Ungu Tukumemu Jononi Torumu 7:12 - Imbongu

¹² We imbomanga awini yundo olo toko ningo andoko moloringi. Mareni ningei, “Yu yandopa imboma kolo topa tirimo,” ningi. Mareni ningei, “Yu iye pengamu,” ningi.

Ungu Tukumemu Jononi Torumu 7:12 Referans Kwoze

Ungu Tukumemu Jononi Torumu 9:16

Farisi iye mareni ningei, “I iyemu Sabat walimu naa pilipe we andoromo, aku tepa ulu pulu keri teremomunga Goteni yu naa lipe mundurumu lepamo,” ningi. Nalo mareni ningei, “Ango kame, ulu keri te teli iyemuni i tepa ulu manda tembaloya?” ningi. Akumunga eno mokemake leringi.

Ungu Tukumemu Jononi Torumu 7:47

Farisimani ningi kano ungumu pilkolio ningei, “Yuni kolo topa ungu nimoma paimbo nimo konopu leko eno altoko we yando ongeya?

Ungu Tukumemu Jononi Torumu 7:32

Imbomani aku tepa Jisas molorumu mele aku teko nendo yando olo toko ningi mele Juda iye awili Farisimani pilkolio ningimuni, eno kinye Gote popo tondoringi iye awilima kinye enoni ulke tempel ele iye mare Jisas pungo ka tipeio ningo liko munduringi.

Filipai 2:14

Goteni lino kinye ungu te peremo ulu, te naa kanopa, imbo kake telima kau nimbe kanopili. Kinye imbo ulu pengama tiye kolko ulu kalaro mololima kinye ulu pulu kerima kau teremele imboma kinye peya molopo yunge bakuluma tumbi tipo molopo yuni lino kanopa ulu kalaro mololi uluma nimbe naa kanopa imbo tumbi nilima kau moromele nimbe kanopili ningolio eno ulu teremelema pali nendo yando naa ningo karaye naa teaio. Kano imbo kerima koinjo mololi ulumu peremo ungumu pilko liengei ningo tirimelemunga kano imboma moromelena tipe lam mele molko pa tenderemele. Aku tenge kinye, Kraistinga walimu wendo ombalo kinye eno kanopolio nani eno kinye mindili nombo kongono teroma we naa teru. Nanga ungu enge nimbo nioma mainye naa pumo nimbo kanopolio na paa eno kinye tono kolombo.

Poloni Rom Imboma Pipia Topa Mundurumu Ungumu 5:7

Gotenga ungu manema pilipe lipe tepa kondoromo imbo toya toli te tongei tenge wali imbo teni yu kondo kolopa molo nimbe, ne iyemu tongei kolona na kolamboi ungu naa nimbelo. Molo imboma kondo kolopa kandiki teremo imbo penga te tongei tenge wali imbo teni yu kondo kolopa molo nimbe, ne iyemu tongei kolona kolamboi nimbelonje. Aku ulu manda naa telkanje.

Ungu Tukumemu Jononi Torumu 7:52

Farisi iyemani yundo topondoko ningei, “Aku nu kape kombu Galili iyere lepamo? Gotenga bukuna tukundo wamongo kanani! Wamongo kanokolio Gotenga iye profet te Galili wendo ombalo nimbe peremo kanonioya?” ningi.

Ungu Tukumemu Jononi Torumu 6:14

Jisasini ulu enge nili akumu terimuna kanokolio imbomani pulu polko ningei, “Gotenga nimbe munduli ungu nili iye profet te mai kombuna omba lino nokombalo ningo panjiringimu paimbo i iyemu yu lepamo,” ningi.

Lukuni Ungu Tukumemu Topa Panjirimumu 23:50

Jisas kolorumu wali, iye te yunge imbi Josep, yu Juda Imbomanga kaunsil iye awili te, yu ulu pengama kau tepa iye toya toli te, yu kombu Judia ulke kombu Arimatea iyemu. Yu Goteni omba iye nomi kingimu molopa lino nokombalo walimu opili nimbe nokopa molorumu iye te. Yu Juda imbomanga kaunsil iye te paimbo molorumu nalo kano kaunsil iyemani Jisas kolopili ningi wali yuni ee naa nimbelie we molorumu.

Lukuni Ungu Tukumemu Topa Panjirimumu 23:47

Jisas toringi ami iyemanga nokoli iyemuni Jisas ungu te nimbe kolorumu mele pilipe kanopalie yuni Gote kapi nimbelie nimbei, “I iyemu yu paimbo ulu pulu keri te naa tepa, iye tumbi nili te lepamo,” nimu.

Lukuni Ungu Tukumemu Topa Panjirimumu 18:19

Jisasini yundo nimbei, “Nuni ambe telka na iye pengamu ninoya? Imbo penga te molo. Gote kau pengamu.

Lukuni Ungu Tukumemu Topa Panjirimumu 7:16

Jisasini aku ulu terimuna imbomani kanoko mini ltekolio ningei, “Apa! Gotenga profet iye awili te lino moromolona wendo omo lepamo,” ningo Gote yunge imbi ola ltindikolio ningei, “Gote yunge imboma moromelena omba lipe tapondomo,” ningi.

Lukuni Ungu Tukumemu Topa Panjirimumu 6:45

Aku tepala, ulu penga teremo imbo teni ungu penga yunge konopuna peremoma kau nimbelo. Nalo ulu pulu keri teremo imbo teni ungu keri yunge konopuna peremoma kau nimbelo. Konopuna pepa peko ltemo unguma kau kerena nimbelo,” nimu.

Matyu 27:63

ningei, “Iye Awilimu, iye kanomu oi naa kolopa we molopalie imbomani paimbo ningo pilinge unguma kolo topa nimu kano iyemu Yu kolopolio wali yupoko omba pumbelo kinye makilipo koinjo molombo nimuna lino pilerimulu kani

Matyu 21:46

Yu ka tingei teringi nalo imbomani yu Gotenga profet iye te konopu leringimunga imboma pipili kolkolio yu neya wali ambolko liko ka naa tiringi.

Matyu 10:25

Lombili pumbe unguma pimo imbomu kinye yunge ungu mane tirimo iyemu kinye tendeku tepa morombele akumu manda. Kendemande imbomu kinye yunge nokoli iyemu kinye tendeku tepa morombele akumu mandala. Ulke pulu iyemunga ungu naa pimele imbomani yu kinye mumindili kolko iri tongeindo kuromanga nomi Satanenga imbi manda leko yu Belsebul ningo imbi tirimele. Altopa kinye ulke pulu iyemundo aku teko ninge lemo yunge ulkena peremele imbomando pali imbi paa keri tinge.