Revelation 4:9 - Keley-i Bible (Antipolo Ifugao)

⁹ Daka i-ena-appeh hu daka penaydayaw niya daka pansalamat etan ni yimmudung di yuddungngan ni ap-apu e wadan kenayun.

Revelation 4:9 Referans Kwoze

Revelation 10:6

et mansapatah nan Apu Dios e wadan ingganah e nanletun puyek, ya kabunyan, ya baybay niyaddan emin hu wadadman, et kantuy “Nekemtang law ni ebuh.

Revelation 15:7

Ya hakey etan idan epat ni mategu ey indawat tuddan nunman ni pitun anghel hu hanhakkey dan balituk ni duyun napnun nemahhig ni bunget Apu Dios e wadan ingganah.

Psalms 47:8

Hi Apu Dios ey wadad yuddungngan tun kaman-ap-apud emin ni bebley.

Revelation 1:18

Hi-gak etan mategun ingganah. Neteyyak la, nem ang-ang mu kedi e mategu-ak law ni ingganah. Hi-gak nangnged ni alladdud kalawwin kamettey tep hi-gak nangnged ni biyag ni tuu niya wada kelebbengan kun mengippellaw ni linnawan tuud lawwan tu hedin netey.

Daniel 4:34

Negibbuh etan pitun toon ey nambangngad law ni kakkayyaggud hu nemnem nan Nebukadnessar et kantuy “Intangaw kun Apu Dios di kabunyan ni pengippeang-angan kun nantuttuyyuan kud liwat ku ey nambangngad law ni kakkayyaggud hu nemnem ku. Et daydayawek law etan Keta-ta-geyyan ni Dios e wadan ingganah. Hi-gatu hu mannananeng ni man-ap-apun ingganah.

Daniel 12:7

Inta-gey etan ni anghel hu dewwan ngamay tud kabunyan et isapatah tun Apu Dios e wadan ingganah, ey dingngel kun kantuy “Mengmenglaw ali huyyan tellu et kagedwah ni toon. Hedin mepappeg ali hu panhelheltapan idan tutu-un Apu Dios ey humman ali hu kepappegan ni emin.”

Psalms 48:14

Huyyan Dios hu Dios tayun ingganah. Ey hi-gatu hu mannananeng ni Dios tayun mengippengngulun hi-gatsun ingganah.

Exodus 15:18

Hi-gam e Apu Dios hu mannananeng ni man-ap-apun inggana.”

Hebrews 7:25

Et humman hu, hi Jesus hu wadan ingganah hu kabaelan tun menellaknib idan umhayukup nan Apu Dios ni kamengiddinnel nan Jesus ma-lat eleg ida mekastigu, nem wadalli biyag dan endi pappeg tu. Wada kabaelan Jesus ni mengippahding idan nunya, tep mategun ingganah ni mengi-ehneng ni hi-gadad hinanggan Apu Dios.

Hebrews 7:8

Hedin yadda etan padin helag Levi ni kamenewwat ni kapulun kalelmuan tuu, man ida kamettey. Nem hedin hi Melchisedek, e nengalan kapulun limmun Abraham, man nanengtun mategu, tep endi an nee-ehhel di impatudek Apu Dios ni neteyyan tu.

Deuteronomy 32:40

Hi-gak hu Dios ni wadan ingganah ey itta-gey ku ngamay ku et isapatah ku

Isaiah 6:1

Yan nunman ni toon ni neteyyan Ussiah e patul ey inang-ang ku hu Ap-apu ni yimmudung di yuddungngan ni patul. Kameang-ang dayaw tu ey hinephepan ni andukkey ni balwasi tu hu det-al ni Tempol.

Revelation 4:2

Nekekemtang ey impeang-ang ni Ispirituh Apu Dios ni hi-gak hu yuddungngan ni ap-apud kabunyan e wada yimmudung.

Revelation 4:8

Wada han-e-nem ni payak dan nemataan di nambina-hil. Daka i-anteng a-appeh anin hileng niyan kawwalwal. Kandad a-appeh da ey “Kayyaggud ni peteg, kayyaggud ni peteg, kayyaggud ni peteg ni Ap-apu e Dios ni Han-ipahding tun emin. Wada ngu dedan ni nunman et yan nunya ey wadan ingganah.”

Revelation 5:1

Entanni ey wada inang-ang kun neludun ni papil di wannan ni ngamay etan ni yimmudung di yuddungngan ni ap-apu. Netudkan di nambina-hil niya pitu impamket da.

Revelation 6:16

Et ehelen daddan duduntug niyadda batu e kanday “De-hili dakemi ma-lat eleg dakemi ang-ang-angen etan ni yimmudung di yuddungngan ni ap-apu et ya etan Impah ni Kalneroh tep nemahhig bunget dan hi-gami

Revelation 7:15

Et mukun wadaddad kad-an ni kayuddungin Apu Dios et ida kamansilbin hi-gatud Tempol tun kewa-wa-wa niyan kahilehileng. Ya etan yimmudung di kayuddungin ap-apu hu mengippaptek ni hi-gada tep wadad kad-an da,

Revelation 21:5

Kan etan ni yimmudung ey “Yan nunya ey impebaluh kun emin.” Kantun hi-gak ey “Itudek mu huyya, tep makulug niya kameiddinnel hu nakka e-hela.”