Sephaniah 2:5 - Keley-i Bible (Antipolo Ifugao)

⁵ Anggehemmek kayullin iPilistia ni nambebley di gilig ni baybay niyad Kanaan tep kastiguen dakeyun Apu Dios. Kantuy “Bahbahen dakeyu niya endilli an metdaan ni hi-gayu.”

Sephaniah 2:5 Referans Kwoze

Ezekiel 25:16

Humman ni impahding da hu gaputun pambalin kuddan buhul ku et pepettey kuddan emin hu iPilistia niyadda Kerethite, anin idan nampambebley di gilig ni baybay.

Jeremiah 47:7

Nem hipa inna-nuddan man-iyyatu e wada indawat kun ngunnuen da? Minandal kuddan mengubbat ni Askelon niyadda bebley di gilig ni baybay.”

Amos 3:1

Hi-gayun iIsrael, ey dengel yu eya e-helek ni inhel Apu Dios ni hi-gayun heni hakey ni pamilyah ni impangulu tun neni-yanan yun Egypt.

Mark 12:12

Ihik idan etan ni ap-apuddan Jews ni dedpapen hi Jesus, tep inamta da e hi-gada nengipadngelan tun nunman ni a-abbig, nem ida kaumtakut idan tuu et neala et hi-yanen da.

Sekariah 1:6

Nem emin hu inhel idan bega-en kun prophet ey neipahding idan aammed yu. Et han ide law mantuttuyyu et kanday ‘Neipahding ni hi-gami hu lebbeng tun kastigu min nalpun Apu Dios e Kabaelan tun emin, tep humman dedan inhel tu lan numan ni pehding tu.’”

Sephaniah 3:6

Kan Apu Dios ey “Binahbah ku dakel ni bebley, anin idan nangkehammad ni luhud da niyadda daka pangguwalyai. Endi law tutu-un kameweddag di keltad. Nangkebahbah idan emin et endin hekey natdaan.

Amos 5:1

Hi-gayun iIsrael, dengel yu eya a-appeh di patey ni ia-appeh kun hi-gayu:

Isaiah 14:30

Ippaptek kudda nangkewetwet ni tutu-uk e henin kapemaptek ni kamampattul idan kalneroh tu. Nak ihhamakan idan panha-adan dan endi lawah ni meippahding ni hi-gada. Nem peellik ni hi-gayun iPilistia hu nemahhig ni bisil et endi an metdaan ni hi-gayun meteggu.

Judges 3:3

Yadda eleg medegyun ey yadda etan liman patul ni iPilistia et yadda tutu-u da, emin ida iKanaan, yadda iSidon, yadda Hibite ni nambebley di duduntug di Lebanon neipalpud Baal ingganah di keltad di Hamat.

1 Samuel 30:14

Mi ginubat ida Kelethite di Judah et yadda helag Kaleb, anin ya bebley di Siklag et legaben mi.”

Isaiah 14:29

Kan Apu Dios ey “Hi-gayun iPilistia, ey entan pan-am-amleng yun neteyyan ni patul ni nampehelheltap ni hi-gayu. Tep ya etan u-ungnga tun meihhullul ey nehalhalman nem hi-gatu. Ya pinhed tun e-helen huyya ey hedin netey hu hakey ni uleg ni negitaan ey mewedda impah tun meihhullul ni nehalhalman nem ya inetu. Humman ni impah tu ey henilli dragon ni memahbah ni hi-gayu.

Sephaniah 1:11

Pantete-ul kayun nampambebley di kad-an ni mulkaduh, tep mettey idallin emin hu kamampanggettang ditan.

Joshua 13:2

Huyyadda pay hu bebley ni eleg yu sakupen: Emin hu bebley di Pilistia et yad Geshur, yadda bebley di Abbim di appit ni south, meippalpud Wangwang e Sihor di pappeg ni Egypt ingganah di pappeg ni Ekron di appit ni north e neibilang ni bebley ni Kanaanite et ya bebley idan etan ni liman patul di Gaza, Asdod, Askelon, Gath niyad Ekron e bebley di Pilistia, emin hu bebley idan Kanaanite ni wadad appit ni north e ya pappeg tu ey meippalpud Mearah e bebley idan iSidon ingganah di Apek di pappeg ni bebley idan Amorite, yadda bebley idan Gebalite niya emin hu Lebanon di appit ni kasimmilin aggew meippalpud Baalgad di appit ni south di Duntug e Hermon ingganah di Hamat. Neibilang deya ida bebley ni iSidon di nambattanan ni Misrepot Maim et yadda duntug di Lebanon. Baddangan dakeyun hi-gak et sakupen yudda huyyan bebley ma-lat ekalen yudda tutu-udman. Mahapul ni gennedwaen mudda huyyan bebley et i-peng mudda etan di heyam ni helag Israel et ya gedwan helag Manasseh tep huyya dedan la intugun kun pehding mu.”