Titus 3:2 - Keley-i Bible (Antipolo Ifugao)

² Tugun mudda ma-lat beken ni ya lawah hu e-helen da meippanggep ni edum dan tuu, eleg ida mekittuttut, kabbabbal ida niya peang-ang da kayyaggud di emin ni tuu.

Titus 3:2 Referans Kwoze

Ephesians 4:31

Entan tu tettengedi hedin wada nanhahallaan yu, entan bubbunget yu, ey beken ni ya itek hu ehel yu meippanggep ni edum yu, ey entan pan-impipihul yu niya entan pan-imbabalaw yu.

Ephesians 4:2

Ya kayyaggud ni pehding yu ey pebabah yu annel yu niya pan-an-anus kayu. Ey mahapul ni kabbabbal kayun kenayun. Hedin wada nanhahallaan yu, pan-inhuhulug kayu, tep humman elaw ni man-impipinhed.

1 Timothy 3:3

Ey beken ni mabuteng, beken ni anin ni ekket et umbunget, nem kabbabbal, beken ni matutut niya eleg tu gamgami pihhuh.

1 Peter 3:10

Tep wada etan impatudek Apu Dios di ehel tun kantuy “Ya tuun pinhed tun iddawtan Apu Dios ni panyaggudan tu, ey mahapul ni eleg um-ihepihepit ni lawah di edum tun tuu niya eleg um-iteitek.

1 Peter 3:8

Ya edum ni pinhed kun e-helen ni hi-gayun kamengullug nan Jesus, ey pandadagyum kayu, pan-impipinhed kayu, ey pan-inhehmek kayu niya entan pampahhiyya yu.

James 4:11

Hi-gayuddan agik ni kamengullug, entan tu pihul niya entan tu ehel hu lawah meippanggep ni edum yu. Tep hedin pihhulen yu edum yu, man pinihul yu hu Tugun Apu Dios, tep kantuy mahapul ni man-impipinhed itsu. Ey hedin pihhulen yu Tugun Apu Dios, humman keang-angan tun eleg kayu mengu-unnud, tep impambalin yun neihalla hu Tugun tu.

Galatians 5:22

Nem yadda etan tuun kamengu-unnud ni kaituttuddun Ispirituh Apu Dios ey hi-gada hu wada impeminhed da, ida kaman-am-amleng, melinggep ida, neanus ida, kayyaggud ida, ida kameiddinel ni mengippahding ni daka e-hela,

Matthew 11:29

Kulug yuwak et u-unnuden yuwak ma-lat wada inna-nu tun pengeddalan yun elaw ku. Hi-gak ey neanussak niya mahmekkak et mukun dakeyu kahehmeka.

1 Peter 2:1

Et humman hu, ya pehding yu tep ay wada law ni hi-gayu hu baluh ni biyag, ey mahapul ni issiked yun mengapkapyan lawah. Entan panlangkak yu, entan tu hingkukkulugin Jesus, entan tu kaemehi edum yu niya entan tu tenumbuk edum yun tuu.

James 3:17

Nem ya tuun kaibbilang Apu Dios ni nenemneman ey ebuh hu kayyaggud ni wadad nemnem tu, endi lawah. Tuka paka-ippaptek hu pan-aagian, kabbabbal, eleg tu pepillit hu pinhed tu, mahmek, nan-iingngeh tuka pengibbillang ni emin ni tuu, eleg man-ittek niya tuka pehding hu panyaggudan ni edum tun tuu.

Galatians 6:10

Et mukun nakka e-helan hi-gayu e hedin wada wayah tayun mengippahding ni kayyaggud di edum tayu, man ipahding tayu, nema-maddad edum tayun kamengullug ni neigappat di pamilyah Apu Dios.

2 Samuel 22:36

Apu Dios, gapuh ni et-eteng ni kabaelan mu ey inhewang muwak tep heni hi-gam hu happiyaw ku. Ey gapuh ni baddang mu niya binabbal mun hi-gak ey eta-gey law saad ku.

Galatians 6:1

Hi-gayun kaegiegi, hedin wada edum yun inamta yun nanliwat, ey hi-gayuddan kameibbillang ni nenemneman ni kamengullug, ey mahapul ni pebabbabbal yun tuggunen. Nem helipat-i yu, tep entanni ey anin hi-gayu et mambehhul kayu dama.

1 Timothy 3:11

Hanniman ida daman biin kaumbaddang e mahapul ni kayyaggud hu elaw da niya beken idan metumbuk. Ey mahapul daman hankekkenneng da annel da niya ida kameiddinel di emin.

Philippians 4:5

Peang-ang yud emin ni tuu hu binabbal yu, tep kamangkedettengi law hu ellian Apu tayu e hi Jesus Christo.

1 Corinthians 9:19

Hi-gak ey beken nak ni henin himbut e mahapul ni tennudan ni kanhimbut ni hi-gatu, nem inggeb-at ku ngun mambega-en ma-lat nak itututtuddun katuutuu hu meippanggep nan Jesus et dumakkel ida mengullug ni hi-gatu.

Psalms 140:11

Ang-ang mu et eleg maipahding hu hipan implanuh idan etan ni kamengippebehhul ni itek di edum dan tuu. Niya kayyaggud hedin emin ida etan tuun mangkapetey, ey humman ni daka pehpehding hu ketteyyan da.

2 Corinthians 12:20

Nakka um-ag-agel tep entanniy yan ellian ku ey bellawen yuwak ni pengibbungetan kun hi-gayu hedin amtaen kun wada beken ni kayyaggud ni yuka pehpehding e kayu kamandedeppap, kayu kaman-in-aameh, kayu kamanhimbubunget, makuliput kayu, yuka bahbaha edum yu tep ya itek ni yuka e-helan meippanggep ni hi-gatu, metumbuk kayu, kayu kamampahhiyya, niya wada hakkeyey tuka ippilit hu pinhed tu.

2 Corinthians 10:1

Ya edum ni hi-gayu ey kanday hi-gak e hi Paul ey endi lebbeng kun umtugun tep ma-nu kunu hedin neidawwi-ak, tep nakka mengin-inhel di tudek kun penuggun kun hi-gayu, nem hedin kunun wada itsun emin, man nakka um-e-gen ni umtugun ni hi-gayu. Ya ihhumang kun nuntan ni inhel dan hi-gak, ey mukun endi tuled ku ey pinhed kun iu-unnud nan Christo e kabbabbal niya tuka pebabah hu annel tu.

Acts 23:5

Hinumang Paul et kantuy “Kaegiegi, eggak amta e hi-gatu hu Eta-gey ni Padi. Gullat ni inamtak et eggak ihanniman nenumang ku, tep neitudek di ehel Apu Dios e kanuty ‘Eleg e-hela hu lawah ni ap-apu.’”

Proverbs 25:24

I-imman hu ita manha-ad di a-abbung nem ya etan ita mekia-addum di matutut ni ahwa.

Proverbs 6:19

ya panlangkakan ni mantistigu et ya kapemahbahin kayyaggud ni kapandadagyumiddan tuu.

Jude 1:10

Nem huyyaddan tuu ey lawah daka e-helan etan ni eleg da ewwasi. Henidda animal e eleg da nemnema hu daka pehpehding, et humman kamemahbah ni hi-gada.

Jude 1:8

Hanniman ida dama etan tuun kangkun kamengittenuttuddun neihla et eleg da kekkennenga annel da, tep am-amleng dan ipahpahding hu lawah ni pinpinhed ni annel da. Daka kehhinga hi Apu Dios e Apu tayu niya daka pippihuladda anghel.

2 Peter 2:10

nema-madda etan nangkabngang niyadda etan kamengehhing ni hipan kelebbengan ni tuun indawat Apu Dios. Helipat-i yudda etan kamengituttuddun itek ni meippanggep Jesus, tep endin hekey baing da niya manghay ida. Daka peta-gey hu annel da et daka pihhuladda etan eleg meang-ang ni nangketa-gey ni lintun Apu Dios.

1 Peter 4:4

Nem yan nunya, ey ida kametnga hu eleg mengullug, tep eleg kayu law mei-dum ni hi-gadan mengippahding ni lawah ni daka pehpehding et dakeyu kapippihula.

1 Corinthians 6:10

yadda matekew, yadda neagum, yadda kamambuttebutteng, yadda kamenghel ni itek meippanggep ni edum da, et yadda maheul ey eleg idalli meilla-kam di nan-ap-apuan Apu Dios.

Isaiah 40:11

Ippaptek tu tutu-u tu henin kapemaptek ni kamampattul ni kalneroh e tuka eppupuadda impah ni kalneroh, niya tuka ippanguludda ineda ma-lat ipaptek tudda.

Proverbs 19:19

Ya etan tuun kabbubunget ey mahapul ni heltapen tu pambalinan ni bunget tu. Tep hedin baddangam ni nunya, ey mahapul ni baddangam ali mewan ni pidwa tu.