Lukuni Ungu Tukumemu Topa Panjirimumu 10:1 - Imbongu

¹ Altopo Jisas ulke kombu awili Jerusalemundo pumbei pumbelie, yu pumbei purumu ulke kombu marenga iye 72 akumanga talo talo nimbe kumbe lepa lupe lupe lipe mundurumu.

Lukuni Ungu Tukumemu Topa Panjirimumu 10:1 Referans Kwoze

Lukuni Ungu Tukumemu Topa Panjirimumu 9:52

Yu lombili andoli iye mare lipe mundupelie nimbei, “Kinye ipu leli kombu Samaria ulke kombu te nondopa lembalona peamili kani eno akuna pungo lino manda pemolo ulke te koroko lieio,” nimu.

Lukuni Ungu Tukumemu Topa Panjirimumu 1:76

Nanga ungulu Jon, nuni Awilimunga kumbe leko pungo yu ombalo aulkemu akirindiniona pilkolio, imbomani altoko nundo Olandopa Moromo Gotenga nimbe munduli ungu nili iye profetemu morono ninge.

Lukuni Ungu Tukumemu Topa Panjirimumu 1:17

Oi Gotenga profet iye Elaija enge perimu mele yu aku tepa molombalo. Akumunga yunge tembalo ulumuni lapalini konopu topele toko, bakuluma konopu mondonge. Gotenga ungu manema liko tui tirimele imbomani konopu topele toko, imbo toya tolimani liko manjiko teremele uluma tenge. Jon yuni tembalomunga Awilimu ombalo ningo imboma tumbi tiko molonge,” nimbe enselemuni Sekaraiando nimu.

Lukuni Ungu Tukumemu Topa Panjirimumu 7:13

Awilimuni ambomu kanopalie paa kondo kolopa yundo “Kola naa tewi,” nimu.

Lukuni Ungu Tukumemu Topa Panjirimumu 7:19

“Goteni lipo mundumbo ombalo nimbe panjirimu iyemu nu, molo te lupe ombalomunga nokopo molamiliya nimbe i teko pungo nindipelio,” nimbe Jisas molorumuna elo lipe mundurumu.