Revelation 22:4 - Keley-i Bible (Antipolo Ifugao)

⁴ Ang-angen dalli hu angah tu ey emin ali tuktuk da ey memalkaan ni ngadan tu.

Revelation 22:4 Referans Kwoze

Revelation 14:1

Entanni ey inang-ang ku etan Impah ni Kalneroh ni kaman-eh-ehneng di Duntug e Zion niyadda etan hanggatut et na-pat et epat ni libun nangkemalkaan hu tuktuk dan ngadan tu niya ngadan nan Ametu.

Matthew 5:8

Man-am-amleng ida etan tuun kamengikkahhakey ni nemnem dan mengippahding ni pinhed Apu Dios, tep hi-gadalli menang-ang ni hi-gatu.

Revelation 3:12

Ya tuun eleg tu peapput hu nemnem tud lawah ey hi-gatulli hu mengapput niya ihha-ad kun mannananeng ni heni tukud ni Tempol Apu Dios et manha-ad diman ni ingganah. Hi-gatulli heni keittuddekan ni ngadan nan Apu Dios e Dios ku, et mambebley ali etan di baluh ni bebley di Jerusalem e melpun Apu Dios di kabunyan niya hi-gatulli keittuddekan ni baluh ni ngadan ku.

Job 33:26

Ey hedin mandasal humman ni tuu, ey hummangen Apu Dios hu dasal tu. Ey man-am-amleng hi Apu Dios ni mengebbulut ni hi-gatu ma-lat mambangngad hu kayyaggud ni daka pandagyumi.

Hebrews 12:14

Ipahding yun emin hu kabaelan yu et ya kayyaggud hu pekikkillawwan yun edum yun tuu, niya ang-ang yu et ya pinhed Apu tayu hu u-unnuden yu. Tep hedin endi hu kakinayyaggud ni tuu, man eleg tulli ang-anga hi Apu tayu.

Revelation 7:3

kantuy “Entan ni tu bahbah hu puyek niya kabunyan niyadda keyew ingganah malkaan tayuddan emin hu tuktuk idan bega-en Apu Dios.”

1 Corinthians 13:12

Henin nunman ni hi-gatsun kamengullug e kulang ni hu tayu kapengewwat ni meippanggep nan Apu Dios, e heni itsu kamandiddiggal etan di nekulap ni diggal e eleg meka-ang-ang hu angah. Nem hakey alin aggew ey mekihhinnangga itsun Apu Dios et peka-amtaen tayulli elaw tu, henin nengamtaan daitsun hi-gatu.

John 17:24

Ama, pinhed kun yadda kamengullug ni impangulug mun hi-gak ey mekiha-ad idan hi-gak di kabunyan, ma-lat ang-angen da dayaw kun indawat mu la eman ni eleg mu ni letuen eya puyek, tep nakappinhed muwak.

John 12:26

Ya tuun neminhed ni mansilbin hi-gak ey mahapul ni u-unnuden tuwak et anin ni attu kad-ak ey wada damad man et hi-gatu idaydayaw Ama.

Isaiah 33:17

Ang-angen yulli mewan hu et-eteng kabaelan tun patul e kayyaggud hu pehding tun man-ap-apud et-eteng ni bebley.

Psalms 17:15

Nem hedin ngun hi-gak, man nakka makaddinnel e ang-angen dakalli, tep hi-gam hu inu-unnud ku. Em, um-amlengngak alin menang-ang ni hi-gam ni bengngunan ku.

Isaiah 40:5

ma-lat maipeang-ang niya maipeamta hu dayaw Apu Dios ni emin ni tuu.” Huyya inhel ni Ap-Apu ni peamnu tu.

Psalms 4:6

Wadadda hu edum ni tuun kanday “Hipalli na-mu memaddang ni hi-gatsu?” Et humman hu, peang-ang mu anhan hu binabbal mun hi-gami e Apu Dios.

Isaiah 35:2

Em, manhebbung idalli neitnem diman et henilli kaman-a-appeh niya kamantetkuk ni an-anla tu. Kayyaggud alin peteg ang-ang tu et henillin duduntug di Lebanon niya henillin kakinayyaggud ni ang-ang idan kudal di Karmel niya nedeklan ni puyek di Saron. Yan nunman ali penang-angan ni emin ni tuun dayaw niya kasina-gey Apu Dios e Dios tayu.

Ezekiel 33:23

Kan Apu Dios ni hi-gak ey

Psalms 42:2

Hi-gam e Dios ni kamannananeng ni ingganah, ey makahhapul dakan hi-gak, et nakka um-abtun um-alin menaydayaw ni hi-gam.