Lukuni Ungu Tukumemu Topa Panjirimumu 23:40 - Imbongu

⁴⁰ Nalo wapu noli iye talonga teni pilipelie yu iri topalie nimbei, “Ilto umbuni tendeku tiko mele tingemunga Gote pipili naa koltonoya?

Lukuni Ungu Tukumemu Topa Panjirimumu 23:40 Referans Kwoze

Nimbe Para Tilimu 15:4

Awilimu, nu kau paa kake tepili morono akumunga imbo narini nu pipili naa kolopa, nunge imbi lipe ola naa mundumbeloya? Nuni ulu toya toko terenoma pali mona wendo oromona karomele mai kombumanga pali imboma akumunga nu moronona ongo nu popo toko kapi ninge,” ningi.

Efesus 5:11

Tumbulu tolimunga ulu puluma paa naa teaio. Tumbulu tolimunga ulu puluma eno lipe tapondombalo enge te naa peremo. Tumbulu tolimunga ulu puluma naa teko, imbomando tumbulu tolimunga ulu puluma keri ningo, ningo tinge kinye paa.

Lukuni Ungu Tukumemu Topa Panjirimumu 12:5

Nalo eno paa pipili kolonge iyemu nimbo tiembo. Kangimu topa kondopalie altopa mini pali tipe kombuna manda topa mundumbelo Gote yu pipili kolaio! Paimbo nimbo tiro. Yu pipili kolaio!

Nimbe Para Tilimu 16:11

eno mindili nongo lupe tepa terimu akumanga liko manjikolio mulu kombuna moromo Gotenga imbimu ungu taka tondoko marake teringi. Enonga ulu pulu keri teringima tiye naa kolko konopu topele naa tomolo ningi.

Matyu 8:26

Yu makilipelie enondo nimbei, “Goteni lino nokombalo ningo konopu enge nili naa peremo iyema, eno ambe telka mini lteremeleya?” nimu. Aku tepa nimbelie ola angilipe poporomemu kinye nomumu kinye iri torumu. Kano wali poporome naa topa nomumu lope naa teli we lerimu.

Lukuni Ungu Tukumemu Topa Panjirimumu 23:39

Wapu noli iye talo unjo polopeyana ola toko uku toko panjiringi iye talonga teni Jisasindo ungu taka tondopalie nimbei, “Goteni lino nokopa kondombalo iye te lipo mundumbo nimbe kanopa ltimu iyemu nu molo nariya? Lipo mundumbo nimu iye Kraist nu lemo, nu kinye ilto kinye lipo tapondambo ningo unjona mainye pamili niwi,” nimu.

Lukuni Ungu Tukumemu Topa Panjirimumu 23:41

Ilto tepo kenjirimumbulumunga mindili paa awili tinge. Nalo iye imupe yu ulu keri te naa terimu,” nimu.

Matyu 20:9

Aku tepa nimu kinye ipupene 5 klok terimu kinye, ‘Kongono tendangei,’ nimbe ltimu iyema kumbe leko ongo 5 kina 5 kina nimbe tirimuna ltingi.