Revelation 2:16 - Keley-i Bible (Antipolo Ifugao)

¹⁶ Isiked yun manliwwat tep hedin eleg yu issiked ey um-ali-ak et dakeyu kastiguen niya nak pampetteyen eyan ispadah ni wadad bungut kudda humman ni kamengu-unnud ni daka ituttuddu.

Revelation 2:16 Referans Kwoze

2 Thessalonians 2:8

Hedin na-kal humman ni kamengikka-leg, ey han immali humman ni kelellewwahan ni tuu. Nem yallin ellian Apu tayun hi Jesus ey meippeang-ang hu et-eteng ni kabaelan tu, et heng-aban tulli et mettey.

Revelation 1:16

Wada singnged ni wannan ni ngamay tun pitun bittuwen. Ey wada dimmewdew di bungut tun makattadem ni nambina-hil tadem tun ispadah. Ya heyaw ni angah tu ey heni petang ni nandattekan ni aggew.

Revelation 2:5

Kele ma-nun nunman tep kayyaggud elaw yu? Nemnem yu tep et-eteng humman ni liwat yu. Pantuttuyyu kayu et ya kayyaggud ni elaw yun nunman hu pannananeng yun pehpehding. Tep hedin eleg yuwak u-unnuda, man um-ali-ak ali et nak e-kalen etan kapengippettukin kengkeh yu.

Ephesians 6:17

Idinel yu nehelakniban yud liwat yun menennin hi-gayu, heni etan ni sindalun tuka iddinel hu helmet tun penenni tun ulu tu. Ey pandaddan kayun menghel ni ehel Apu Dios ni penemnem ni Ispirituh tun hi-gayu tep huyya heni ispadah yu.

Revelation 19:21

Humman idan kamenaydayaw etan ni heni animal ni anggetakkut ey nampalang etan ni nantakkay di kebayyun ispadah tun wadad bungut tu et mangkatey ida et ipeppehel idan sisit hu annel da.

Revelation 19:15

Wada matedem ni ispadah di bungut tun humman pengapput tuddallin buhul tud kebebbebley, et endilli an mengapput ni hi-gatu. Apputen tuddalli et hi-gatulli pan-ap-apu da niya kastiguen tuddalli tep nemahhig hu bunget Apu Dios e Han-ipahding tun emin.

Isaiah 11:4

Nem meandeng ali panhuwet tuddan nangkewetwet niya i-ehneng tu kelebbengan idan endi kabaelan da. Hedin mammandal, man mekastigudda kamengippahding ni lawah niya pepettey tudda hu lebbeng dan meippepettey.

Revelation 2:12

Kantu pay ni hi-gak ey “Pantudek ka etan ni anghel idan kamengullug di Pergamum et ehelem e kammuy: Hi-gak etan wada matedem ni nambina-hil tadem tun ispadah di bungut tu.

Isaiah 49:2

Impambalin tu ehel kun henin makattadem ni ispadah. Impaptek tuwak niya impambalin tuwak ni heni nekammusingan ni pana e neidaddan ni meussal.

Revelation 3:19

Emin ida etan nakappinhed ku ey nak ida kaibbunget niya nak ida katugguna. Et humman hu, pinhed kun mantuttuyyu kayun liwat yu et dengelen yu tugun ku.

Revelation 22:7

Immehel hi Jesus et kantuy “Dengel yu eya e-helen ku tep anggegannu law et um-ali-ak. Emin ida etan kamengullug ni neitudek eyad libluh ey man-am-amleng idalli.”

Revelation 16:9

Ida kamangkaetungi tutu-un petang et daka pan-iidusi hi Apu Dios e nengipealin nunman idan ligat. Eleg ida mantuttuyyun liwat da niya eleg da daydayawa hi Apu Dios.

Revelation 22:20

Hi Jesus hu nengipeang-ang ni makulug emin eya wadad libluh et kantuy “Anggegannu law ey um-ali-ak.” Et kangkuy “Kayyaggud hedin um-ali ka. Ali ka law e Apu Jesus.”