Revelation 19:3 - Keley-i Bible (Antipolo Ifugao)

³ Intekuk da mewan e kanday “Daydayaw tayu hi Apu Dios, tep kaumlaw ni ingganah di ahpat hu ahuk ni kamelpudman ni bebley ni tuka pangkelgabi.”

Revelation 19:3 Referans Kwoze

Isaiah 34:10

Endilli paka-dep ni nunman ni apuy et kewa-wa-wa niya kahilehileng ey man-a-ahhuk alin ingganah. Huyyan bebley ey metawwey alin ingganah et endilli law meweddag diman.

Revelation 18:18

Tagan dalli nangih ni penang-angan dan ahuk etan ni bebley ni tuka pangkelgabi. Kandalliy “Endi edum ni bebley ni henin nunya!”

Revelation 18:9

Yadda etan ap-apun nengipenahding ni lawah ni henin impenahding idan tuudman ey umnanginangih idalli niya umlelemyung idallin kegihheban nunman ni bebley.

Revelation 14:11

Kewa-wa-wa niya kahilehileng ey endilli da ke-kalan etan di apuy, tep humman kastigu dan daka penaydayawin nunman ni animal ni anggetakkut niya etan u-ukkul tu. Humman ida tuu ey nemalkaan ni ngadan tu. Panlelehhanan dallin ingganah hu apuy ni kapellaw di nengin-ahpat hu ahuk tu.”

Revelation 19:1

Negibbuh huyya ey wada dingngel kun heni ngalan dakel ni tuud kabunyan e kanday “Daydayaw tayu hi Apu Dios! Hi-gatu hu kamedeyyaw, tep ya kabaelan tu niya hi-gatu kaumhelaknib.

Genesis 19:28

Et man-uhdung di nandeklan di Sodom niyad Gomorrah ey mahdel ni ahuk hu kameang-ang diman.

Jude 1:7

Ey entan tu liwwan hu neipahding di Sodom niyad Gomorrah, niyadda etan kebebbebley di nanlinikweh diman e kinastiguddan Apu Dios tep nabngang ida katuutuud man, et legaben tu humman idan bebley. Huyya kastigu da tep nemahhig liwat dan henin nanliwtan idan anghel, tep imminam ni hi-gada hu lellelgemen hu uliulig ni tuu e eleg da u-unnuda hu tugun Apu Dios ni pan-ahwaan e pakkaw ya laki niya bii hu man-ahwa. Nem ay yadda lakidman ey ya edum dan laki daka adduma henin pan-ahwa da. Huyyan nanlegaban nan Apu Dios ni bebley di Sodom niyad Gomorrah hu kei-ingngehan ni kastiguddan tuun manliwwat.

Psalms 104:35

Ya kayyaggud ey mebahbah idan emin hu tuun neliwtan et mangkeendidda eyad ta-pew ni puyek. Ikkahhakey ku nemnem kun menaydayaw nan Apu Dios. Daydayaw tayu hi Apu Dios!

Revelation 19:4

Entanni ey nandukkun ida etan epat ni mategu niyadda etan dewampulut epat ni aap-apu et daydayawen da hi Apu Dios e yimmudung di kayuddungin Ap-apu et kanday “Daydayaw tayu hi Apu Dios! Amen.”