Revelation 17:9 - Keley-i Bible (Antipolo Ifugao)

⁹ Ya keibbellinan tu huyya ey dammutun amtaen ni nenemneman. Ya etan pitun ulun nunman ni animal ey humman ida etan pitun duntug ni bebley ni kapan-ap-apui etan ni bii.

Revelation 17:9 Referans Kwoze

Revelation 13:18

Huyyan ngadan niya bilang etan ni animal ni anggetakkut ey mahapul hu baddang nan Apu Dios et han dammutun ewwatan ni tuu hu keibbellinan da. Ya humman ni bilang e enem ni gatut et na-nem et enem ey humman hu bilang ni tuu.

Revelation 17:7

kan etan ni anghel ni hi-gak ey “Entan katngam tep e-helen kun hi-gam hu keibbellinan tudda humman ni inang-ang mun bii niya etan animal ni nantakkayan tun pitu ulu tu niya hampulu ha-duk tu.

Revelation 17:18

Ya etan biin inang-ang mu ey humman neidingpatan etan ni nandingngel ni bebley ni ap-apun emin idan aap-apud kebebbebley.”

Revelation 17:3

Pinhakkey mewan ey newada hu Ispirituh Apu Dios ni hi-gak et ilaw tuwak di desert. Ey wada inang-ang kun hakey ni biin nantakkay di madlang ni heni animal ni anggetakkut hu ang-ang tu. Pitu ulu tu niya hampulu ha-duk tu niya nangketudkan ida annel tun lawah ni ehel ni keang-angan tun tuka la-pahi hi Apu Dios.

Revelation 13:1

Entanni mewan ey inang-ang ku hu heni anggetakkut ni animal ni nalpud baybay. Hampulu ha-duk tu niya pitu ulu tu, ey nangkapngetan ni emin hu ha-duk tu. Ey nangketudkan hu ulu tun lawah e humman keang-angan tu e tuka ngenghaya hi Apu Dios.

Matthew 24:15

Ang-angen yulli etan kapekabbellawan Apu Dios ni meihha-ad di Tempol di kuwaltuh Apu Dios e humman la inhel Daniel e prophet. (Hi-gayun mambidbid, ey awasi yu huyyan neitudek.)

Matthew 13:11

Kan Jesus ni hi-gaday “Hedin hi-gayu, man nakka panna-ud ni ituttuddu hu elaw ni nan-ap-apuan Apu Dios ni eleg tu peamta ingganah nunya. Nem hedin yad edum ni tuu, man nakka pan-ina-abbig ni ebuh hu nakka penuttuddun hi-gada.

Hosea 14:9

Yadda nenemneman ni tuu ey han-awat da eyadda neitudek niya u-unnuden da et ipahding da. Neiptek ni emin hu kapehding Apu Dios. Yadda kamengu-unnud ni hi-gatu ey pehding da tugun tu. Nem yadda manghay ni tuu ey eleg da hengnguda hu tugun tu, et humman hu, mekastigudda.

Daniel 12:4

Entanni mewan ey kantun hi-gak ey “Daniel, entan tu peam-amta hu neitudek eyad libluh ingganah alin kepappegan ni emin. Dakel idalli tutu-un mengippatnan mengamtan keibbellinan idan hipan kameippenahding, nem endilli hu silbitu.”