Revelation 9:1 - Keley-i Bible (Antipolo Ifugao)

¹ Impatnul etan ni meikkelliman anghel hu tangguyup tu ey wada inang-ang kun bittuwen ni na-gah alid kabunyan. Humman ni bittuwen hu nengidwatan dan alladdun etan ni neku-kuan ni endi pappeg ni kadinallem tu.

Revelation 9:1 Referans Kwoze

Revelation 8:10

Impatnul etan ni neikatlun anghel hu tangguyup tu ey wada et-eteng ni bittuwen ni kamantettebbel ni na-gah alid kabunyan et ma-gahan hu ingkatlun emin ni wangwang niyaddad etan di kautbulin danum.

Revelation 9:2

Inalladdu tu et tukwaban tu ey neukat ali hu nemahhig ni ahuk e heni nalpud et-eteng ni apuy ey nan-enget tep hinenian ni ahuk hu petang.

Revelation 1:18

Hi-gak etan mategun ingganah. Neteyyak la, nem ang-ang mu kedi e mategu-ak law ni ingganah. Hi-gak nangnged ni alladdud kalawwin kamettey tep hi-gak nangnged ni biyag ni tuu niya wada kelebbengan kun mengippellaw ni linnawan tuud lawwan tu hedin netey.

Revelation 20:1

Inang-ang ku mewan hu hakey ni anghel ni nelehbeng alid kabunyan e singnged tu et-eteng ni takilala et ya alladdu etan ni bitun endi pappeg tu hu kadinallem tu.

Revelation 17:8

Humman ni heni animal ni inang-ang mun mategun nunman ey netey law nunya, nem eleg mebeyyag ey meukkat ali law etan di neku-kuan ni endi pappeg tu hu kadinallem tu et lumaw di kekastiguan tun ingganah. Et metngaddallin peteg hu tutu-ud puyek ni penang-angan da mewan ni nunman e anggetakkut ni animal. Humman ida etan eleg maitudek ngadan da etan di libluh ni neitudekan ni wada biyag dan endi pappeg tu e neitudek dedangngu et han maweda emin eya wadan nunya.

Luke 8:31

Nampehemmehemmek idan Jesus ma-lat eleg tudda palaw etan di kapanhelheltapin ingganah.

Revelation 8:12

Impatnul etan ni neika-pat ni anghel hu tangguyup tu ey neendi hu ingkatlun benang ni aggew, ya bulan niyadda bittuwen. Et engeenget ni ingkatlun aggew niya labbi.

Revelation 8:2

Entanni ey inang-ang kudda pitun anghel ni immehneng di hinangngab Apu Dios e wada hanhakkey dan tangguyup ni neidwat ni hi-gada.

Revelation 20:10

Ya etan dimonyoh e hi Satanas ni nenaul ni hi-gada ey neibkah di apuy ni wada sulfur. Yadman dama kad-an etan ni heni animal ni anggetakkut niya etan beken ni makulug ni prophet et panlelehhanan dallidman ni ingganah.

Revelation 1:20

Yadda etan pitun heni bittuwen ni inang-ang mud wannan ku ey humman ida etan pitun anghel ni nei-peng di pitun simbaan. Yadda etan pitun kapengippettukin kengkeh ey humman ida kamengullug etan di pitun simbaan.”

Luke 10:18

Hinumang Jesus et kantuy “Em, inang-ang ku hi Satanas e pinhakkeyey heni kedyam hu nengipea-allawan Apu Dios ni hi-gatud kabunyan.

Isaiah 14:12

Hi-gam e patul ni Babilon e kameingngadnin madilag ni bittuwen ni kakkabbuhhan ey et-eteng hu kabaelam ni nunman e kamengennapput ni tutu-u eyad puyek, nem impedep-ah dakan nalpud kabunyan et ma-gah ka eyad puyek.

Revelation 6:13

Nangka-gah ida bittuwen di puyek e heni naplagan ni lameh ni keyew hedin pimmewek.

Revelation 11:7

Hedin megibbuh ni peamta da hu impeamtan Apu Dios, ey meukkat ali law hu heni animal ni anggetakkut di neku-kuan ni endi pappeg tu hu kadinallem tu, et an makipetey ni hi-gada ingganah petteyen tudda humman ni dewwa.