Revelation 9:18 - Keley-i Bible (Antipolo Ifugao)

¹⁸ Huyyaddan kameukkat di bungut da hu nampematey ni ingkatlun tuud puyek.

Revelation 9:18 Referans Kwoze

Revelation 9:17

Inang-ang kudda etan kebayyu et yadda nampantakkay di i-innep ku ey wada heni happiyyaw ni neihenid pagew dan madlang ida edum e henidda apuy niya heni ang-ang ni batun sapphire ida edum. Malulaw ida edum e heni ang-ang ni sulfur. Ya uluddan kebayyu ey henidda ulun layon. Wada kameukkat di bungut dan apuy, ya ahuk, et ya sulfur.

Revelation 9:15

Humman idan neikelabut ni anghel hu neidaddan ni meibbukyat ni kedettengan ni gintud Apu Dios et da pampetteyen hu ingkatlun tuud puyek.

Revelation 8:7

Impatnul etan ni nemangulun anghel hu tangguyup tu ey nangka-gah di puyek hu dallallu niya apuy e na-duman ni kuheyaw. Ey ya ingkatlun puyek ey negiheb et makigiheb hu ingkatlun emin ni keyew niya helek.

Revelation 8:8

Impatnul etan ni neikadwan anghel hu tangguyup tu ey wada etan heni et-eteng ni duntug ni kamantettebbel ni neibkah di baybay. Ey nambalin hu ingkatlun baybay ni kuheyaw

Revelation 8:9

et matey hu ingkatlun emin ni hipan mategun wadadman. Anin idan bapor et ingkatlu hu nangkebahbah.

Revelation 8:10

Impatnul etan ni neikatlun anghel hu tangguyup tu ey wada et-eteng ni bittuwen ni kamantettebbel ni na-gah alid kabunyan et ma-gahan hu ingkatlun emin ni wangwang niyaddad etan di kautbulin danum.

Revelation 8:11

Ya ngadan etan ni bittuwen ey “Kel-it” tep ya ingkatlun danum idad etan di na-gahan tu ey kamangkel-it. Et dakel ida nangketey ni tuun imminum ni danum diman.

Revelation 8:12

Impatnul etan ni neika-pat ni anghel hu tangguyup tu ey neendi hu ingkatlun benang ni aggew, ya bulan niyadda bittuwen. Et engeenget ni ingkatlun aggew niya labbi.

Revelation 9:19

Humman ni kabaelan dan umpatey ey wadad bungut da niyad ikul da. Ya ikul da ey heni uleg ni wada ulu tu, et humman hu daka lippusi tuu.