Revelation 8:1 - Keley-i Bible (Antipolo Ifugao)

¹ Ingkal etan ni Impah ni Kalneroh etan meikkeppitun impamket da etan ni neludun ni papil ey pinhakkeyey immi-ineng ni emin hu wadad kabunyan ni kagedwah ni olas.

Revelation 8:1 Referans Kwoze

Sekariah 2:13

I-ineng itsun emin ni katuutuu, tep imminah hi Apu Dios di baley tu e iyallin manhuwet ni tutu-u.

Habakkuk 2:20

Nem hedin hi Apu Dios ey wadad Tempol tu. Et humman hu, emin itsun tutu-ud kebebbebley ey i-ineng itsud hinangga tu.”

Revelation 6:1

Entanni ey inang-ang ku etan Impah ni Kalneroh e ingkal tu etan nemangulun impamket da etan ni neludun ni papil ey dingngel ku ehel etan ni hakey ni mategu e heni kidul tep na-let ehel tu e kantuy “Ikay.”

Psalms 62:1

Hi Apu Dios hu nakka hehheggedan mengihwang ni hi-gak, tep ebuh tun nakka iddinel.

Job 4:16

Nesiked etan dibdib ey wada inang-ang kun kaman-eh-ehneng, nem eleg meimmatuni. Entanni ey dingngel ku intuttubbu tun hi-gak e kantuy

Revelation 6:12

Entanni ey inang-ang ku e ingkal etan ni Impah ni Kalneroh etan neika-nem ni impamket da etan di papil ey pinhakkeyey nanyegyeg ni na-let. Nak i-ang-ang di aggew ey nambalin ni andeket e heni andeket ni luput. Ey nambalin etan netullikeng ni bulan ni madlang e heni kuheyaw.

Revelation 6:9

Ingkal etan ni Impah ni Kalneroh etan neikeliman impamket da ey inang-ang kud daul ni altar hu linnawaddan tuun pinetepetey da tep ya nengitenuttudduan dan ehel Apu Dios niya tep impannananeng da hu daka pengullug nan Jesus, et humman da intenuttuddu.

Revelation 5:1

Entanni ey wada inang-ang kun neludun ni papil di wannan ni ngamay etan ni yimmudung di yuddungngan ni ap-apu. Netudkan di nambina-hil niya pitu impamket da.

Revelation 6:7

Ingkal mewan etan ni kameingngadnin Impah ni Kalneroh etan neika-pat ni impamket da ey dingngel ku ehel etan ni neika-pat ni mategu e kantuy “Ikay.”

Revelation 6:5

Ingkal mewan etan ni kameingngadnin Impah ni Kalneroh hu neikatlun impamket da ey dingngel ku etan neikatlun mategu e kantuy “Ikay.” Nak i-ang-ang ey wada hu andeket ni kebayyu. Wada singnged etan ni nantakkay ni killohhan.

Revelation 6:3

Ingkal etan ni Impah ni Kalneroh hu neikadwan impamket da ey dingngel ku etan neikadwan mategu e kantuy “Ikay.”

Psalms 37:7

Entan pandanag yu, nem anusi yun menehhegged ni baddang Apu Dios. Ey entan kaemeh yuddan lawah ni tuun kamengeddangyan et yu dama ipahding hu lawah ni daka pehpehding.

Revelation 5:9

Et ia-appeh da eya baluh ni a-appeh e kanday “Hi-gam hu wada kelebbengan tun mengella etan ni neludun ni papil ma-lat ekalen mu hu peket tu tep ya nemateyan daka hu neneklaan mun liwat idan tutu-ud kebebbebley e nambakbaklang hu nahlagan da, ya ehel da niya neitu-wan da et nambalin ida law ni tuun Apu Dios.

Matthew 27:66

Et da ihammad hu tangeb etan ni kulung et han da hi-yanadda etan sindalun man-eddug.