1 Timoti 5:6 - Imbongu

⁶ Ambo wai te yu yunu konopuni pilipe wapera topa uluma teremo ambo akumu yu paimbo we moromo nalo ambomu kololi imbo mele moromo.

1 Timoti 5:6 Referans Kwoze

Jems 5:5

Ya mai kombuna molkolio mele lupe lupe pengama konopu mondoko liemili ningo topo toko liko noiko konopu tiko molko, molko kondoringi. Eno langi paa awini nongo imbo kapo kangoma moromele nalo kinye toko kondonge waimu wendo oromo.

Nimbe Para Tilimu 18:7

Yu yunu oi molopo kondambo nimbe yunge imbi lipe ola mundupe yu none tepa molorumu aku tepa mele pundu toko olandopa olandopa yu mindili tiko umbunima mepili tiengei! Yuni konopuna kelkele topalie nimbei, ‘Na ambo nomi kwin molopo kwininga polona moro. Na ambo waire naa moro. Na walite kape kola tepo kola ulke naa molombo,’ nimbe konopu ltemo.

Nimbe Para Tilimu 3:1

“Kombu Sardis Kraistinga talapemunga enselemundo i teko pipia toko munduwi. Na Gotenga mini kite yupoko pakera kinye kombukandiye kite yupoko pakera kinye ambolopo molopo i ungumu nimbo munduro. Nani nu uluma tereno mele lipo manjiro. Imbomani nu koinjo morono nimele nalo nu kolko pora tirinu.

Lukuni Ungu Tukumemu Topa Panjirimumu 15:32

Nalo kinye angena kolorumu kanomu altopa omo. Yu oi pumbe maa torumu, kinye kelepa omona kanopo ltimolo kani lino tono kolopo kunana nimbo langi nombo moltomolo,’ nimu,” nimbe Jisasini nimu.

Efesus 2:1

Enonga teko kenjiringi uluma kinye ulu pulu keri teringima kinye akumani eno toko kondoringi.

Lukuni Ungu Tukumemu Topa Panjirimumu 15:13

Kano melema elo tirimu kano wali akiliomu wali pokore kau molopalie, altopa mele tirimuma pali lipe mepa aulke tule tenga purumu. Kombu tulena pumbe molopalie yu pumbe takera kalorumu. Aku telipe purumu kano wali yunge kou mone melema pali pora nimu.

Matyu 8:22

Nalo Jisasini yundo nimbei, “Nanga ungumu naa pilko imbo kololi none teli imbomani enongano imbo kolongema ono teangei. Nalo nu na lombili owi,” nimu.

Kolosi 2:13

Eno oi we konopuma pepili ulu pulu kerima teringi kinye kape, eno Juda imboma naa molko imbo lupema moloringimunga Gotenga ungu manemani eno naa nokorumula, aku ulu taloni eno topa kondorumu, imbo kololima mele moloringi, nalo Goteni eno Kraist kinye peya koinjo molangei nimu. Yuni linonga ulu pulu kerima tiye kolopa kamukumu mainye pupili nimu.

Lukuni Ungu Tukumemu Topa Panjirimumu 12:19

Akuna noipolio na nanu lipo manjipolio nimboi, “Na malo. Na langi pulumu, poinye awini omba pumbelo wali nombo molombo mele ltemo kani koro molopo, kongi nombo, no wain nombo, tono kolopo molambo!” ’ nimu.

Lukuni Ungu Tukumemu Topa Panjirimumu 7:25

Aku tepa mele kanongei naa puringi lemo ambele mele kanongei puringiya? Iye te maminye paa pengama pakopa molorumuna kanongei puringiya? Jon yu aku tepa naa moromola. Imbo kamako molko, mele awini noiko, maminye paa penga pakoromelema iye nomi kingimanga ulkena kau moromelena karomele kano.

Lukuni Ungu Tukumemu Topa Panjirimumu 16:19

Jisasini temane te topalie nimbei, “Iye kamako te molorumu. Yunge wale pakoli paa penga kou paa olandopa pulima pakopa, yunge ulkena langi pengama kau nomba perimu.

2 Timoti 3:6

Aku iyemanga mareni ambo mare linonga unguma pilengei kondi tamili ningo pungo mane tingeindo imbomanga ulke marenga taka liko tukundo pungolio, aku ulkemanga moromele ambo mare Gotenga unguma wamongo naa pilko, konopuni pilkolio ulu pulu kerima tepo ambo kerima moromolo ningo pilko, enonga konopu wamba naa peremo kinye ulu lupe lupema tengeindo konopu tiko tono kolko, iyemani pali mane tirimele unguma waliwalima komuni pimele nalo ungu tukumemu kau wamongo naa pilko limele ambo akuma kondi tonge kinye aku amboma enonga ungu kolo tolima pilko linge.