Sephaniah 1:9 - Keley-i Bible (Antipolo Ifugao)

⁹ Niya kastiguen kuddan emin hu kameki-emmung di kapandeyyawiddan eleg mengullug ni hi-gak, yadda matekew niyadda mapetey ma-lat penuen da hu tempol ni dios dan piniliw dan kinedangyan ni edum dan tuu.

Sephaniah 1:9 Referans Kwoze

1 Samuel 5:5

Humman gaputun eleg idan hekey umgasin hu padin Dagon et yadda edum ni kaumhehgep di tempol Dagon etan di na-gahan tu.

Amos 3:10

Kan Apu Dios ey “Huyyaddan tutu-u ey daka pepnua hu etta-teng ni baballey dan hipan ngunut da, nem beken ni limpiyuh nengal-an da tep inla dadda humman di takew niya papatey. Eleg da dedan amta hu limpiyuh ni pehding.

Acts 16:19

Yan nengamtaan idan kan bega-en nunman ni bii, e endi law pengellaan dan dakel ni pihhuh ey impadpap dad Paul nan Silas et ilaw daddad mulkaduh di kad-an ni ap-apud man ni bebley.

Proverbs 29:12

Hedin kapakakkullugan ap-apu emin hu daka idaddatteng ni hi-gatu, anin ni itek, ey lektattuy mambalin ni lawah kapkapyaen idan opisyal tu niya man-ittek ida.

Nehemiah 5:15

Ey hedin yadda la nanggobernor ni nunman et hannak maihullul ey et-eteng hu in-inla daddan tutu-u. Nambagaddan kewa-wa-wan na-pat ni silber, ya kennen niya meinnum. Anin idan bega-en da et impanligligat dadda dama tutu-u. Nem hedin ngun hi-gak, man eggak ipahding ida humman tep nakka umtakut nan Apu Dios.

Judges 19:27

Imbeghul etan ni laki hu habyen et an megewwid ey immen etan ahwa tun nanheku-bu e neihaklay ngamay tud habyen.

Jeremiah 5:27

Napnu baballey dan sinekew da e henin pukkungngan ni malingen ni sisit e napnun liningen tu. Humman gaputun et-eteng kabaelan da niya kedangyan idan peteg.

Micah 6:12

Mangkabunget kayun kekeddangyan niya yudda kapanhelheltap hu edum yun tuu. Emin kayun nambebley di Jerusalem ey mangkaitek kayu.

Sekariah 5:6

Kangkuy “Hipa humman?” Kantuy “Humman hu basket ni kapanlelkud e napnun liwat ni emin ni tutu-u eyad bebley.”