Revelation 22:1 - Keley-i Bible (Antipolo Ifugao)

¹ Impeang-ang mewan etan ni anghel etan wangwang ni kakelpuin danum ni kaum-idwat ni biyag ni endi pappeg tu e ya ang-ang tu ey heni crystal tep makalli-neng. Humman ni wangwang ey nalpud kad-an Apu Dios niya etan Impah ni Kalneroh et

Revelation 22:1 Referans Kwoze

Revelation 7:17

Tep humman ni Impah ni Kalneroh hu heni kamampattul ni hi-gada et ippangulu tuddad hebwak ni kainnumin danum ni kakelpuin biyag. Endilli law umhulun ni da nengngihan di kad-an Apu Dios.”

John 4:14

Nem ya etan tuun menginnum ni danum ni iddawat ku ey eleg law me-wew, tep humman ey kamei-ellig di danum ni utbul ni eleg metduk. Et ya tuun ebbuluten tu humman ni nakka iddawat ey wada biyag tun endi pappeg tu.”

Revelation 21:6

Kantu mewan ey “Negibbuh law. Hi-gak ey wada-ak dedan ni laputu niya wada-ak alin pappeg tu. Ya tuun na-wew ey iddawtan kun kelebbengan tun um-inum ni danum ni endi bayad tun kaum-idwat ni biyag ni endi pappeg tu.

Sekariah 14:8

Yan nunman alin aggew ey mewedda hu kaum-idwat ni biyag ni danum ni um-ebwal di Jerusalem et mannananeng alin umeyuh. Eleg metduk, anin ni uggew niyan ahi ketelan. Manggedwalli etan danum et mampalaw edum di Netey ni Baybay ey nampalaw edum di Baybay e Mediterranean di appit ni kakelinnugin aggew.

Psalms 46:4

Nem ya bebley Apu Dios ey wadadman hu wangwang ni kamengippeamleng idan tuudman. Ey anin ni hellikuben idan buhul humman ni bebley et ihhehwang Apu Dios e Keta-ta-geyyan ida tuu tun kamangkewa-wa. Et eleg ali mebahbah humman ni bebley.

Revelation 22:17

Kan etan ni Ispirituh Apu Dios niya etan ahwaen ni Impah ni Kalneroh ey “Ikeyuy.” Emin ida etan mengngel nunya ey mahapul daman kanday “Ikeyuy.” Em, emin ida etan nangka-wew ey ali kayu. Abulut yu eya endi bayad tun danum ni kaum-idwat ni biyag ni endi pappeg tu.

Jeremiah 17:13

Apu Dios e kad-an ni namnamah idan helag Israel, mebe-ing idalli hu mengiwwalleng ni hi-gam. Meendiddalli e henin ngadan ni neiku-lit di dep-ul tep inwalleng da hi Apu Dios e makabbaddang ni ingganah ey kamei-ellig di hebwak ni eleg metduk.

Jeremiah 2:13

tep nemahhig hu nanliwatan yun tutu-uk. Ya hakey ni liwat yu ey inwalleng yuwak e kamei-ellig di ahhullan ni kaum-idwat ni danum ni ketegguan yu. Ya meikkadwa ey dinaydayaw yu hu beken ni makulug ni dios et kayu kamei-ellig ni nangku-kun bubun, nem kametduk.

Isaiah 41:18

Peukkat ku danum idad ta-pew ni duduntug ni endi kaumtagun neitnem et maweda wangwang ni mampellaw idad nedeklan. Ey weddaen kuddalli hebwak et mambalin idan lebeng hu mamegan puyek.

Revelation 3:21

Yaddalli etan tuun pannananeng dan ebuh hu kayyaggud ni pehpehding da ey iddawat kun hi-gada hu kelebbengan dan mekiyyuddung di nengipeyudungan tuwak nan Apu Dios ni man-ap-apu, tep inapput ku dama hi Satanas tep ebuh kayyaggud ni inenu-unnud ku.

Acts 2:33

Sinegu tu et paenamut tud kabunyan et yumudung di winannan tu et idwat tun hi-gatu hu kelebbengan tun mengippeellin Ispirituh Apu Dios ni hi-gami e humman la eman impakulug tu. Huyyan inlian ni Ispirituh Apu Dios hu dingngel yu niya inang-ang yun nunya.

Revelation 21:11

Kamammussi-lak ni dayaw nan Apu Dios humman ni bebley e heni jasper e nenginan batu niya heni crystal.

John 15:26

Nem ittu-dak kulli etan umbaddang ni hi-gayun melpun Ama e humman Ispirituh tu et ittudu tullin hi-gayu hu makulug ey peamta tulli hu meippanggep ni hi-gak.

Revelation 5:13

Ey dingngel ku a-appeh idan emin ni wadad kabunyan, yad puyek, yad nandaul niyad baybay e kanday “Ya etan yimmudung di yuddungngan ni Ap-apu niya etan Impah ni Kalneroh hu lebbeng tu dedan ni metbal, melispituh, medeyyaw niya wada et-eteng ni kabaelan dan ingganah.”

Isaiah 48:18

Gullat et ni inu-unnud yudda tugun ku, ey tagan ku paelin bendisyon ni hi-gayu ma-lat manla-la-pih panyaggudan yu e henin wangwang ni eleg metmetduk, niya mantutu-nud hu pengapputan yu e heniddan dalluyun di baybay.

Revelation 5:6

Entanni ey inang-ang ku etan kameingngadnin Impah ni Kalneroh di kad-an etan ni yuddungngan ni ap-apu e immehneng di nanggawwaan ida etan ni epat ni mategu niyadda etan aap-apu. Inang-ang ku hu liput tun nemateyan dan nunman. Pitu ha-duk tu niya pitu matetu e humman ida immatun ni Ispirituh Apu Dios e wada pitun kabaelan tun neitu-dak eyad puyek.

Isaiah 66:12

Kan Apu Dios mewan ey “I-alik ni hi-gayu hu kinedangyan idan kebebbebley eyad puyek, e henin danum di wangwang ni eleg metduk et mannananeng kayun kedangyan. Heni kayulli gelang ni kai-apupun inetu ma-lat painuman tu tep ya impeminhed tu.

Revelation 1:1

Huyyan libluh hu neitudekan ni mekapkapyallin edum ni aggew ni impeamtan Apu Dios nan hi Jesus ma-lat peamta tu damaddan kamengullug. Hi-gak e hi John e bega-en nan Jesus ey inamtak ni emin huyya tep intu-dak tu hu hakey ni anghel et peamta tun emin ni hi-gak.

Revelation 21:9

Immali hakey ida etan ni anghel ni nangnged etan ni duyun neiha-adan ni ligat et kantun hi-gak ey “Ikay et nak itudun hi-gam hu ahwaen etan ni Impah ni Kalneroh.”

Revelation 22:6

Entanni ey kan etan ni anghel ni hi-gak ey “Huyyan na-na-hel ey makulug niya kameiddinnel. Hi Apu Dios e Apu tayu hu nengipa-hel idan prophets tu niya hi-gatu nengitu-dak etan ni anghel ni an menghel ni mekapkapyallin meba-ba-ba.”

John 13:32

Hedin meiddeyaw hi Apu Dios di pehding ku, ey peiddeyaw tuwak dama ey anggegannuy ippahding tu huyya.