Revelation 5:9 - Keley-i Bible (Antipolo Ifugao)

⁹ Et ia-appeh da eya baluh ni a-appeh e kanday “Hi-gam hu wada kelebbengan tun mengella etan ni neludun ni papil ma-lat ekalen mu hu peket tu tep ya nemateyan daka hu neneklaan mun liwat idan tutu-ud kebebbebley e nambakbaklang hu nahlagan da, ya ehel da niya neitu-wan da et nambalin ida law ni tuun Apu Dios.

Revelation 5:9 Referans Kwoze

1 John 1:7

Nem hedin ya etan kakkayyaggud ni pinhed Apu Dios hu tayu kapehpehding henin kakinayyaggud tu, man kayyaggud hu pandadagyuman tayun kamengullug et me-kal liwat tayu niya baddangan daitsun Apu Dios ni eleg manliwwat tep ya neteyyan Jesus Christo e U-ungnga tu.

Matthew 26:28

tep huyya kuheyaw kun um-ayuh ni amnuan etan ni baluh ni nekitbalan Apu Dios ni panyaggudan ni dakel ni tuu, tep humman ke-kalan ni liwat da.

Psalms 40:3

Sinuttudduan tuwak ni baluh ni a-appeh ni penaydayaw ni hi-gatu e Dios tayu. Dakel idalli menang-ang nunyan nengihwangan tu hi-gak et metngaddalli ey mandinnel idallin hi-gatu e Apu tayu.

Revelation 14:6

Entanni ey wada mewan inang-ang kun anghel ni kamantayyatayyab di kabunyan e tuka an peennamta etan kamannananeng ni kameituttuddun meippanggep nan Apu Dios idan katuutuud kebebbebley ni nambakbaklang nahlagan da, ya ehel da niya neitu-wan da.

1 Corinthians 6:20

Tep heni dakeyu gintang Apu Dios, tep ingkatey Jesus hu pemangngadan tun hi-gatsu ma-lat helakniban daitsu. Et humman hu, iusal tayu hu annel tayud keiddeyyawan Apu Dios.

Revelation 5:12

Daka pan-eleta a-appeh da e kanday “Wada kelebbengan etan ni kameingngadnin Impah ni Kalneroh ni pintey dan menewwat ni et-eteng ni kabaelan, ya kinedangyan, niya laing. Ey lebbeng tu dedan ni melispituh, medeyyaw niya metbal.”

Revelation 4:11

“Apu e Dios mi, deyyawen daka kumaddan, tep ya kasina-gey mu niya et-eteng ni kabaelan mu, tep hi-gam nanletun emin. Em, lintum idan emin eyan wadan nunya tep humman pinhed mu.”

Acts 20:28

Hi-gayu hu pinutuk ni Ispirituh Apu Dios ni mengippaptek idan kamengullug Jesus, et humman hu helipat-i yu annel yu ey baddangi yuddan emin hu edum tayun kamengullug ma-lat ihammad da daka pengullug, tep hi-gatsu gaputun an neteyyan Jesus e U-ungngan Apu Dios.

Matthew 20:28

Tep anin hi-gak e Pengulwan ni emin ni tuu et immali-ak ni an mambalin ni bega-en tep ya panyaggudan idan tuu. Eleggak umlin man-ap-apu, nem immali-ak ni an mettey ni peneklaan kun liwat ni tuu ma-lat mahelakniban ida.”

Revelation 5:6

Entanni ey inang-ang ku etan kameingngadnin Impah ni Kalneroh di kad-an etan ni yuddungngan ni ap-apu e immehneng di nanggawwaan ida etan ni epat ni mategu niyadda etan aap-apu. Inang-ang ku hu liput tun nemateyan dan nunman. Pitu ha-duk tu niya pitu matetu e humman ida immatun ni Ispirituh Apu Dios e wada pitun kabaelan tun neitu-dak eyad puyek.

Titus 2:14

Hi Jesus Christo ey ingkatey tu neneklaan tun liwat tayu ma-lat iwalleng tayun emin hu lawah et pambalin daitsun tuu tu et ya kayyaggud hu pakappinheden tayun pehding.

2 Peter 2:1

Nem anin ni yan nunman et wadadda etan beken ni makulug ni prophets et hanniman ali dama e wadaddalli etan tuun kaumhaul ni mantuttuddun beken ni makulug ni hi-gayun memahbah ni yuka pengullug. Ituttuddu dallin hi-gayu hu beken ni makulug ni meippanggep nan Apu Jesus e neneklan liwat tayu, tep daka kehhinga, et humman ali umhulun ni anggagannu ey mekastigudda.

Colossians 1:14

Hi-gatu hu nangkal ni liwat tayu, tep sinekla tun neteyyan tu.

Ephesians 1:7

Yan nengiketeyan Jesus Christo ni liwat tayu ey nepesinsahan itsu law tep netekla law liwat tayu et beken itsu law ni himbut ni liwat. Huyya keang-angan tu e kabbabbal ni peteg hi Apu Dios ni hi-gatsu,

1 John 2:2

Hi Jesus hu nengiketey ni liwat tayu, nem beken ni ebuh hu liwat tayun ingkatey tu, nem anin ni liwat ni emin ni tuud puyek.

1 Corinthians 7:23

Tep ya neteyyan Jesus hu nenekla tun liwat tayu, et mukun hi-gatu law hu u-unnuden tayu, beken ni ya tuu.

Psalms 149:1

Daydayaw tayu hi Apu Dios! Ia-appehi tayun baluh ni a-appeh ni penaydayaw tayun hi-gatu di tayu kakeemmuemmungin tutu-u tun nanengtun kamengu-unnud ni hi-gatu.

Psalms 33:3

Itkuk tayu an-anla tayu et ia-appehan tayu hi Apu Dios ni baluh ni a-appeh ni tayu kapenaydayaw ni hi-gatu. Ey panggitalah itsun mei-unnud di a-appeh tayu.

Revelation 13:8

Emin ida tuud puyek ey daydayawen dalli huyyan heni animal ni anggetakkut. Ebuh idalli etan neitudek hu ngadan dad libluh ni kakeittuddekiddan tuun wada biyag dan endi pappeg tu hu eleg menaydayaw ni hi-gatu. Ya etan libluh ey neitudek et han maweda emin eya wadan nunya. Ya kanlibluh nunman ey ya etan kameingngadnin Impah ni Kalneroh e pintey dan nunman.

Revelation 11:9

Emin ali hu tutu-un nambakbaklang bebley da niya nahlagan da, ya ehel da niya neitu-wan da, ey pan-in-aang-angan da hu annel idan nunman ni netey ni tellun aggew et kagedwah. Ey i-e-leg dallin ida meikkullung humman idan dewwan netey.

Psalms 144:9

Apu Dios, manggitalahhak niya man-a-appehhak ni baluh ni a-appeh ni penaydayaw kun hi-gam.

Psalms 98:1

Ia-appehi tayu hi Apu Dios ni baluh ni a-appeh, tep kayyaggud hu impenahding tun hi-gatsu. Ey naka-apput tudda buhul tu tep ya kabaelan tu niya kakinayyaggud tu.

Psalms 96:1

Emin itsun katuutuud kebebbebley ey iena-appeh tayu hu baluh ni a-appeh ni penaydayaw tayun Apu Dios.

Isaiah 42:10

Pan-a-appeh kayun baluh ni a-appeh ni penaydayaw yun Apu Dios, hi-gayun emin ni wadad kebebbebley eyad puyek, anin ni hi-gayuddan kamampambapor, hi-gayun emin ni wadad baybay niya hi-gayuddan wadad nangkeidawwin bebley.

Hebrews 11:14

Huyyaddan tuu ey kinulug da e wada etan bebley ni lawwan da e yadman ali law hu panha-adan dan ingganah, et humman hu daka hemmahemmaka.

Colossians 1:23

Nem mahapul ni pannananeng tayun mengiddinnel ni neituttuddun hi-gatsu meippanggep ni neteyyan Jesus e humman pengiddinnelan tayun kehellakniban tayu. Huyyan neituttuddun hi-gatsu ey nan-amtad kebebbebley di puyek. Ey hi-gak e hi Paul hu hakey ni pinutuk Apu Dios ni mengituttuddun nunyad kebebbebley.

Daniel 6:25

Entanni ey nengapyan olden hi Darius et palaw tud tutu-ud kebebbebley di nan-ap-apuan tun nambakbaklang hu nahlagan da niya hapit da. Kantu etan di impaitudek tun olden tuy “Ya pinhed ku ey kayyaggud kayun emin. Katuutuud kebebbebley di nan-ap-apuan ku,

Daniel 4:1

Entanni ey impalaw nan Nebukadnessar huyyan pinhed tun peamtaddan katuutuud kebebbebley ni nambakbaklang hu nahlagan da niya ehel da. Kantuy “Ya kayyaggud ey melinggep kayun emin!

Daniel 5:19

Hi-gatu hu keta-ta-geyyan idan patul di puyek et emin hu tuud kebebbebley, anin ni nambakbaklang hu nahlagan da niya hapit da, et ida kaumgeygey ni takut dan hi-gatu. Hedin pinhed tun pepettey hu hakey ni tuu, man tuka pepettey. Ey hedin eleg tu pinhed ni pepettey hu hakey ni tuu, man eleg tu pepettey. Tuka iddawsin keiddeyyawan hu tuun pinhed tun meidaydayaw, nem tuka babba-inga hu tuun pinhed tun be-ingen.

Ephesians 5:19

Ya kayyaggud kumaddan ni pehding yu ey ia-appeh yudda hu Psalms niyadda edum ni a-appeh idan kamengullug ni pandeyyaw yun Apu Dios. Ey pannananeng yun hi-gatu daydayawen yud a-appeh yud nemnem yu.

Revelation 10:11

Ey kantu mewan ey “Mahapul ni mu peennamta eya inhel Apu Dios ni meippanggep idan ap-apu et yadda etan tuun nangkalpud nambakbaklang ni bebley ni nambakbaklang neitu-wan da niya ehel da.”

Revelation 13:7

Neidwatan ni kelebbengan tun mengubbat idan tuun Apu Dios ey dammutun apputen tudda niya wada kelebbengan tun man-ap-apun emin ni tuud kebebbebley ni nambakbaklang hu nahlagan da, ya ehel da niya neitu-wan da.

Revelation 15:3

Daka pan-ia-appeh hu a-appeh nan Moses e bega-en lan Apu Dios niya humman dama a-appeh ni meippanggep etan ni Impah ni Kalneroh. Kandad a-appeh da ey “Kaketngain emin eya dakel ni muka pehpehding, Apu Dios e Han-ipahding tun emin. Meandeng niya makulug ni emin hu elaw mu. Hi-gam dedan hu Ap-apun emin ni tuu niya hi-gam ali hu Ap-apun ingganah.

Revelation 17:15

Kan mewan etan ni anghel ni hi-gak ey “Ya etan ida wangwang ni inang-ang mun kapanyuyyuddungi etan ni biin tuka pebeyyad annel tu ey humman kakeiddingpatiddan dakel ni tuun nambakbaklang bebley da, ya nahlagan da niya ehel da.