Aposel 16:35 - Imbongu

³⁵ Otilikondo otili oi Rom gavman kot pimelemani enonga ele iye marendo kano iye talo we wendo pangili liko munduwi ningo ungu ningo munduko ka ulke nokorumu iyemundo aku teko ningi.

Aposel 16:35 Referans Kwoze

Aposel 5:40

Aku tepa nimu kinye eno pilkolio aku teamili ningolio ele iyemando aposelema ulke tukundo meko ongolio mapuni taio ningolio ningei, “Jisasinga temanemu altoko imboma ningo tilko naa andaio,” ningolio eno paio ningi.

Aposel 4:21

Oi teko koinjo ltingili kano iyemu yu oi ainyembo lepili poinye 40 omba purumuna imbomani pali kanokolio Gote kapi ningo imbi ambolko ola munduringina eno kanokolio elo umbuni tingei aulke te koroko keleringi. Aku tekolio elo enge ningo, ningo pipili kondokolio palio ningi.

Lukuni Ungu Tukumemu Topa Panjirimumu 12:11

Kano wali altoko eno nanga imboma molongena kanokolio eno ongo ka tiko, eno maku toko Gotenga ungu pileli ulkemanga iye awilima kinye, iye nomima kinye, gavman iye awilima kinye eno molongena eno meko pungo kot tendenge wali akuna Gotenga Mini Kake Telimuni nengei mele nimbe timbelo kani mini naa lteaio! Enoni ungu ninge mele kinye, kot tendenge wali ungu topondoko ningema kinye, yuni ungu imbo tondombaloma pilko ninge kani mini naa lteaio,” nimu.

Aposel 16:34

Aku wali pele ka ulke nokorumu kano iyemuni Pol kinye Sailas talo yunge ulke mepa pumbe kere langi nangili tirimu. Jisasinga ungumu pilko likolio ka ulke nokorumu iyemu kinye yunge lapumu kinye tono lakoko koloringi.

Aposel 16:36

Kano wali ka ulke nokorumu iyemuni Polondo nimbei, “Kot pimelemani elo we liko munduwi ningo ungu te aku teko ningo mundunge kani elo konopu ame topa lepili palio,” nimu.

Aposel 16:38

Ele iye kanoma pungolio Rom gavman kot pimele kanomando Poloni nimu ungu pungo ningo tiringi. Kano kinye iye kanomani Pol kinye Sailas talo Rom kombu mai pulu iye talo ka mapu toringi lemo pilkolio wali eno pipili koloringi.