Revelation 22:6 - Keley-i Bible (Antipolo Ifugao)

⁶ Entanni ey kan etan ni anghel ni hi-gak ey “Huyyan na-na-hel ey makulug niya kameiddinnel. Hi Apu Dios e Apu tayu hu nengipa-hel idan prophets tu niya hi-gatu nengitu-dak etan ni anghel ni an menghel ni mekapkapyallin meba-ba-ba.”

Revelation 22:6 Referans Kwoze

Revelation 1:1

Huyyan libluh hu neitudekan ni mekapkapyallin edum ni aggew ni impeamtan Apu Dios nan hi Jesus ma-lat peamta tu damaddan kamengullug. Hi-gak e hi John e bega-en nan Jesus ey inamtak ni emin huyya tep intu-dak tu hu hakey ni anghel et peamta tun emin ni hi-gak.

Revelation 21:5

Kan etan ni yimmudung ey “Yan nunya ey impebaluh kun emin.” Kantun hi-gak ey “Itudek mu huyya, tep makulug niya kameiddinnel hu nakka e-hela.”

Revelation 19:9

Entanni ey kan etan ni anghel ni hi-gak ey “Itudek mu e kammuy: Man-am-amleng ida etan tuun neaygan ni mekihemmul di kasal etan ni Impah ni Kalneroh.” Niya kantuy “Huyyaddan inhel Apu Dios ey makulug.”

2 Peter 1:21

niya beken ni gapu tep humman pinhed dan peamta, tep ya Ispirituh Apu Dios hu nengipeamtan hi-gada et han da peamtaddan tutu-u.

Acts 3:18

Nem huyyan impahding yu hu nengipeamnuan Apu Dios ni inhel idan eman lan prophets tu e hi Christo, e mengippaptek ni tuu ey mahapul ni panlelehhanan tu.

Luke 1:70

Huyya keang-angan tu e um-amnu hu inhel Apu Dios ida lan eman ni prophets

Revelation 18:20

Nem hi-gayuddan emin ni wadad kabunyan, hi-gayuddan apostles, prophets niya hi-gayuddan tuun Apu Dios, ey pan-am-amleng kayun nebahbahan tu humman ni bebley. Tep kinastigu law nan Apu Dios ida tuudman tep ya lawah ni impahpahding dan hi-gayu.

2 Peter 3:2

Pinhed ku mewan ni eleg yu liwwana hu impeenamtaddan prophets ni nunman niyadda tugun Apu Jesus Christo, e kaumhelaknib, ni intenuttudduddan apostles ni hi-gayu.

Hebrews 12:9

Yan ekaglang tayu ey daitsu katuggunan ametayud puyek et tayudda kalispituha. Et humman hu, kaw beken ni nema-man mahapul ni ya Ametayud kabunyan e namyuh ni hi-gatsu hu u-unnuden tayu ma-lat makitegu itsun hi-gatun ingganah?

Romans 1:2

Huyyan penellakniban daitsun Jesus Christo ey impeamtan Apu Dios ida lan prophets tu et itudek dad Ehel tu.

Revelation 22:7

Immehel hi Jesus et kantuy “Dengel yu eya e-helen ku tep anggegannu law et um-ali-ak. Emin ida etan kamengullug ni neitudek eyad libluh ey man-am-amleng idalli.”

1 Corinthians 14:32

Yadda kamengituttuddun impeamtan Apu Dios ni hi-gada ey mahapul ni hangkekkenneng da annel da et hegeden da hu tsimpuh dan um-ehel.

Matthew 13:41

Tep ittu-dak kuddalli anghel Apu Dios et dalli pan-emmungen etan nengituttuddun tuun panliwwatan et yadda emin hu kamengippahding ni lawah

Genesis 41:32

Ey nampidwa hu nengi-innepan mu tep makulug ni peamnun Apu Dios ey anggegannu keippahdingan tu.

Luke 16:16

Ya Tugun Moses et yadda intudek ida lan prophets Apu Dios ey neitenuttuddu ingganah eman ni kawedan John e kamemenyag. Et meippalpun nunman ey kameittuttuddu hu meippanggep ni nan-ap-apuan Apu Dios. Et yadda tuu ey daka ippatnan mengippillit ni meilla-kam di nan-ap-apuan Apu Dios.

Daniel 6:22

Intu-dak alin Apu Dios hu anghel tu et imiden tu hu bungut idan layon et eleg da-ak kanen, tep inamta tu e endi bahul ku niya endi nak impahding ni hi-gam ni lawah.”

Daniel 3:28

Et kan Nebukadnessar ey “Daydayaw tayu hu Dios ni kau-unnudad Shadrak, hi Meshak ni hi Abednego. Makulug ni hi-gatu hu nengitu-dak ali etan ni anghel ni an nengihwang ida eyan bega-en tun kamengiddinnel ni hi-gatu et mukun eleg idan hekey maetungan di apuy. Eleg ida tumekut ni mengehhing etan ni olden ku, anin ni inamta da e ketteyyan da tep ebuh etan Dios dan daka u-unnuda.

2 Thessalonians 1:7

Pappegen tulli hu tayu kapanligligasin pambangngadan nan Apu tayu e hi Jesus Christo e edum tudda angel tun et-eteng kabaelan da. Yan kelpuan tullid kabunyan ey wada hu kaumhihinyab ni apuy di nanlinikweh ni hi-gatu.

1 Corinthians 7:29

Ya pinhed kun ewwatan yun kaegiegi ey ansikkey law hu tsimpuh ni pengippahdingan tayun ngunun Apu Dios. Et humman hu, hi-gayuddan nampengahwa ey beken ni ya kaguh yun ahwa yu hu umheli-wan hi-gayud pengu-unnudan yun Apu tayu.

Acts 12:11

Impepuhdanan Peter ey kantuy “Tam beken ni i-innep, makulug ni immali hu anghel Apu Dios ni nemaddang ni hi-gak et meihwang ngak di pinhed di Herod et yadda Jews ni pehding ni hi-gak.”

Revelation 4:1

Negibbuh huyya et nak i-ang-ang ey heni neibeghul hu habyen ni kabunyan. Ey dingngel ku hu ehel etan ni immehel ni hi-gak ni laputun heni tenul ni tangguyup e kantuy “Ikay deya et peang-ang kun hi-gam hu mekapkapyalli.”

Revelation 21:9

Immali hakey ida etan ni anghel ni nangnged etan ni duyun neiha-adan ni ligat et kantun hi-gak ey “Ikay et nak itudun hi-gam hu ahwaen etan ni Impah ni Kalneroh.”

Revelation 22:1

Impeang-ang mewan etan ni anghel etan wangwang ni kakelpuin danum ni kaum-idwat ni biyag ni endi pappeg tu e ya ang-ang tu ey heni crystal tep makalli-neng. Humman ni wangwang ey nalpud kad-an Apu Dios niya etan Impah ni Kalneroh et

Revelation 22:16

“Hi-gak e hi Jesus hu nengitu-dak etan ni anghel ma-lat tu ehelen ni hi-gayud kesimsimbaan yun emin eya impeamtak. Hi-gak hu hakey ni helag David. Niya hi-gak etan madilag ni talaw ni kamangkewa-wa.”