Lukuni Ungu Tukumemu Topa Panjirimumu 12:36 - Imbongu

³⁶ Iye awili te tenga pumbe ambo limbei alapu teremele imboma kinye anjo alapu kere nomba molopalie altopa ulkendo yando ombalo wali yunge kendemandemani yu ombalo ningo ulke nambu tongeindo nokoko moromele mele, eno aku teko molaio!

Lukuni Ungu Tukumemu Topa Panjirimumu 12:36 Referans Kwoze

Nimbe Para Tilimu 3:20

Kanowi! Na tukundo wamboya nimbo kere puluna nambu gaungau tipo angio. Imbo te nanga ungumu pilipe imbi tipelie tukundo owi nimo lemo na tukundo pumbo kopu tepo molopo, yu kinye langi nombo molombolo. Yu na kinye langi nomba molombalo.

Lukuni Ungu Tukumemu Topa Panjirimumu 12:35

“Enoni Awilimu kinye ombalonje ningo maminye pakoko, kako toko, kiye kandoko molangei!

Lukuni Ungu Tukumemu Topa Panjirimumu 12:37

Kano kendemandemanga nokolimu omba yunge kendemandema kanopalie, uru naa peko molongena kanombalo wali aku kendemandema tono kolko molonge. Nani eno paimbo nio. Awilimu yuni au nimbe maminye kulu topa noipelie kongono maminye pakopa enondo langi noli polona molaio nimbe langi nangei nimbe enonga kongono tendepa eno nokombalo.

Nimbe Para Tilimu 19:7

Sipsip Walomu ambo limbei waimu kamukumu wendo oromo. Yu ambo limbelomu Yu omba limbelo nimbe nokopa moromomunga lino konopu penga pepili konopu tipo paimbo terimu nimbo imbi lipo ola mundemili!