Revelation 7:1 - Keley-i Bible (Antipolo Ifugao)

¹ Negibbuh huyya et nak i-ang-ang ey wadadda epat ni anghel ni nei-peng di nandemademang di gilig ni puyek. Impasiked da dibdib di puyek niyad baybay. Anin idan keyew et endin hekey kamanggiggiwwed.

Revelation 7:1 Referans Kwoze

Matthew 24:31

Wadalli na-let ni tenul ni tangguyup, et yan nunman hu pengittu-dakan kuddallin anghel di kebebbebley di puyek et da amungen ida tuun pinilin Apu Dios ni pantu-u tu.

Daniel 7:2

Heninnuy hu ini-innep ku: Man-ang-angngak kumangngu ey nemahhig hu dibdib ni kamelpud nambinbina-hil etan di inang-ang kun baybay e ida kamanhiphipngat di gawwa tu et endi maptek ni kalawwin danum.

Jeremiah 49:36

Ey peellik ida buhul dan kamei-ellig ni na-let ni dibdib ni mengiwwehhit ni hi-gadad kebebbebley eyad puyek.

Mark 13:27

Ittu-dak kuddalli anghel ku et dadda emmungen ali emin hu pinilin Apu Dios ni tuu tud kebebbebley di puyek.

Daniel 8:8

Nema-ma law ni et-eteng ni peteg kabaelan nunman ni gelding. Nem entanni ey nepugah hu ha-duk tu et mahululan ni epat ni etta-teng ni ha-duk ni nambakbaklang hu nengihanggaan da.

Ezekiel 37:9

Et kan mewan Apu Dios ni hi-gak ey “Kammun dibdib ey ‘Hi Apu Dios e Eta-gey ni peteg ey mandalen daka e dibdib et umli ka, anin ni attu kelpuam, ma-lat yayyahan mudda eya annel ni netey et tumegudda.’”

Ezekiel 7:2

“Hi-gam e helag ni tuu, ehel muddan katuutuu e kammuy ‘Inhel nan Apu Dios e Eta-gey ni peteg e kantuy: Mebahbah ali hu Israel e bebley yu.

Isaiah 27:8

Hedin ya nengastigu tuddan tutu-u tu ey impalaw tuddad edum ni bebley e henidda intayab ni na-let ni dibdib ni nalpud appit ni kasimmilin aggew.

Revelation 9:14

Kantu etan ni meikka-nem ni anghel ey “Pebukyat mudda etan neikelabut ni epat ni anghel di et-eteng ni Wangwang e Euphrates.”

Isaiah 11:12

Itta-gey tulli bandelah et pengamtaan idan tutu-ud kebebbebley eyad puyek e tu mewan kapan-emmunga tutu-u tun iIsrael niyadda iJudah e melpuddad kebebbebley eyad puyek.

Revelation 7:3

kantuy “Entan ni tu bahbah hu puyek niya kabunyan niyadda keyew ingganah malkaan tayuddan emin hu tuktuk idan bega-en Apu Dios.”

Revelation 9:4

Ya neitugun ni hi-gada ey eleg da bahbahadda neitnem et yadda helek niya keyew, nem ebuh ida hu tuun endi malkan Apu Dios di tuktuk dan da pantetleden.

Sekariah 6:1

Intangaw ku mewan ey wada neipeang-ang ni hi-gak ni epat ni kalesah ni nalpud nambattanan ni dewwan giniling ni duntug.

Jonah 1:4

Nem pinhakkeyey impaelin Apu Dios hu naka-let ni pewek di baybay ey nemahhig ni anggetakkut e bahbahen tu etan bapor.

Revelation 6:6

Ey wada dingngel kun immehel di kad-an ida etan ni epat ni mategu e kantuy “kagedwah ni talub ni wheat winu hantalub et kagedwah ni barley hu tangdan ni han-aggew. Ey entan tu peta-gey hu bayad ni mansikan olibah niya kameinnum.”

Isaiah 27:3

Heninnuy etan a-appeh “Hi-gak e hi Apu Dios ey nakka ipapaptek hu intanem kun grapes niya nakka ipapaptek ni dennuman. Nakka guwalyain hileng niyan kawwalwal ma-lat endi umlin memahbah.

Daniel 11:4

Nem lektattulli et man-e-pat ni megennadwa humman ni bebley di Greece ni nampatulan tu, et wadaddalli hu epat ni patul ni meihhullul ni hi-gatu. Nem humman idallin epat ni patul ey eleg dalli han-ingngeh kabaelan tu, niya hin-appil ali hu kelpuan da. Tep me-kal di nan-ap-apuan tu et yadda beken ni helag tu hu man-ap-apu.

Sekariah 6:5

Ey kantuy “Huyyadda etan epat ni ispirituh di kabunyan ni kaman-eh-ehneng di kad-an ni Ap-apun emin di kebebbebley eyad puyek.

Revelation 8:7

Impatnul etan ni nemangulun anghel hu tangguyup tu ey nangka-gah di puyek hu dallallu niya apuy e na-duman ni kuheyaw. Ey ya ingkatlun puyek ey negiheb et makigiheb hu ingkatlun emin ni keyew niya helek.