2 Timoti 1:4 - Imbongu

⁴ Nu oi kola terinu mele lipo manjipolio nu kanopoliope na tono kolombo konopu lteo.

2 Timoti 1:4 Referans Kwoze

2 Timoti 4:9

Demasini na tiye kolopa purumu iyemu yu maina uluma olandopa konopu mondopalie ulke kombu Tesalonaikando purumu. Iye Kresens kombu Galesia provins pumbe, Taitus kombu Dalmesia distrik purumu. Luk kau ya na kinye peya morombolo kani nu aulke te paa korokolio na morona welea nondoko owi. Makoni na kongono manda lipe tapondopa tembalo kani yu opili liko meko peya walio.

2 Timoti 4:21

Kombu ali teremo walima oi wendo naa opili na morona wambo ningo aulke te enge ningo korokolio owi. Yubulus kinye Pudens kinye Linus kinye ambo Klodia kinye linonga angenupilima Kraistinga imbomani pali nu molko kondowi nimele.

1 Tesalonaika 2:17

Nalo ango kame, Juda imbomani lino toko makororingi kinye lino eno tiye kolopo tenga purumulu wali paimbo lino eno kinye kopu tepo naa moromolo nalo linonga konopumani eno kinye kopu tepo moromolo konopu lerimulu. Lapalini bakuluma tiye kolko kombu tulena pungo molko enonga bakuluma konopu liko munduko pilko moromele mele linoni aku tepo eno tiye kolopo pumbo alaye kolo kau molopolio, eno konopuni pilipo molopo eno paa kanamilia nimbo omilindo aulke te kororumulu.

Filipai 1:8

Kraist Jisasini eno kondo kolopa konopu mondoromo mele nani aku tepo eno kondo kolopo konopu mondopolio waka ltemona kanamboa konopu lteo. Goteni aku ungu paa nio nimbe lipe manjirimo.

Nimbe Para Tilimu 21:4

Yuni enonga mongona kola peremoma kulu tondombalo. Oi uluma pora nimuna imboma altoko naa kolko, kola naa teko, kola ulke naa molko, mindili naa nonge,” nimu.

Nimbe Para Tilimu 7:17

Sipsip Walomu iye nomi king polona tuku tingina moromomu yuni eno nanga sipsipima nimbe eno tapu tembalomunga eno aku teko manda molko kondonge. Eno no nangei nimbe koinjo molopa puli no pikopiko nimbe akuromomanga mepa pumbelo. Goteni eno altoko kola naa teangei nimbe kolama kulu tondopa nimbe limbelo,” nimu.

1 Jon 1:4

Eno peya lino paa tono kolamili nimbo i ungumu nimbo pipiana toromolo.

Filipai 2:26

Eno altopo kanamboa nimbe molopa, yu kuro torumu ungu pileringimunga yu konopu umbuni tepili moromo.

Poloni Rom Imboma Pipia Topa Mundurumu Ungumu 1:11

Mini Kake Telimuni eno tepa enge tipili enge te timboi akumunga eno paa kanamboa konopu lteo.

Aposel 20:31

Aku tenge kani eno i ungumu wamongo liko manjeio. Poinye yupokonga tukundo ipu leli tangoli takiraki walimanga tukundo eno kola yokoli telimu tepo ltepundela tepo wamongo kane kane molaio niu kano. Aku mele kinye kape wamongo kane kane molaio.

Aposel 20:19

Aku wali pulumunga Juda imbomani na mindili liko tingei wai toko teringi akumunga na umbuni awini mepolio nalo Jisasini tirimu kongonomu we tepo angilipo imboma kondo kolopo kuru kandiki tepo kongono teru kano.

Ungu Tukumemu Jononi Torumu 16:24

Oi enoni nanga imbina melte konge naa teringi. Konge teko likolio wali eno paa tono kolonge.”

Ungu Tukumemu Jononi Torumu 16:22

Eno aku tepala. Eno tiye kolopo pumbo nio wali akumunga eno kinye kamelena mindili tepili moromele. Nalo eno altopo kanombo wali eno tono kolongela. Eno tono kolko molonge ulumu imbo teni manda pipi naa timbelo.