Sekariah 4:1 - Keley-i Bible (Antipolo Ifugao)

¹ Entanni ey immali mewan etan anghel ni nekihummangan ni hi-gak et bangunen tuwak e heni-ak neugip.

Sekariah 4:1 Referans Kwoze

Sekariah 1:9

Entanni et ibgak etan ni anghel ni nakka pekihuhhummangan e kangkuy “Apu, kele wadadda huyyan kebayyu?” Ey kantuy “E-helen kun hi-gam hedin hipa keippahdingan da.”

Daniel 8:18

Kaman-e-ehhel ey nealimudengngak e limmukbubbak di puyek. Nem singnged tuwak et peehneng tuwak.

Jeremiah 31:26

Neugippak et umbangngunnak ey na-lettak law.

Sekariah 1:19

Kangku etan ni anghel ni kamekihuhhummangan ni hi-gak ey “Kele wadadda huyya?” Ey kantun hi-gak ey “Huyyaddan ha-duk hu mengi-ehneng idan epat ni et-eteng kabaelan dan bebley eyad puyek ni nengiwehit idan iJudah, yadda iIsrael niyadda iJerusalem.”

Luke 9:32

Hi Peter et yadda edum tu ey neuyeng ida, nem bimmangun ida ey inang-ang da e kaumhili hi Jesus ey inang-ang dadda etan dewwan tuu e ida kaman-eh-ehneng di kad-an tu.

Sekariah 2:3

Entanniy inang-ang ku etan anghel ni nekihummangan ni hi-gak e kamengelli ey wada mewan hakey ni anghel ni kamangkeiddammun hi-gatu.

Sekariah 1:13

Et a-alluken Apu Dios etan anghel ni nekihummangan ni hi-gak.

Sekariah 4:5

Kantun hi-gak ey “Kaw eleg mu amta hedin hipadda humman?” Kangkuy “Eleg, apu.”