Revelation 3:10 - Keley-i Bible (Antipolo Ifugao)

¹⁰ Inu-unnud yu hu tugun ku et ihikal yu ligat yu, et mukun eleg dakeyulli pekihelheltap di ligat ni peellik ni pematnaan kun emin ni tuu eyad puyek.

Revelation 3:10 Referans Kwoze

2 Peter 2:9

Huyya keang-angan tun kaippaptek Apu Dios ida kamengu-unnud ni hi-gatu hedin wada ligat da, nem hedin yadda tutu-un lawah daka pehpehding, man huwetan tuddalli et kastiguen tudda,

Revelation 14:12

Hi-gayuddan tuun Apu Dios ni kamengu-unnud ni tugun tu niya impannaneng da hu daka pengullug nan Jesus ey mahapul ni eddalen yun mengissippel ni ligat yu.

Sekariah 13:9

Patnaak idalli huyyan metdaan et henin kapehding ni manmahmah ni silber niya balituk e kaussala apuy. Et lektattuy mandasal idallin hi-gak et humangek dasal da. E-helek alin hi-gada e tutu-uk ida, niya ebbuluten dalli e hi-gak hu Ap-Apu e Dios da.”

Daniel 12:10

Dakel idalli tuun kamengullug nan Apu Dios ni meihhammad hu daka pengullug tep yaddalli huyyan ligat ni meippahding. Nem yaddalli etan tutu-un lawah daka pehpehding ey eleg dalli issiked ni mengippahding ni lawah niya eleg dalli ewwasi huyya. Ebuh idalli nangkenemneman ni mengewwat idan keibbellinan tudda huyya.

Revelation 2:10

Entan ali takut yu hedin umdateng etan panliggatan yu, tep e-helen kun hi-gayu e panliggat dakeyuddallin tuuddan Satanas et peikkellabut dakeyulli, nem humman kepatnaan ni yuka pengullug. Anin ni umhulun ni ketteyyan yu humman idallin ligat et entan takut yu et eleg yu isiked hu yuka pengullug ni hi-gak, yaggud nekemtang alin ebuh e heni nekapulun aggew, tep iddawtan dakeyullin hi-gak ni biyag ni endi pappeg tud kad-an Apu Dios.

1 Corinthians 10:13

Ma-nu tep emin itsu ey itsu kamepatnain mehe-ul ni mengippahding ni panliwwatan, nem kapyatu, tep tuu itsu. Nem kameiddinnel hi Apu Dios ni memaddang ni hi-gatsu, tep eleg tu i-abulut ni itsu mepatnaan di eleg tayu kabaelan. Ey daitsu kabaddangi ma-lat eleg tayu ipahding hu lawah.

1 Peter 4:12

Kaegiegi, entan katnga eyan hin-appil ni ligat yun yuka helheltapa, tep humman kapematnain Apu Dios ni tayu kapengullug.

Revelation 1:9

Hi-gak e hi agi yun hi John e meilla-kam alid pan-ap-apuan Apu Dios ey nak dama kaisissipel hu nakka panlelehhanin ligat tayu tep ya tayu kapengullug nan Jesus. In-ali da-ak eyad bebley di Patmos ni neigawwad baybay tep huyya kastiguk ni nakka pengittenuttudduin impeamtan Jesus ni hi-gak.

Matthew 6:13

Ipaptek dakemi ma-lat eleg kami madinin manliwwat. Ey baddangi dakemi ma-lat eleg dakemi haulen nan Satanas ni mengippahding ni lawah.’”

Revelation 13:10

Tep yadda etan tuun gahat dan medpap ni meikkullabut ey makulug ni meikkullabut ida. Yadda etan tuun gahat dan ya ispadah mengellan hi-gada ey makulug ni ya ispadah memettey ni hi-gada. Et humman hu, hi-gatsuddan tuun Apu Dios ey pannananeng tayu hu tayu kapengullug ma-lat han-ihikal tayulli ligat tayu.

Ephesians 6:13

Et humman hu, iusal yun emin hu indawat Apu Dios ni penenni yun annel yu ma-lat hedin ippatnaddan nunman ni buhul yun mene-ul ni hi-gayu, man eleg kayu meapput, nem apputen yudda hedin ippatna yun emin hu kabaelan yun mengapput ni hi-gada.

Isaiah 24:17

Hi-gayun lawah tuka pehpehding ni tutu-u eyad puyek ey anggetakkut hu meippahding ni hi-gayu. Tep heni kayulli mekna ey heni kayulli mantem-uk di bitu.

Revelation 8:13

Entanni et mantengngawwak di kabunyan ey wada kamantattayyab ni hakey ni tulduh. Kaumtekutekuk e kantuy “Anggehemmek idallin peteg hu tutu-ud puyek tep ya mekapkapyan hi-gada hedin petnul idallin etan ni tellun anghel hu tangguyup da.”

Revelation 6:10

Intekuk ida etan ni linnawa e kanday “Apu e Han-ipahding tun emin, kayyaggud kan peteg niya hi-gam hu makulug ni Dios. Pigan tu panhuwetan mun tuu et kastiguen mudda etan nematey ni hi-gami?”

Revelation 17:8

Humman ni heni animal ni inang-ang mun mategun nunman ey netey law nunya, nem eleg mebeyyag ey meukkat ali law etan di neku-kuan ni endi pappeg tu hu kadinallem tu et lumaw di kekastiguan tun ingganah. Et metngaddallin peteg hu tutu-ud puyek ni penang-angan da mewan ni nunman e anggetakkut ni animal. Humman ida etan eleg maitudek ngadan da etan di libluh ni neitudekan ni wada biyag dan endi pappeg tu e neitudek dedangngu et han maweda emin eya wadan nunya.

Revelation 13:14

Impahding tudda miracles ma-lat maidaydayaw etan nemangulun heni animal ni anggetakkut ni napwahan hu nemahhig ni liput di ulu tu. Et humman idan miracles hu tuka pene-ul ni tuu. Et ehelen tuddan tutu-u e umkapyaddan u-ukkul nunman ni heni animal ma-lat daydayawen dan dios da.

Revelation 13:8

Emin ida tuud puyek ey daydayawen dalli huyyan heni animal ni anggetakkut. Ebuh idalli etan neitudek hu ngadan dad libluh ni kakeittuddekiddan tuun wada biyag dan endi pappeg tu hu eleg menaydayaw ni hi-gatu. Ya etan libluh ey neitudek et han maweda emin eya wadan nunya. Ya kanlibluh nunman ey ya etan kameingngadnin Impah ni Kalneroh e pintey dan nunman.

Matthew 26:41

Ebuh kaugip yu niya pandasal kayun Apu Dios ma-lat eleg kayulli maheul ni manliwwat. Ma-nu nemnem yu tep pinhed yun u-unnuden hu nakka e-hela, nem eleg han-pahding ni annel yu hu wadad nemnem yu.”

Matthew 24:14

Meippeamtallid kebebbebley eya elaw ni kapan-ap-apuin Apu Dios, ma-lat dengelen idallin emin ni tuud puyek, et han medatngan hu kepappegan ni puyek.

Romans 1:8

Ya memengngulun e-helen kun hi-gayu ey pinhed kun amtaen yu e et-eteng nakka pansalamatin Apu Dios tep nan-amtad kebebbebley hu yuka pengullug nan Jesus. Et nakka pedellan nan Jesus Christo huyyan nakka pansalamatin Apu Dios.

Revelation 11:10

Emin idalli tuud puyek ey man-am-amleng idan neteyyan idan nunman ni dewwan tuu. Mampiyestah idalli niya man-indadawat idallin hipan wadan hi-gada. Mampanggagayaddallin emin hu tuu tep netey ida humman ni dewwan nengi-lin nemahhig ni ligat di puyek.

Mark 14:9

Nemnemnem yulli huyyan impahding tu, tep emin alid kebebbebley di keippeamtaan ni ehel Apu Dios ey meippeamta dama huyyan impahding tun penginnemnemneman alin hi-gatu.”

Luke 2:1

Yan eman ni hi Agustus hu ap-apud Rome ey in-olden tud emin ni bebley ni sinekup tu e mahapul ni an mampelistadda hu tutu-u etan di bebley ni nalpuan ni aammed da. (Ya gobernor di Syria ni nunman ni nemangulun nanlistaan dan tutu-u ey hi Quirinius.)

John 17:6

Impeamtak hu meippanggep ni hi-gam idan tuun impangulug mun hi-gak. Eleg ida la ni mengullug, nem pinutuk muddan mengullug ni hi-gak. Tuum ida dedan, mukun nengulug idan hi-gak niya impaka-u-unnud da tugun mu.

2 Timothy 2:12

Hedin an-anusan tayu ligat tayu et eleg tayu issiked ni mengu-unnud nan Jesus, ey meki-ap-apu itsullin hi-gatu. Nem hedin ibbaing tayu hi Jesus, ey ibbaing daitsulli dama e kantuy beken daitsun tuu tu.

Revelation 3:8

Kantuy ‘Inamtak hu yuka pehpehding. Ey inamtak e kulang kabaelan yu, nem inenu-unnud yu hu nakka ittenuttuddu ey nanengtun nunyan hi-gak hu yuka kulluga. Et humman hu, imbeghul ku etan dellanen yun habyen ni endi tuun han-ilekbi tu.

Revelation 14:6

Entanni ey wada mewan inang-ang kun anghel ni kamantayyatayyab di kabunyan e tuka an peennamta etan kamannananeng ni kameituttuddun meippanggep nan Apu Dios idan katuutuud kebebbebley ni nambakbaklang nahlagan da, ya ehel da niya neitu-wan da.

Revelation 16:14

Huyyaddan tellun ispirituh ey ispirituh idan dimonyoh ni kamengippeennang-ang ni kaketngain tuu. Dadda kaandinnidinnia hu ap-apud kebebbebley di puyek e kanday mambabaddang ida et makigubat idallin Apu Dios. Humman alin aggew ni pekiggubbatan da ey gintud Apu Dios e Han-ipahding tun emin.

Revelation 17:2

Emin ida hu ap-apud kebebbebley ey in-ulig da humman ni bii. Ey emin ida tutu-ud kebebbebley e nebuteng idan impainum tu.”