Revelation 8:2 - Keley-i Bible (Antipolo Ifugao)

² Entanni ey inang-ang kudda pitun anghel ni immehneng di hinangngab Apu Dios e wada hanhakkey dan tangguyup ni neidwat ni hi-gada.

Revelation 8:2 Referans Kwoze

Revelation 11:15

Impatnul etan ni meikkeppitun anghel hu tangguyup tu ey wadadda ka-hel ni na-let di kabunyan e kanday “Yalli law man-ap-apun emin eyad puyek ey hi Apu Dios nan hi Christo e pinutuk tun mengippaptek ni tuu e hi-gatulli man-ap-apun ingganah.”

Luke 1:19

Kan etan ni anghel ey “Hi-gak hi Gabriel. Wada-ak ni ingganah di kad-an nan Apu Dios, tep hi-gatu hu nakka ingungngunnui. Intu-dak tuwak ma-lat nak ehelen ni hi-gam hu kayyaggud ni meippahding ni hi-gayu.

Revelation 8:6

Entanni mewan ey nandaddan ida etan pitun anghel ni mengippatnul ni tangguyup da.

Matthew 18:10

Ang-ang yu et endi yu pihhulen ni anin hakey ida eyan u-ungnga, tep e-helek ni hi-gayu e yadda anghel da ey wadaddan kenayun di kabunyan di kad-an nan Apu Dios e kamenang-ang-ang ni hi-gada.

Revelation 16:1

Entanni ey wada dingngel kun na-let ni ehel ni nalpu etan di Tempol e kantudda etan ni pitun anghel ey “Lakkayyuy et yu iduyag di puyek hu bunget Apu Dios ni neiha-ad etan idad pitun duyu.”

Revelation 15:1

Entanni ey wada mewan inang-ang kud kabunyan ni kaketngain tuu. Wadadda pitun anghel ni wada hu pitun nambakbaklang ni ligat ni iddawat daddan tutu-u. Huyya manggillig ni ligat ni pengippeang-angan Apu Dios ni bunget tu.

Sekariah 4:10

Entan tu pihul eya ekket ni neilepun neingunu, tep hi-gak ey nakka man-an-anlan menang-ang e nelapuan hu ngunu. Niya man-an-anladdalli tuu hedin ang-angen da hi Serubbabel e singnged tu panlelkud.” Entanni ey inhel etan ni anghel hu keibbellinan etan ni impeang-ang tun hi-gak e kantuy “Humman idan pitun kengkeh ey heni humman ida matan Apu Dios ni kamenang-ang-ang ni kapehpehding idan tutu-ud kebebbebley.”

Matthew 24:31

Wadalli na-let ni tenul ni tangguyup, et yan nunman hu pengittu-dakan kuddallin anghel di kebebbebley di puyek et da amungen ida tuun pinilin Apu Dios ni pantu-u tu.

Luke 21:36

Ya kayyaggud ey pandaddan kayun ingganah niya pandasal kayun Apu Dios ma-lat pa-let dakeyun mengan-anus ni ligat yu et eleg kayulli bumeing ni um-ehneng di hinanggak e Pengulwan ni emin ni tuu.”

1 Corinthians 15:52

Ya kehullulan alin annel tayu ey mangkinnemtang henin kapengimkimin mata. Meippahding ali huyyan manggillig ni tenul etan ni tangguyup di kabunyan. Ey meiddihhan ni metegguan ida kamengullug ni nangketey ey mehullulan ali annel da. Anin hi-gatsullin mategu et mehullulan ali dama annel tayu et eleg itsulli law mettey.

1 Thessalonians 4:16

Yan ellian tullin kelpuan tud kabunyan ey wadalli dedngelen tayun na-let ni ehel ni kaman-eyyag ni hi-gatsun kamengullug, ey umtetkuk ali etan ap-apuddan anghel niya wadalli na-let ni tenul ni tangguyup Apu Dios, et emin ida nangketey ni kamengullug ey metegguan idalli.

Revelation 1:4

Huyyan tudek kun hi-gayun kaegiegin kameemmuemmung etan idad pitun simbaan di probinsiya di Asia ey hi-gak e hi agi yun hi John hu nalpuan tu. Ya pinhed ku ey meweddan hi-gayu hu binabbal niya linggep ni kamelpun Apu Dios, e wada dedan nunman, yan nunya, niya wadan ingganah. Ey pinhed kun hanniman dama pehding ni Ispirituh tun pitu kabaelan tun wadad hinanggan Apu Dios di yinudungan tun tuka pan-ap-apui.

Revelation 8:13

Entanni et mantengngawwak di kabunyan ey wada kamantattayyab ni hakey ni tulduh. Kaumtekutekuk e kantuy “Anggehemmek idallin peteg hu tutu-ud puyek tep ya mekapkapyan hi-gada hedin petnul idallin etan ni tellun anghel hu tangguyup da.”

Revelation 9:1

Impatnul etan ni meikkelliman anghel hu tangguyup tu ey wada inang-ang kun bittuwen ni na-gah alid kabunyan. Humman ni bittuwen hu nengidwatan dan alladdun etan ni neku-kuan ni endi pappeg ni kadinallem tu.