Lukuni Ungu Tukumemu Topa Panjirimumu 12:20 - Imbongu

²⁰ Nalo Goteni aku iyemundo nimbei, ‘Iye konopu keke lepo tolimu, kinye ipu leli nani nunge minimu ombo limbo wali nunge noirino melema narini limbeloya?’ nimu,” nimbe Jisasini nimu.

Lukuni Ungu Tukumemu Topa Panjirimumu 12:20 Referans Kwoze

1 Timoti 6:7

Lino ama kameni meringi wali melte naa mepo we orumulu kano. Altopo kolomolo wali aku tepo melte mepo naa pumolola.

Jems 4:14

Otili ulu te wendo ombalo wali molonge mele eno naa pimele. Enonga koinjo moromele wai akumu kupe topa po lepa lterimu mele.

1 Tesalonaika 5:3

Imbomani kinye wai pengamu, lino molopo kondoromolo ninge wali ambo te bakulu membai walitikale mindili noromo mele eno bembo timbei ulumu walitikale wendo ombalo. Aku ulumu kowa manda naa punge.

Lukuni Ungu Tukumemu Topa Panjirimumu 11:40

Eno paa keke lepo toromele. Kangi terimu iyemuni konopumu peya naa terimuya? Peya talo terimu kani eno kangi no leko kake tepili moromele mele aku teko enonga konopu kake tepili molonge lemo manda.

1 Timoti 6:17

Ya maina mele awini noirimele imbo kamakomando i teko mane tieni: Aku melema keri lembalo kani kalambo naa ningo, mele awini noirimomunga manda molomolo naa nengei. Lino konopu tipo molamili nimbe mele penga awini tirimo timbelo Gote paimbo lino nokopa kondombalo ningo enge ningo pilko nokoko molangei niwi.