Revelation 22:7 - Keley-i Bible (Antipolo Ifugao)

⁷ Immehel hi Jesus et kantuy “Dengel yu eya e-helen ku tep anggegannu law et um-ali-ak. Emin ida etan kamengullug ni neitudek eyad libluh ey man-am-amleng idalli.”

Revelation 22:7 Referans Kwoze

Revelation 3:11

Kamangkedettengi law hu keibbangngadan ku. Et humman hu, tettengedi yu hu yuka pengullug ni hi-gak ma-lat endilli mene-ul ni hi-gayu. Tep hedin mehe-ul kayu, man eleg kayulli meidwasin panyaggudan yun iddawat Apu Dios.

Revelation 1:3

Ya tuun memidbid niya mengullug idan nunyan neitudek eyad libluh ey iddawtan Apu Dios ni panyaggudan tu tep kamangkedettengi law hu keippahdingan tudda huyya.

Revelation 22:20

Hi Jesus hu nengipeang-ang ni makulug emin eya wadad libluh et kantuy “Anggegannu law ey um-ali-ak.” Et kangkuy “Kayyaggud hedin um-ali ka. Ali ka law e Apu Jesus.”

Revelation 22:12

Immehel hi Jesus et kantuy “Ang-ang yu tep anggegannu law ey um-ali-ak. I-alik hu panyaggudan yu niya kekastiguan yu meippuun di impahpahding yud puyek.

Revelation 16:15

Nem kan Apu Dios ey “Helipat-i yu tep eleg meamta ellian ku e henin kapehding ni matekew e kamengintutungaw ni hileng. Yadda etan tuun ippaptek da annel dan elliak et eleg ida mengapkapyan lawah ey endilli da kebe-ingan, nem man-am-amleng idalli.”

Revelation 1:11

Kantuy “Itudek mun emin hu ang-angen mu et palaw muddan kamengullug di pitun simbaan ni nei-peng di Asia, e yad Ephesus, yad Smyrna, yad Pergamum, yad Thyatira, yad Sardis, yad Philadelphia, et yad Laodicea.”

Revelation 2:16

Isiked yun manliwwat tep hedin eleg yu issiked ey um-ali-ak et dakeyu kastiguen niya nak pampetteyen eyan ispadah ni wadad bungut kudda humman ni kamengu-unnud ni daka ituttuddu.

Revelation 3:3

Nemnem yudda eman diddingngel yun neitenuttuddun hi-gayu et u-unnuden yu niya pantuttuyyu kayun liwat yu. Tep hedin eleg kayu mantuttuyyu, man um-ali-ak et kastiguen dakeyu. Nem eleg yulli amta hedin pigan tu ellian kud kad-an yu, tep heni-ak ali matekew ni um-ali e eleg tu peam-amta ni inhawang tu.

Revelation 22:18

Hi-gak e hi John hu nengitudek ni emin nunya. Ey e-helen kun hi-gayu e ya tuun e-duman tu huyyan neitudek eyad libluh ey e-duman daman Apu Dios hu ligat tun henin ligat ni na-na-hel eyad libluh.

Revelation 22:19

Ey hedin kullangan ni hakey ni tuu eya neitudek di libluh, man eleg iddawat Apu Dios hu patal tu etan di keyew ni kaum-idwat ni biyag ni endi pappeg tu niya tawid tu etan di bebley ni na-hel eyad libluh.

Revelation 22:21

Pinhed kun meweddan hi-gayun emin hu binabbal ni kamelpun Jesus e Apu tayu. Amen.