena iye mareni Jisas Kraistinga unguma mane tirimolo ningo kolo toko mane tinge. Aku kolo toko mane tinge iyemani eno ipuki tirimele mele tiye kolangei. Lino mane tirimolo unguma paimbo ningo ipuki tiengei ningo kiyengo ningo ongo kolo toko toperope tiko Gote kinye kopu teko molongeindo i teko i teko teangei ningo ungu paa lupe mare mane tinge. Awilimuni eno kombu kerina naa pangei nimbe enonga nimbe kolondorumu, yunge mememuni eno kelepa yando ltimu akumu kape molo ningo umbulu tinge. Aku tengemunga eno aku teko enongano beambo ninge kinye Goteni eno tamburumbu topa kondombalo.

Matyu 13:39

Era keri mongo tanda tirimu opa pule akumu kuromanga nomi Satan. Wit tukundo liko maku tonge wali akumu mai kombu pora nimbelo walimu. Wit mongoma tukundo linge imboma mulu kombuna enselema.

Nimbe Para Tilimu 12:9

Waimbe enge nilimu yu koro oi molorumumu, yu imboma Gotenga kumbe kerena kot tenderemomunga ningo yunge imbi Satan nimele iyemu, yu maina imboma pali kondi topa loi leko aulke tenga lupe pangei nimo iyemu. Kanomu toko maina mainye munduringi, yu kinye yu lombili andoringi enselema kinye waye toko maina mainye munduringi.

Hibru 12:15

Unjo te mongo kombili telima toromo aku mongo mele enonga imbo teni Goteni eno we kondo kolopalie lipe tapondorumu ulumu tiye kolopa molopa kenjimbelo kinye eno tepa mongo mongo kondopa eno tepa kenjimbelo. Aku ulu wendo naa opili ningo wamongo kanoko molaio.

Matyu 25:5

Ambo limbelo iyemu welea naa orumuna ambo wenepoma pali uru orumuna uru peringi.

Nimbe Para Tilimu 2:20

Nalo na nu kinye ungu te peremo mele i tepa. Kolo topa Gotenga ungu nimbe mundulima pilipo nimbo tiro nimbe ambo Jesebel, yuni nanga kendemande imboma kondi topa mane tipelie, wapu ulu kerinale teko, we melemando linonga gote ningo kuro popo toko langi koirimelema nonge nimo kano ambomu iri toko puwi naa ningo we molopili tiye korono.

Nimbe Para Tilimu 13:14

Oi kumbe lepa orumu mele takeramunga kongonoma tendepili nimbe akilio lepa orumu mele takeramu engema tirimu aku engemani yu kano ulu enge nili awini tepa, imboma kondi topalie mele takera kumbe lepa orumumu, yu opa teli loi geleani toringina kolka nalo naa kolorumu akumu yu mele melte manda leko teko wamoko teko anjiko, yunge imbi liko ola munduko kapi ninge ulumu teaio nimu.

Matyu 13:24

Jisasini ungu kongolino te lipe imboma nimbe tipelie nimbei, “Gote iye nomi kingimu molopa imboma nokoromo akumu i tepa mele. Iye teni yunge poinyena wit mongoma pumbe tanda tirimu.

Matyu 13:26

Kano kinye mongo pengama wendo omba wit mongo torumu wali era kerima popo tiko molorumuna kanoringi.

Matyu 13:27

Kano kinye poinye pulu iyemunga kongono tendeli iyema ongo yundo ningei, ‘Awilimu, nunge poinyena langi mongo pengama tanda naa tirinuya? Ambe telka era kerima kinye wendo oromoya?’ ningi.

Matyu 13:29

Nalo yuni nimbei, ‘Molo. Era tenge wali wit peya pulu akungenje.

Matyu 13:30

Altopa wit kamukumu lipo maku tomilindo oi peya ongo molangili. Pele wit kamukumu limolo walimu wendo ombalo wali nani wit karu leko lindinge imbomando nimboi, “Oi era kerima kalangei liko piye teko maku toko noikolio, altoko wit inie toko nanga wit noiro ulkena maku toko noindeio,” nimbo,’ nimu,” nimbe Jisas nimu.