Ruth 2:14 - Keley-i Bible (Antipolo Ifugao)

¹⁴ Entannit nedatngan hu pengngannan ni emaggew ey ineyagan Boaz hi Ruth e kantuy “Ikay et mangan itsu. Aleka eyan sinapay. Ita-mel mu hedin pinhed mu.” Et makikan hi Ruth ida etan ni kamangngunnu et idawtan pay Boaz ni neihanglag ni barley. Nakaphel ey wada pay eleg tu kanen tep dakel kumamman hu indawat dan hi-gatu.

Ruth 2:14 Referans Kwoze

Ruth 2:18

In-anemut tu et peang-ang tun inetu et idwat tu pay hu eleg tu kanen ni emaggew ni indawat dan kennen tu.

Matthew 14:20

Nengan idan emin et maphel ida. Inemung da natdaan ey napnu hu hampulut dewwan basket.

Deuteronomy 8:10

Ey wadadman emin hu pinhed yun kennen. Humman gaputun pansalamat kayun Apu Dios e Dios yun nengidwatan tuddan hi-gayun nunman ni kayyaggud ni bebley e mateba kameitnem.

Isaiah 58:7

Idwasi yun kennen ida neupa niya pahgep yuddad baballey yu hu endi ennamutan da. Idwasi yuddan balwasi hu endi balwasi da, niya entan ukuh ni umbaddang idan edum yu.

Isaiah 32:8

Nem ya kayyaggud ni tuu ey tuka iplanuh hu panyaggudan ni edum tun tuu, niya kamebendisyonin emin hu tuka pehding.

Psalms 23:5

Muka peang-ang idan buhul ku hu muka pemaptek ni hi-gak, tep muka immangdad hu dakel ni kennen ku niya innumen ku. Ey muka duyyagin lana hu uluk ni muka pengapngan hi-gak. Muwak kabendisyonin kewa-wa-wa.

2 Samuel 17:28

In-alyan dad David niyadda tuu tun abek, wangal, banga, duyun mahukung, begah, alinah, pukdu, keldih, ya hinanglag ni begah, putsukan, gatas, cheese niya kalnero, tep inamta da e neka-atudda, neupadda niya na-wew ida.

1 Samuel 25:18

Impapuut Abigail et umlan dewanggatut ni sinapay, ya meinnum ni neiha-ad di dewwan belat ni animal ya liman kalnero, et ya dewwan latan neihanglag ni ballu, ya hanggatut ni napkel ni raisins niya dewanggatut ni napkel ni figs et ehelen tuddan bega-en tu et itakkay dad kebayyu.

1 Samuel 17:17

Hakey ni aggew ey kan Jesse nan hi David e u-ungnga tu ey “Alam eya kagedwah ni sakuh ni neihanglag ni begah niya hampulun sinapay et papuut mun umlaw di kampuddan agim et mu idwat ni hi-gada.

Deuteronomy 11:15

ey mewedda helek ni kennen ni animal yu niya meweddan emin hu mekkan ni mahapul yu.

Ruth 2:13

Himmumang hi Ruth ey kantuy “Pannananeng mu anhan binabbal mun hi-gak, e apu. Kayyaggud law nakka panggibbek tep ya inhel mu anin ni eleggak mei-ingngeh ida eyan biin muka pangngunnu.”

Ruth 2:15

Nambangngad mewan hi Ruth ni an mengemmung ni barley ey kan Boaz etan idan tuka pangngunnun lakiy “Anin ni an mengemmung etan di kad-an idan nangkabtek ni barley, ey entan tu temyaw et eleg mabeingan. Ey anin ni humman ni, gimmuyud kayud bintek yu ni inggah yu ma-lat wada alen tu.”