Sekariah 4:2 - Keley-i Bible (Antipolo Ifugao)

² Ey kantun hi-gak ey “Hipa muka ang-ang-anga?” Kangkuy “Nakka ang-ang-anga hu pattukkan ni kengkeh ni nekapyad balituk niya neita-pew hu mahukung ni duyun neha-adan ni lana. Wada hu pitun kengkeh di nanlinikweh nunman ni mahukung ni duyu e nei-peng hu pitu mewan ni neidengdeng ni neha-adan ni mitsah.

Sekariah 4:2 Referans Kwoze

Revelation 4:5

Entanni ey wadalli nalpu etan di yuddungngan ni ap-apud kabunyan ni kedyam, ya na-let ni bungug niya na-let ni kidul. Wada mewan pitun dilag ni kamantettebbel di hinanggan yuddungngan ni ap-apu e humman ida immatun ni Ispirituh Apu Dios e wada pitun kabaelan tu.

Revelation 1:12

Nanligguhhak et ang-angen ku etan kaman-e-ehhel ni hi-gak ey inang-ang ku pitun balituk ni kapengippettukin kengkeh.

Sekariah 5:2

Kan etan ni anghel ni hi-gak ey “Hipa muka ang-ang-anga?” Kangkuy “Wada kamantayyatayyab ni neludun ni papil ni telumpulun piyeh kadinukkey tu niya hampulu et liman piyeh kalinakkeb tu.”

Jeremiah 52:19

Impeki-la dan emin hu kameussal ni nekapyad balituk niya silber, yadda ekka-ket ni mahukung ni duyu, yadda heni pengiggihheban ni insensoh, yadda mahukung ni duyun kapengihha-adin kuheyaw ni kamei-appit ni animal, yadda kapengihha-adin dep-ul ya kapengippettukin dilag, yadda mahukung ni duyun kapengihha-adin bangbanglun kagihheba niyadda mahukung ni duyun kapengihha-adin meinnum ni kamei-appit.

Revelation 1:20

Yadda etan pitun heni bittuwen ni inang-ang mud wannan ku ey humman ida etan pitun anghel ni nei-peng di pitun simbaan. Yadda etan pitun kapengippettukin kengkeh ey humman ida kamengullug etan di pitun simbaan.”

2 Chronicles 13:11

Man-appit idan insensoh niyadda animal ni kagihheba, ey ihha-ad dadda sinapay di nengilinan ni tebol ni kewa-wa-wan kakkabbuhhan niyan kamangkehilleng ey integan dadda kengkeh di balituk ni pengipettukan. Mika u-unnudda huyyan in-olden Ap-Apu e Dios mi. Nem hedin ngun hi-gayu, man inwalleng yu.

2 Chronicles 4:7

Nengapyaddan hampulun balituk ni pengippettukan ni kengkeh e neiunnud di daka pengapya niya hampulun tebol et iha-ad dad Tempol e hanlilman pengippettukan ey hanlilman tebol di nambina-hil. Ey nengapyaddan hanggatut ni balituk ni mahukung ni duyu.

1 Chronicles 28:15

henin balituk niya silber ni pengippettukan ni kengkeh, yadda kengkeh

Ecclesiastes 12:6

Em, nemnem yu hu nanletun hi-gayu eyan keu-ungnga yu, et han medatngan etan tsimpuh ni mei-ellig kayu law di silber ni kadena ni nakhat, ya balituk ni duyun naphik, ya bewed ni naphik niya linubid ni nepegtang.

Jeremiah 24:3

Entanni ey immehel mewan hi Apu Dios ni hi-gak et kantuy “Hipa inang-ang mu e Jeremiah?” Kankuy “Lameh ni fig e kayyaggud edum ey lawah edum. Kayyaggud ni kennen hu edum ey eleg mekkan hu edum.”

Amos 7:8

Kantun hi-gak ey “Hipa eya muka ang-ang-anga e Amos?” Kangkuy “Pelsik.” Ey kantuy “Huyya ussalek ni mengippeang-ang idan tutu-uk e ida kamei-ellig di netuping ni luhud ni eleg mampetek. Eleggak law mantuttuyyun mengastigun hi-gada.