Revelation 9:21 - Keley-i Bible (Antipolo Ifugao)

²¹ Eleg ida mantuttuyyun pinetepeteyan da, yadda nengipahdingan dan ayak da, ya nengiuligan dan beken da ahwa niya nenaketakewan da.

Revelation 9:21 Referans Kwoze

Revelation 21:8

Nem yadda etan eleg mengu-unnud lan hi-gak tep ya takut da niyadda etan nengiwalleng ni daka pengullug ni hi-gak, yadda lawah daka pehpehding, yadda mangkapetey, yadda nengiulig ni beken da ahwa, yadda maeyak, yadda etan daka deyyawa beken ni makulug ni Dios niyadda mangkaitek ey yad apuy hu lawwan da, e humman meikkadwan ketteyyan.”

Revelation 22:15

Nem yadda etan tuun mangkaheul, yadda maeyak, yadda kamengi-ullig ni beken da ahwa, yadda mapetey, yadda etan daka daydayawa hu beken ni makulug ni dios, yadda mangkaitek niyadda etan kamengippenahding ni linggeman ni lawah ey eleg ida mekihha-ad etan di bebley.

Revelation 17:5

Wada neitudek di tuktuk tun neligat ni meamta hu keibbellinan tu e kantuy “Ya nandingngel ni bebley di Babilon hu nengipappangngulun emin ni bibi-in daka iggatang annel da niya hi-gatu nengiu-unnudan idan katuutuun mengippahding ni lawah.”

2 Corinthians 12:21

Makulug ni nakka um-agel, tep entannit um-ali-ak ditan ey mebabba-ingannak nan Apu Dios ey umlemyungngak hedin wadadda eleg mengiwalleng ni lawah ni daka pehpehding, henin pengippahdingan ni anhihimugal, ya pengi-ulligan ni beken ni ahwa, niya hipan anggeba-ing ni kapehding.

Revelation 17:2

Emin ida hu ap-apud kebebbebley ey in-ulig da humman ni bii. Ey emin ida tutu-ud kebebbebley e nebuteng idan impainum tu.”

Revelation 18:3

Huyya kastigu da tep impambalin dadda katuutuu niyadda ap-apud kebebbebley ni nangkabngang. Emin ida etan kamampambiyaheh niyadda kamampantendad kebebbebley ey ingkedangyan da humman ni kapambebngangiddan tutu-udman.”

Isaiah 47:9

Nem nekekemtang ali ey meippahding ida huyyan anggetakkut ni hi-gayun han-aggew. Anin alin hipa pehding yun magic et mebellu kayulli et meendi u-ungnga yu.

Revelation 16:6

Kayyaggud humman ni impahding mu tep pinetey dadda tuum niyadda prophets mu. Huyya nambalinan ni impahpahding da ma-lat ya dama kuheyaw hu innumen da.”

Revelation 14:8

Neitu-nud ni immali etan neikadwan anghel ey kantuy “Nebahbah! Nebahbah law hu Babilon e nandingngel ni bebley! Yadda tuudman ey lawah idan peteg niya dinini dadda tuud kebebbebley di puyek ni mengippahding ni lawah, ma-lat eleg da daydayawa hi Apu Dios.”

Galatians 5:20

daka deyyawa hu beken ni makulug ni dios, mabekkidda, ida kamambubuhul, ida kamambabakal, ida kaman-in-aameh, mabunget ida, pinhed dan hi-gada meunnud, eleg man-uunnud nemnem da, ida kameena-appil di edum dan tuu,

Matthew 15:19

Tep ya lawah ni nemnem ni tuu hu kaumhulun ni kapampapateyiddan tuu, ya daka pengi-ebbeebbekin ahwa da, ya daka pansiwsiwid edum dan tuu, ya daka penekkewi, ya daka panlangkaki niya daka penumtumbukin edum da.

Isaiah 57:3

Nem hedin hi-gayun nekalliwtan ni tutu-u ey heni kayuddan mabekin kamengippahding ni ayak, heni kayun tutu-un daka i-ulig beken da ahwa niya heni kayuddan daka iggatang annel da. Ikeyuy et humalyaen dakeyu!

Isaiah 47:12

Imay, pandinel kayud sinupya yu, ya magic yu niya ayak yun impenahding yu neipalpu eman ni keu-ungnga yu. Et-eteng na-mu ibbaddang dan hi-gayu niya petekkut da na-mu buhul yu.

Revelation 19:2

Dayaw tayu hi Apu Dios, tep makulug niya meandeng hu tuka penuwet. Binahbah tu humman ni bebley tep yadda tuudman hu himmulun ni nangkabngangan idan katuutuud kebebbebley. Em, kinastigun Apu Dios ida bimmebley diman tep pinetepetey dadda bega-en tu.”

Revelation 13:15

Humman ni neikadwan heni animal ni anggetakkut ey wada kabaelan tun mengidwat ni yayyah etan ni kapyaen dan u-ukkul etan ni nemangulun animal et dammutun umhapit niya dammutun petteyen tudda hu eleg menaydayaw ni hi-gatu.

Malachi 3:5

Kan Apu Dios e Kabaelan tun emin ey “Um-ali-ak alin menuwet ni hi-gayu, et kastiguen kudda maeyak, yadda daka i-ulig hu beken dan ahwa, yadda kaman-ittek ni tistigu, yadda eleg mengidwat ni ustuh ni tangdan ni daka pangngunnu, yadda kamengippelilligat ni nebalu niyadda nepu-hig niyadda nalpud edum ni bebley. Anin idan tutu-un endi lispituh dan hi-gak et kastiguen kudda.

Daniel 11:33

Emin idalli etan nelaing niya nenemneman ni kamengipappangnguluddan helag Israel ey tuttudduan dalli hu dakel ni tutu-u. Nem mangkettey idalli hu edum ni hi-gadan pekiggubbatan da. Metekkew hu hipan limmun edum, panggihheben dadda edum, anin ni nanengtun mategudda, niya meikkellabut hu edum.

Revelation 13:13

Huyyan neikadwan heni animal ni anggetakkut ey han-ipahding tu hu kaketngain tuu. Dammutun tuka peellid puyek hu apuy ni kamelpud kabunyan et panhin-aang-angan ni tuu.

Revelation 13:7

Neidwatan ni kelebbengan tun mengubbat idan tuun Apu Dios ey dammutun apputen tudda niya wada kelebbengan tun man-ap-apun emin ni tuud kebebbebley ni nambakbaklang hu nahlagan da, ya ehel da niya neitu-wan da.

Revelation 9:20

Nem yadda etan natdaan ni eleg matey ni tuu ey eleg da isiked hu lawah ni daka pehpehding. Eleg da issiked ni menaydayaw idan dimonyoh niyadda etan kinapyaddan tuun u-ukkul ni dios dan balituk, silber, giniling, batu niya keyew ni eleg um-ang-ang, eleg um-ehel, eleg umdengel niya eleg umdalan.

Revelation 17:4

Nambalwasi etan biin madlang niya nan-usal ni dakel ni balituk niyadda nangkenginan batu niya pearl. Wada singnged tun balituk ni basuh e neiha-adan idan lawah ni tuka pehpehding niyadda lawah ni impahpahding idan tutu-un hineul tu.