Revelation 21:8 - Keley-i Bible (Antipolo Ifugao)

⁸ Nem yadda etan eleg mengu-unnud lan hi-gak tep ya takut da niyadda etan nengiwalleng ni daka pengullug ni hi-gak, yadda lawah daka pehpehding, yadda mangkapetey, yadda nengiulig ni beken da ahwa, yadda maeyak, yadda etan daka deyyawa beken ni makulug ni Dios niyadda mangkaitek ey yad apuy hu lawwan da, e humman meikkadwan ketteyyan.”

Revelation 21:8 Referans Kwoze

Revelation 2:11

Kaegiegi, dengel yu et u-unnuden yu hu kae-helan Ispirituh Apu Dios ni hi-gayun kamengullug e kantuy: Ya tuun han-ihikal tullin emin hu ligat tu ey eleg han-apput nan Satanas, et humman hu eleg umlaw di impiernoh e humman hu meikkadwan ketteyyan.’”

Revelation 22:15

Nem yadda etan tuun mangkaheul, yadda maeyak, yadda kamengi-ullig ni beken da ahwa, yadda mapetey, yadda etan daka daydayawa hu beken ni makulug ni dios, yadda mangkaitek niyadda etan kamengippenahding ni linggeman ni lawah ey eleg ida mekihha-ad etan di bebley.

Proverbs 19:9

Ya etan tuun mantistigun itek ey nanna-ud ni mekastigu.

1 John 3:15

Ya kapetteyan tuu ey humman etan anggebe-hel tu, et humman hu hedin anggebe-hel ni tuu hu edum tu, ey heni damengu pintey tu. Ey inamta tayu e ya pimmatey ey endi hu biyag tun endi pappeg tu hedin eleg mantuttuyyu.

Malachi 3:5

Kan Apu Dios e Kabaelan tun emin ey “Um-ali-ak alin menuwet ni hi-gayu, et kastiguen kudda maeyak, yadda daka i-ulig hu beken dan ahwa, yadda kaman-ittek ni tistigu, yadda eleg mengidwat ni ustuh ni tangdan ni daka pangngunnu, yadda kamengippelilligat ni nebalu niyadda nepu-hig niyadda nalpud edum ni bebley. Anin idan tutu-un endi lispituh dan hi-gak et kastiguen kudda.

Revelation 19:20

Nanggugubat ida ey nengapput etan nantakkay di kebayyu niyadda sindalu tu. Bineludda etan heni animal ni anggetakkut niya etan beken ni makulug ni prophet et pambekahen daddad apuy e wada sulfur tu. Ya etan beken ni makulug ni prophet hu nenauhaul idan dakel ni tuu tep ya tuka peennang-ang ni kaketngain tuud hinangngab etan heni animal ni anggetakkut. Yadda etan tuun nangkehaul ey inebulut dan pemalkaddan malka etan heni animal ni anggetakkut et daka daydayawa etan u-ukkul tun kinapya da.

Hebrews 13:4

Emin kayu ey mahapul ni ikkahhakey yu impeminhed yun ahwa yu. Entan tu iulig hu beken yun ahwa niya entan tu ipahding hu linggeman ni anggeba-ing, tep makulug ni kastiguen Apu Dios ida kamengippahding ni nunya.

1 Timothy 4:2

Yadda mengituttuddun kaituttuddun dimonyoh ey yadda etan tutu-un maitek e heni numan kakkayyaggud hu daka pengehhe-ehhel, nem ebuh lawah ni wadad nemnem da, tep hi Satanas e apun emin ni lawah hu kamenettengnged ni hi-gada.

Matthew 8:26

Kan Jesus ni hi-gaday “Kele kayu kaumtatakut? Tam eleg kayu medinnel ni hi-gak!” Imminah et pasiked tu etan pewek niya dalluyun ey nesiked ida.

Revelation 9:21

Eleg ida mantuttuyyun pinetepeteyan da, yadda nengipahdingan dan ayak da, ya nengiuligan dan beken da ahwa niya nenaketakewan da.

John 8:44

Heni kayu tu-wangu hi ameyu hi Satanas, tep pinpinhed yun pehding ida pinhed tu. Gapun hi-gatu ey kamettey hu tuu. Eleg tu pinhed hu kayyaggud tep endin hekey hu kayyaggud ni elaw tu. Ebuh haul niya itek ni wadan hi-gatu. Hi-gatu ap-apun emin ni maitek.

Matthew 10:28

Entan tu takusidda hu memettey ni hi-gayu tep anin petteyen da annel yu et eleg mabalin ni wada da pehding ni linnaweyu. Heballi kumaddan hi Apu Dios tekkutan yu tep hedin petteyen dakeyu, dammutun pellaw dakeyud impiernoh e kalawwin kamekastigu.

Proverbs 19:5

Ya etan tuun mantistigun itek ey nanna-ud ni mekastigu.

Deuteronomy 20:8

E-duman ida daman opisyal et kanday “Kaw wadan hi-gayu kaumtakut ni an mekiggubbat? Hedin wada, man i-imman hu um-anemut, tep entanniy me-tanan ida edum tun takut tu, et meendi tuled da.”

1 John 2:22

Hipa tuun kandan maitek? Ya tuun kandan maitek ey humman ida etan tuun kamengehhing nan hi Jesus, et kanday beken tun hi Christo ni intu-dak Apu Dios ni mengippaptek ni tuu. Huyyan tuun tuka kehhinga hu meippanggep nan Jesus ni hi Apu Dios ey buhul nan Jesus Christo.

Isaiah 9:15

Yadda aap-apu da niyadda kametbal ni tutu-udman hu kameingngadnin ulu ey yadda prophets ni kamengittenuttuddun itek hu kameingngadnin ikul.

1 John 5:10

Emin ida etan kamengullug nan Jesus e U-ungngan Apu Dios ey neka-amta da e makulug hu inhel Apu Dios meippanggep ni hi-gatu. Nem yadda eleg mengullug ni inhel tu ey impambalin dan maitek.

Isaiah 57:11

Kan Apu Dios ey “Hipadda huyyan dios ni yuka tekkusi et yuwak inwalleng niya yuwak kai-itteki? Kaw eleg yuwak law deyyawa tep nebayag ni nakka pemegga i-ineng?

Judges 7:3

Et humman hu, kammun hi-gada ey ‘Hipan hi-gayu hu kaumtakut ni mekiggubbat? Heballi ew hi-yanen tu eya duntug e Gilead et umenamut.’” Inhel Gideon huyya ey immanemut ida dewampulu et dewwan libun sindalu tu et matdaan ida hu hampulun libu.

Revelation 2:2

‘Inamtak hu yuka pehpehding. Inamtak hu hinlu yu niya ya yuka pengissippelin ligat ni ngunu yun mansilbin hi-gak. Ey inamtak e eleg yu u-unnuden ida etan mangkaitek ni tuun kanday apostles ida, nem beken ida kaya, tep pinatnaan yudda et inamta yu law e lawah ida niya maitek ida.

Isaiah 51:12

Kan Apu Dios ey “Hi-gak hu mengellubyag ni hi-gayu. Et humman hu, entan takut yun edum yun tuu tep tuu idan ebuh e heniddan helek e hedin nakling ida, man meendidda.

2 Thessalonians 2:9

Hi Satanas hu mengidwat ni et-eteng ni kabaelan nunman ni kelellewwahan ni tuu, et peang-ang tulli dakel ni miracles niyadda kamengippetnga, ma-lat maheul ida tuu.

Hebrews 12:24

Wada law dama neiegian tayun Jesus e kamengi-ehneng ni hi-gatsud hinanggan Apu Dios, tep hi-gatu nengipeamnuan Apu Dios ni baluh ni nekitbalan tun pengebbulutan tun hi-gatsu. Itsu dama kameilla-kam di panyaggudan ni nambalinan ni ineyuhan ni kuheyaw Jesus e humman immatun ni impeminhed tun hi-gatsu niya immatun ni tuka pemessinsahin liwat tayu. Beken ni henin ineyuhan ni kuheyaw nan Abel e humman hu immatun ni mahapul ni mei-ewwit etan di nematey ni hi-gatu.

Titus 1:16

Kanday daka u-unnuda hi Apu Dios, nem eleg kaya, tep lawah hu daka pehpehding. Ida kamengippebungnget, ey manghay ida niya endi kabaelan dan mengippahding ni kayyaggud.

Revelation 9:17

Inang-ang kudda etan kebayyu et yadda nampantakkay di i-innep ku ey wada heni happiyyaw ni neihenid pagew dan madlang ida edum e henidda apuy niya heni ang-ang ni batun sapphire ida edum. Malulaw ida edum e heni ang-ang ni sulfur. Ya uluddan kebayyu ey henidda ulun layon. Wada kameukkat di bungut dan apuy, ya ahuk, et ya sulfur.

Revelation 14:10

ey helheltapen dalli hu nemahhig ni pengastigun Apu Dios ni hi-gada. Nemahhig ali hu kastigu da tep ya bunget tun impahding da. Ang-angen alin etan ni Impah ni Kalneroh niyadda anghel humman idan tuun penelheltapan dan atung ni apuy niya sulfur ni kastigu da.

Revelation 21:27

Nem endilli an umhegep diman ida etan ni tuun lawah daka pehpehding, yadda etan mangkaitek, yadda nangkabngang, niyadda etan tuun kamengippebabbaing daka pehpehding. Yadda dammutun ebuh ni umhegep diman ey ebuh ida etan neitudek ngadan dad libluh etan ni Impah ni Kalneroh e humman hu libluh ni neitudkan ni wada biyag dan endi pappeg tu.

Matthew 25:25

Simmakuttak ni hi-gam et nak itlud puyek hu pihhuh ni indawat mu et adyah e eleg maumah. Ibbangngad kun hi-gam huyyan pihhuh mu.’