Lukuni Ungu Tukumemu Topa Panjirimumu 14:12 - Imbongu

¹² Kano kinye Jisasini ulke pulu iyemundo nimbei, “Nu imbomanga kere langi kalondokolio nunge pulu lemoma kinye, nunge angenali kinye, iye kamakoma kinye enondo langi peya namili waio ungu naa neni! Aku imboma waio ninio lemo, aku imbomani walite altoko pundu toko, nundo langi peya namili owi ninge.

Lukuni Ungu Tukumemu Topa Panjirimumu 14:12 Referans Kwoze

Matyu 5:46

Eno konopu mondoromele imboma kau konopu mondoromele kinye Goteni kanopa penga pilimbeloya? Rom gavman kou takisi limele imbo kerima kape aku ulu teremele kala.

Lukuni Ungu Tukumemu Topa Panjirimumu 1:53

Engelena koromele imboma yuni olo tepili nimbe langi pengama tipe, imbo kamakoma mele tendekure kape naa tipe we pangei nimbe makororomo.

Lukuni Ungu Tukumemu Topa Panjirimumu 1:58

Yunge kombu tendeku imboma kinye yunge pulu lerimu imboma kinye Awilimuni yu kondo paa pulumu kolorumu mele pilkolio yu konopu tiko eno waye tono koloringi.

Lukuni Ungu Tukumemu Topa Panjirimumu 14:11

Imbo enono imbi ola liko mundurumele imboma Goteni topa mainye mundumbelo, nalo enonga imbi mandoromele imboma yuni enonga imbima lipe ola mundumbelo,” nimu.

Lukuni Ungu Tukumemu Topa Panjirimumu 14:13

Nu imbomanga kere langi kalondokolio koropa nolima kinye, kangi keri lelima kinye, kimbo keri lelima kinye, mongo akulima kinye akumando langi peya namili waio niwi!

2 Korin 6:13

Lapalini enonga bakulumando nimele mele, kinye nani eno nanga bakuluma nimbolio nani eno konopu awili tipo mondoro mele enoni nando aku ulu teaio nimbo nio.