Ruth 2:23 - Keley-i Bible (Antipolo Ifugao)

²³ Et mekikkillaw hi Ruth idan bibi-in kamangngunnud payew Boaz et mangemung ni barley ingganah ni negibbuh ahiani ni barley niya wheat. Ey nanengtun yad kad-an inetu e hi Naomi hu tuka ennamuti.

Ruth 2:23 Referans Kwoze

Proverbs 13:20

Kayyaggud hedin yadda nenemneman hu pekikkillawwan ma-lat menemneman ita dama niya lumeing ita. Nem hedin yadda endi nemnem tu pekikkillawwan ey hellamdaken hu panhelheltapan.

Proverbs 13:1

Ya etan nenemneman ni u-ungnga ey tuka u-unnuda tugun ametu, nem ya etan manghay ni u-ungnga ey eleg tu dedngela hedin e-helan da.

Deuteronomy 16:9

Hedin ya mewan pengippahdingan yun Piyestah ni Ani ey melebbah pitun linggu meippalpun pengilleppuan yun man-enni. Ey ilaw kayun iggeb-at yun i-appit ni hi-gatu meippuun ni imbendisyon tun hi-gayu. Humman ni pehding yu ey penaydayaw yun Apu Dios e Dios yu.

1 Corinthians 15:33

Entan kaheul yuddan tuun hanneya daka pengullug, ey entan tudda deddengngel, tep lektattu ey mealdanan kayun lawah ni elaw da et mei-ingngeh kayun hi-gada.

Mark 14:66

Hedin hi Peter, nanengtun wadad dallin e kamekiddangdangdang idan guwalya. Immali etan hakey ni biin bega-en etan ni Eta-gay ni Padi ey

Exodus 9:31

Yadda neitnem ni kandan flax niya barley e ngannganih ni me-teng ey nangkebahbah. Nem eleg mebahbah hu intanem dan wheat niya spelt tep eleg ida ni pay tummel.

Ruth 2:22

Kan Naomi ey “Em, kayyaggud numan hedin mekikkillaw kaddan biin kamangngunnud payew tu et endi an meipahding ni lawah ni hi-gam.”

Ruth 3:1

Hakey ni aggew ey kan Naomi nan Ruth ey “Kayyaggud et anhan hedin wada hemmaken kun mengi-ahwan hi-gam ma-lat wada mengippaptek ni hi-gam.

Ruth 1:22

Hanniman hu neipahding e nambangngad hi Naomi e kadwa tu etan iMoab ni ineputu e hi Ruth. Yan nunman ey pakelappun ahianin barley di Bethlehem.