Revelation 19:5 - Keley-i Bible (Antipolo Ifugao)

⁵ Entanni mewan ey wadalli immehel di kad-an ni yuddungngan ni ap-apu e kantuy “Hi-gayuddan emin ni bega-en nan Apu Dios, emin kayun kamengullug ni hi-gatu, newetwet niya kedangyan, ey daydayaw tayu hi Apu Dios.”

Revelation 19:5 Referans Kwoze

Psalms 134:1

Daydayaw tayu hi Apu Dios! Em, emin kayuddan bega-en tun kamangguwalyan hileng di Tempol tu, ey daydayaw yu hi Apu Dios!

Psalms 150:6

Emin itsun mategu ey daydayaw tayu hi Apu Dios. Daydayaw tayu hi Apu Dios!

Psalms 135:1

Daydayaw tayu hi Apu Dios! Emin kayun bega-en Apu Dios ni kamansilbid bawang ni baley tu niyad dallin tu ey daydayaw yu hu ngadan tu.

Revelation 7:15

Et mukun wadaddad kad-an ni kayuddungin Apu Dios et ida kamansilbin hi-gatud Tempol tun kewa-wa-wa niyan kahilehileng. Ya etan yimmudung di kayuddungin ap-apu hu mengippaptek ni hi-gada tep wadad kad-an da,

Psalms 22:23

Hi-gayun kamengu-unnud nan Apu Dios, hi-gatu daydayaw yu! Em, hi-gayun helag Jacob e tutu-ud Israel, hi-gatu daydayaw yu!

Revelation 20:12

Pinhakkeyey inang-ang kudda etan nangketey lan tuun eta-gey niya nebabah hu saad da, kametbal niya eleg, ni kamampan-eh-ehneng di kad-an etan ni yuddungngan ni Ap-apu. Ey inang-ang kudda libluh ni nangkebiklag. Ya etan hakey ni libluh hu neitudkan ni ngadan idan tuun meidwatan ni biyag dan endi pappeg tu. Yadda libluh ni nangkeitudkan ni impahpahding ni tuud puyek ey humman ida keang-angan ni kehuwetan idan nangketey.

Revelation 16:17

Induyag etan ni neikepitun anghel etan neiha-ad di duyu tud kabunyan ey wada dingngel kun ehel ni na-let ni nalpu etan di yuddungngan ni ap-apud Tempol e kantuy “Negibbuh law!”

Psalms 115:13

Bendisyonan tuddan emin hu kamengu-unnud ni hi-gatun newetwet niya kedangyan.

Revelation 13:16

Ey pepillit tullin memalkaan hu ngamay winu tuktuk ni emin ni tuu, anin ni kedangyan niya newetwet, yadda etan wada saad da niyadda endi saad da, yadda himbut niyadda beken ni himbut.

Revelation 19:18

Ali kayu et pangkanen yu hu annel idan buhul Apu Dios ni ap-apuddan tuu, yadda ap-apuddan sindalu, yadda etan tuun nangketa-gey saad da, yadda etan kebayyu, anin idan nantakkay, yadda etan himbut niyadda beken ni himbut, yadda etan eta-gey niyadda nangkebabah ni tuu.”