Revelation 6:5 - Keley-i Bible (Antipolo Ifugao)

⁵ Ingkal mewan etan ni kameingngadnin Impah ni Kalneroh hu neikatlun impamket da ey dingngel ku etan neikatlun mategu e kantuy “Ikay.” Nak i-ang-ang ey wada hu andeket ni kebayyu. Wada singnged etan ni nantakkay ni killohhan.

Revelation 6:5 Referans Kwoze

Sekariah 6:2

Ya etan nemangulun kalesah ey ingguyud idan madlang ni kekebayyu. Ya etan meikkadwan kalesah ey ingguyud idan andeket ni kekebayyu.

Sekariah 6:6

Ya etan kalesah ni ingguyud idan andeket ni kebayyu ey kamenglaw di north di Babilon. Ya etan kalesah ni ingguyud idan mablah ni kebayyu ey kamenglaw di appit ni kakelinnugin aggew. Hedin ya etan kalesah ni ingguyud ida etan ni nampandep-ul ni kebayyu ey kamenglaw di appit ni south.”

Ezekiel 4:16

Kantu mewan ey “Hi-gam e helag ni tuu, dengel mu eya e-helen kun hi-gam. Endiek ali kakelpuin kennen ni tutu-ud Jerusalem. Umkakaguh idalli et tetteppengen da hu kennen da niya innumen da.

Revelation 6:1

Entanni ey inang-ang ku etan Impah ni Kalneroh e ingkal tu etan nemangulun impamket da etan ni neludun ni papil ey dingngel ku ehel etan ni hakey ni mategu e heni kidul tep na-let ehel tu e kantuy “Ikay.”

Revelation 5:9

Et ia-appeh da eya baluh ni a-appeh e kanday “Hi-gam hu wada kelebbengan tun mengella etan ni neludun ni papil ma-lat ekalen mu hu peket tu tep ya nemateyan daka hu neneklaan mun liwat idan tutu-ud kebebbebley e nambakbaklang hu nahlagan da, ya ehel da niya neitu-wan da et nambalin ida law ni tuun Apu Dios.

Revelation 5:5

Nem kan etan ni hakey ni ap-apun hi-gak ey “Isiked mun umnangih. Dammutun kabaelan etan ni kameingngadnin Layon ni nalpud helag nan Judah e helag nan David. Tep inapput tun emin hu lawah, et dammutun han-ekal tu etan pitun impamket da etan ni papil ma-lat ukyaden tu.”

Leviticus 26:26

Bahbahek hu pengellaan yun kennen yu et dammutu hu hakey ni ebuh ni pene-engan ni sinapay ni ussalen ni hampulun bibi-in pengihhe-engan dan metdaan ni alinah yu, et humman hanna-kuten yun ikaka-peng. Et anin ni mengngan kayu et eleg kayu mephel.

Ezekiel 4:10

Hambasuh ni ebuh hu kennem ni han-aggew di nagtud ni olas.

Lamentations 5:10

Nemahhig upa mi et kami kamandedgeh e kaman-aatung annel mi e heni pugun.

Matthew 24:7

Em, manggugubat idalli kebebbebley, tep wada hakkey ni ap-apu ey gubbaten tu hu edum tun ap-apud edum ni bebley. Ey meweddalli bisil niya manyegyeg alid dakel ni bebley eyad puyek.