Lukuni Ungu Tukumemu Topa Panjirimumu 9:28 - Imbongu

²⁸ Jisasini aku tepa nimbelie altopa koro te omba purumu wali yuni Pita kame, Jems kame, Jon kame, eno lipe meli Gote kinye ungu nembo nimbelie mulu kembona ola purumu.

Lukuni Ungu Tukumemu Topa Panjirimumu 9:28 Referans Kwoze

Lukuni Ungu Tukumemu Topa Panjirimumu 6:12

Walite ipu leli Jisas yu Gote kinye ungu nimbeindo mai kembo tenga ola pumbe Gote kinye ungu nimbe konge tepa molopili kombu tangorumu.

Lukuni Ungu Tukumemu Topa Panjirimumu 9:18

Walite, Jisas yunu Gote kinye konge tepa ungu nimbe molorumu wali yu lombili andoli iye peya moloringimando walipe pilipelie nimbei, “Imbomani imbi leko na nari nimeleya?” nimu.

Lukuni Ungu Tukumemu Topa Panjirimumu 8:51

Jisas Jairusinga ulkena ombalie ulkena tukundo imbo awini kondo kolko kola teko moloringina kanopalie enondo nimbei, “I balomu kolopa naa kolomo, we uru kau peremo kani eno kola naa teaio!” nimu. Nalo yu paa paimbo kolorumu ulu kanokolio, yuni aku tepa nimu wali enoni yu ungu taka tondoko owe tenderingi. Eno tiye kolopa yuni balomunga kiripina pumbei purumu wali we imboma pali tukundo peya naa pamili nimbe yu lombili andoli pokore, Pita kame, Jon kame, Jems kame, kano balomunga anumu lapa talo kinye, eno kau peya pamili nimu.

Gotenga Ungu Tukumemu 6:46

Paio nimbe opele nimbelie wali, Jisasini Gote kinye ungu nimbe konge nimbeindo mulu kembo tenga pala purumu.

Gotenga Ungu Tukumemu 1:35

Otilikondo ipu leli oi kombu oi naa tangoli we tumbulu topa pepili Jisas makilipe perimu ulkemu tiye kolopa we kombu ku tenga purumu. Akuna konge nimbe molorumu.

Hibru 5:7

Kraistinga ungu te i tepa. Jisas ya mai kombuna molopalie nimumuni, Goteni tewi nimu mele taka lipe pilipe lipe tepa yunge imbi mainye molopili nimbelie yu kolombalo aulkena manda wendo limbelo Gote kinye ungu nimbe enge nimbe walipe pilipe kola tepa konge terimu kinye konge terimu mele Goteni pilerimu.

2 Korin 13:1

Kinye na wali yupoko tipe eno moromelena omboi tero. Omboi tembomunga ungu te Gotenga bukuna nimo mele i tepa, Imboma pilko molangei imbo teni imbo te ulu te tepa kenjirimu mele nimbe timbelo kinye imbo akumuni tepa kenjimbelo mele imbo taloni molo yupokoni kanokolio yu tembalo mele manda ningo tinge kinye kau ungumu pilko imbomuni paimbo tepa kenjirimu ningo pilengei! Imbo tendekumuni kau nimbe timbelo ungu naa pilengei! (Lo 19:15) nimbe moromo.

Lukuni Ungu Tukumemu Topa Panjirimumu 3:21

Heroteni Jon oi ka naa tipili imbo awini Jon no ltindipe molorumuna ongo no ltingi wali Jisas kape omba no ltimu kala. No lipelie Gote kinye konge tepa ungu nimbe angilipelie muluna olando tipe kanorumu aku wali

Matyu 5:1

Jisasini imbo awini maku toko yu lombili puringima kanopalie mulu kembona ola pumbe molorumu kinye yu lombili andolima yu molorumuna oringi.

Matyu 14:23

Imbomando paio nimbelie yu yunu Gote kinye ungu nimbeindo mai kembona ola purumu. Kano kinye ena pepumbe kombu kala torumu kinye akuna yunu molorumu.

Lukuni Ungu Tukumemu Topa Panjirimumu 5:16

wali mare yu eno oringina tiye kolopa kombu imbo naa peli tenga pumbe Gote kinye ungu nimu.

Ungu Tukumemu Jononi Torumu 6:3

Jisas kombu pangi te lerimuna ola pumbe lombili andolima peya pungo mainye moloringi.

2 Pita 1:16

Linonga Awili Jisas Kraist yu paa enge nimo mele kinye, Yu altopa yando ombalo mele kape, eno nimbo tirimolo wali linoni linonga konopuna lipe manjili peremomuni kange temanema mele tepo wamopolio naa nimbo tirimulumunga Jisas maina molorumu kinye peya molopolio, Gotenga enge pa telimu Yu kinye molorumu mele mongoni kanorumulu mele eno temane topo tirimulu. We naa nimulu.